Passar hún?

  Á Akureyri býr 94ra ára kona.  Hún er spræk þrátt fyrir að vera bundin í hjólastól.  Hún er með allt sem heyrir undir ADHD og svoleiðis eiginleika.  Fyrir bragðið fer hún stundum skemmtilega fram úr sér.  Oft hrekkur eitthvað broslegt út úr henni áður en hún nær að hugsa.

  Fyrir jólin sendi hún sonarsyni sínum pening.  Honum fylgdu fyrirmæli um að hann myndi fá sér peysu.  Peysan yrði jólagjöfin hans frá henni.

  Eftir jól hringdi hún í strákinn og spurði: 

  - Hvernig peysu fannstu í jólagjöf frá mér?

  - Ég fékk virkilega flotta svarta hettupeysu.

  - Passar hún?

Athugasemdir

[Bjarki Tryggvason, 22.1.2025 kl. 10:31]

Ömmurnar eru með þetta, takk fyrir mig Jens 

[Sigurður I B Guðmundsson, 22.1.2025 kl. 11:23]

Þetta minnir mig á... Manninn sem keypt sér rándýrt ilmvatn (eftir raksturs) fyrir jólin en fann það svo ekki. En þegar hann opnaði jólagjöfuna frá eiginkonunni sinni þá var ilmvatnið í pakkanum!!

[Jens Guð, 22.1.2025 kl. 11:24]

Bjarki,  svo sannarlega!

[Jens Guð, 22.1.2025 kl. 11:25]

Sigurður I B,  góð saga!

[Jóhann Elíasson, 22.1.2025 kl. 12:11]

Já þessar jólagjafir eru stundum til vandræða.........

[Jens Guð, 22.1.2025 kl. 12:19]

Jóhann,  heldur betur!

[Stefán (IP-tala skráð) 22.1.2025 kl. 20:24]

Önnur og verri saga:  ,, Litlu leikskólabörnin urðu fárveik af rangt elduðum mat og munu berjast alla ævi við afleiðingarnar, en mannauðsstjórinn sefur vært, ber enga ábyrgð á mannauðnum ,,.

[Jens Guð, 23.1.2025 kl. 06:13]

Stefán,  eins og svo oft ber enginn ábyrgð!

[L (IP-tala skráð) 23.1.2025 kl. 23:38]

Í ástarinnar 

Ômmu er allt í stakasta lagi.

Skapaðar að hanna góða hagi.

Við ættum kannski að hlusta á þær ômmur meir?

Og mæra minna mikilfengleika sem þeir

sem mæra meira, venda, vanda, væða illsku leg

villu vegar æða hjartans illsku veg?

[Jens Guð, 24.1.2025 kl. 00:00]

L,  takk fyrir skemmtilegt ljóð.

[L (IP-tala skráð) 24.1.2025 kl. 00:33]

Elskuleg.

[Stefán (IP-tala skráð) 24.1.2025 kl. 17:52]

Nýlega sköpuðust miklar umræður hér á þessu bloggi um hunda ómenningu. Nýjasta fórnarlamb slíkrar ómenningar er Bubbi Morthens sem ekki kallar allt ömmu sína. Bubbi var á gangi með hundi sínum þegar hann mætti ungum manni með fimm ólalausa hunda. Bubbi brást ókvæða við og öskraði á hundasmalann sem þá brást ókvæða við og öskraði úr sér lungun við að öskra á hunda sína. Nú ætla ég að enginn hafi neitt í Bubba að gera þegar kemur að öskrum, hvorki hundasmali né fimm hundar í einu, voofff.

Það var eitt sinn hundur, horaður, ljótur og húsbóndalaus að flækjast í borginni, svo aumur og vesæll og enginn sem þekkti hann og ekket sem veitti honum huggun í sorginni. Svo dó hann úr sulti seinni part vetrar. Það var sjálfsagt réttmætt og skynsamlegt af honum fyrst heimurinn smáði hann ......

Steinn Steinarr 

[Jens Guð, 24.1.2025 kl. 18:00]

Stefán,  Steinn Steinarr klikkar ekki!