Svangur frændi

  Fötluð kona í hjólastól bjó í kjallara á Leifsgötu.  Dag einn fékk hún upphringingu frá frænku sinni í norðlenskri sveit.  Sú sagði að 17 ára sonur sinn ætlaði til Reykjavíkur kvöldið eftir.  Hann væri að kaupa bíl.  Fengi hann að gista á Leifsgötunni?

  Frænkan fagnaði erindinu.  Frændann hafði hún ekki séð síðan hann var smápatti.  Móðirin sagði hann fá far hjá vörubílstjóra.  Þeir yrðu seint á ferð.  Myndu varla skila sér fyrr en eftir miðnætti.

  Kvöldið eftir bað sú fatlaða heimahjúkkuna um að laga mat handa frændanum og halda honum heitum uns hann mætti.  Er nálgaðist miðnætti sótti syfja að konunni.  Hún bað hjúkkuna um að renna sér inn í stofu.  Þar ætlaði hún að dotta í haustmyrkrinu uns frændi kæmi.

  Hún steinsofnaði en hrökk upp við að frændinn stóð yfir henni.  Hún tók honum fagnandi og bað hann um að renna sér í stólnum fram í eldhús.  Þar biði hans heitur matur.  Stráksi tók hraustlega til matar síns.  Hann var glorhungraður og fámáll.  Umlaði bara já og nei um leið og hann gjóaði augum feimnislega í allar áttir.  Sveitapilturinn var greinilega óvanur ókunnugum.  Skyndilega tók hann á sprett út úr húsinu.  Nokkrum mínútum síðar bankaði annar ungur maður á dyr.  Hann kynnti sig sem frændann.  Ættarsvipurinn leyndi sér ekki.  

  Hver var svangi maðurinn?  Við athugun kom í ljós að stofugluggi hafði verið spenntur upp.  Gluggasyllan og gólfið fyrir neðan voru ötuð mold.  Greinilega var innbrotsþjófur á ferð.  Hlýlegar móttökur og heitur matur hafa væntanlega komið á óvart!

           

Athugasemdir

[Jóhann Elíasson, 12.3.2025 kl. 11:40]

Já það er vandlifað í þessari veröld.  Það er aldrei hægt að ganga út frá neinu vísu.  En það er alveg makalaust hvað blessuð konan hefur verið óheppin....

[Jens Guð, 12.3.2025 kl. 13:53]

Jóhann, óheppni eltir suma!

[Stefán (IP-tala skráð) 12.3.2025 kl. 19:50]

Það eru nú til stærri og umfangsmeiri afætur en þessi gutti, t.d. Tryggingastofnun.

[Jens Guð, 12.3.2025 kl. 20:03]

Stefán,  hvað gerði Tryggingastofnun af sér?

[Stefán (IP-tala skráð) 12.3.2025 kl. 20:38]

Tryggingastofnun gleypir t.d. hverja krónu jafnóðum og lífeyrissjóðir hækka greiðslur til aldraðra. Slíkar skerðingar eru reyndar í boði síðustu ríkisstjórna og eru því löglegar.  

[Jens Guð, 13.3.2025 kl. 07:34]

Stefán,  ég kannast við þetta.

[Bjarni (IP-tala skráð) 14.3.2025 kl. 21:49]

Var ekki kellingarangin bara heppin, engu stolið og pörupilturinn fór saddur heim.

Alltaf hægt að rúlla niður á umferðamiðstöð og kaupa svíðakjamma og rófustöppu fyrir sveitavarginn.

[Jens Guð, 15.3.2025 kl. 09:54]

Bjarni,  góður punktur!

[Stefán (IP-tala skráð) 16.3.2025 kl. 19:33]

Svo er það snilldin að éta sig upp til agna innan frá eins og Vinstri græn og núna Sósialistaflokkurinn - að stela sjáfum sér. 

[Jens Guð, 16.3.2025 kl. 19:50]

Stefán (#9), vel orðað!