Anna frænka á Hesteyri í fasteignabraski

   Fullorðin hjón frá Fáskrúðsfirði brugðu sér í heimsókn til Önnu Mörtu frænku minnar á Hesteyri.  Þau eru náttúruunnendur eins og hún.  Þau þrjú röltu saman um land Hesteyrar og drukku í sig fegurð landsins.  Nokkru fyrir ofan íbúðarhúsið er lítill foss.  Hjónin göntuðust með að þarna væri fullkomið umhverfi fyrir sumarbústað.

  Anna tók þau á orðinu og sagði:  "Þið getið fengið landskika hérna á 43 þúsund kall."

  Maðurinn hváði og spurði undrandi hvort hún væri að tala í alvöru. 

  "Ég skulda símreikninginn,"  útskýrði Anna.  "Hann er 43 þúsund.  Hann má ekki vera í vanskilum.  Þið mynduð alveg bjarga mér."       

  Höfð voru snör handtök.  Pappírar útbúnir,  þinglýstir, gengið frá greiðslu,   símreikningnum bjargað fyrir horn og sumarbústaður reistur.

  Framhald í næstu bloggfærslu...

  Ps.  Þetta var undir lok síðustu aldar.  Gengi krónunnar var annað.  Hugsanlega má þrefalda verðgildið á gengi dagsins í dag.    

Athugasemdir

[Jóhann Elíasson, 16.4.2025 kl. 10:03]

Þetta kallar maður að bjarga sér og að vera snöggur að hugsa og framkvæma ekki eins og ríkisstjórnin "gaspra" bara í ræðustól Alþingis og fara svo bara í PÁSKAFRÍ.....

[Jens Guð, 16.4.2025 kl. 10:14]

Jóhann,  Anna frænka var snillingur!

[Stefán (IP-tala skráð) 16.4.2025 kl. 10:26]

Kerla hefur legið í símanum á milli þess sem hún hlúði að kindum, kúm, gæsum og músum. Man að hún hringdi mikið í símatíma útvarpsstöðva og var líklega gáfulegri þar en flestir reglulegir innhringjendur á Útvarpi Sögu.

[Sigurður I B Guðmundsson, 16.4.2025 kl. 13:33]

Hún hefi nú alveg getað bætt fasteignagjöldunum við!!!

[Jens Guð, 16.4.2025 kl. 14:00]

Stefán,  hún var einbúi og dugleg að hringja í útvarpsþætti.  Á þeim tímum var mjög dýrt að hringja út fyrir sitt símsvæði.  

[Jens Guð, 16.4.2025 kl. 14:00]

Sigurður I B,  segðu!