Ógeðfelld grilluppskrift

  Þessa dagana eru netsíður,  blöð og tímarit uppfull af tillögum um hitt og þetta varðandi grill og matseld.  Lesendur eru hvattir til að brjóta upp hversdaginn og prófa þetta og hitt á grillið.  Fyrirsagnirnar eru:  "Tilvalið að grilla pizzur með banönum og bláberjum!"  "Tilvalið að grilla pizzur með ís og súkkulaði!"  "Tilvalið að grilla pizzur með lifrapylsu!". 

  Ólystugasta uppskriftin birtist fyrir nokkrum árum í dagblaði.  Þar sagði:  "Tilvalið að grilla pizzur með börnunum!"  Ég hef ekki getað hætt að hugsa um þetta.  Að vísu er víða þröngt í búi,  börn dýr í rekstri og það má alltaf búa til fleiri börn.  Samt... 

Athugasemdir

[Stefán (IP-tala skráð) 12.6.2025 kl. 10:46]

Hmm, hljómar einhvern veginn álíka ólystugt og það sem flugfélagið Play og fjölmiðlasamsteypan Sýn eru að gera þessa dagana.

[Jens Guð, 12.6.2025 kl. 10:51]

Stefán,  ég skil ekki hvað er í gangi hjá þessu blessaða fólki.  

[Stefán (IP-tala skráð) 12.6.2025 kl. 11:30]

Það er líklega bara gamla sagan um slæma rekstrarstjórnun sem oft leiðir af sér uppsagnir á lykilstarfsfólki og svo ráðningar á óhæfu starfsfólki í staðinn. Slíkt virkar eins og jarðskjálftar sem skilja eftir sig eyðileggingar og allt liðast smátt og smátt í sundur og fyrirtæki fara að líta út eins og Grindavík, þ.e. ,, Should I stay or should I go ,,.

[Jóhann Elíasson, 12.6.2025 kl. 12:05]

Þetta er mjög svipað og þegar veitingastaðir eru með "BARNAMATSEÐIL" hvað er það?????????

[Jens Guð, 12.6.2025 kl. 12:24]

Jóhann,  þegar stórt er spurt...!

[Wilhelm Emilsson, 12.6.2025 kl. 15:37]

Það er til BA-ritgerð í þjóðfræði við Háskóla Íslands sem heitir: "Fáir hafa notið betur bónda síns en ég": Mannát í íslenskum sögnum.

Félagsvísindin efla alla dáð!

 

 

[Jens Guð, 12.6.2025 kl. 16:51]

Wilhelm,  þetta er gargandi snilld!  Takk fyrir það.

[Stefán (IP-tala skráð) 14.6.2025 kl. 21:01]

Margir muna eftir fellibylnum Katrínu sem olli miklum flóðum og manntjóni í New Orleans árið 2005. Við hér á landi munum fellibylinn Katrínu sem olli miklu tjóni hér á landi í sjö ár. Nú boðar Katrín einskonar endurkomu og sameiningu á vinstri vængnum, kann greinilega að meta þau grimmilegu átök sem geysa á sósíalíska vængnum og boðar því fleiri Katrínar fellibyli. 

[Stefán (IP-tala skráð) 20.6.2025 kl. 19:30]

Að hlusta á góðan kórsöng getur verið hin besta skemmtun, en að hlusta á grátgór stjórnarandstöðunnar verja stórúterðir sem moka milljörðum í vasa gráðugra eigenda er vægast sagt pínlegt. Þessi grátkór er mun falskari og pínlegri en kór Möggu Stínu 17 Júní