Rökfastur krakki

  Ég renndi með bílinn í bifreiðaskoðun.  Tími kominn á það árlega og nauðsynlega eftirlit.  Á biðstofunni var ungt par með lítinn gutta.  Ég giska á að hann sé þriggja ára eða rúmlega það.  Mamman tilkynnti honum:  "Eftir skoðunina kíkjum við í heimsókn til Gunnu ömmu og Nonna afa.  Manstu hvar þau eiga heima?" 

  Jú,  pilturinn romsaði heimilisfanginu út úr sér.  Mamman hélt áfram:  "Manstu hvar Halli afi á heima?"

  Stráksi sagðist ekki þurfa að muna það.  Mamman mótmælti.  Sagði það geta komið sér vel að kunna heimilisfangið. 

  Stráksi útskýrði:  "Við heimsækjum Halla afa aldrei.  Hann heimsækir okkur.  Það er hann sem þarf að vita hvar við eigum heima!"

  

Athugasemdir

[Jóhann Elíasson, 10.7.2025 kl. 10:22]

Það ætti að verðlauna þennan  gutta..........

[Stefán (IP-tala skráð) 10.7.2025 kl. 10:24]

Það er orðin mjög stór spurning hvar núverandi stjórnarandstaða á heima ??? Þ.e. hvort að allir þingmenn þeirra eigi yfirleitt heima á Alþingi ???  Sumir úr þessum hópi hefðu hreinlega átt heima á Hlemmi með anarkistum og pönkurum síns tíma. Að hertaka Alþingi með innihaldslausu málþófi sem pirrar yfirgnæfandi meirihluta þjóðarinnar svo að fólk missir síðustu trú sína á heiðarleika íslenskra stjórnmála er skammarlegt !!!

[Jens Guð, 10.7.2025 kl. 10:39]

Jóhann,  ég tek undir það!

[Jens Guð, 10.7.2025 kl. 10:41]

Stefán,  ég er alveg ringlaður í þessu rugli öllu!

[Sigurður I B Guðmundsson, 10.7.2025 kl. 11:27]

Þetta minnir mig á strákinn sem settist fyrir framan píanóið og byrjaði að æfa sig en var ný kominn inn og mjög skítugur á höndunum. Mamma hans kom og skammaði hann fyrir að spila á píanóið með svona skítuga putta. Þetta er allt í lagi sagðí stráksi ég spila bara á svörtu nóturnar!!

[Jens Guð, 10.7.2025 kl. 15:44]

Sigurður I B,  alltaf hefur þú frá einhverju skemmtilegu að segja.  Takk fyrir það!

[Stefán (IP-tala skráð) 10.7.2025 kl. 18:40]

Alþingi er í heljargreypum, Alþingi er með böggum Hildar ... 

[Jens Guð, 10.7.2025 kl. 18:45]

Stefán,  góður!

[Stefán (IP-tala skráð) 11.7.2025 kl. 11:41]

Auðvald getur ekki alltaf haft betur gegn þjóðinni, gegn lýðræðiskjörnum fulltrúum þjóðarinnar. Vilji þjóðarinnar hefur nú snúið niður uppreisnarfólk og varðhunda auðvalds sem vill ekki ganga með almenningi við uppbyggingu í landinu, heldur verja auðæfum sínum eingöngu í sig og sína, einoka sjávarúveginn og gera út fulltrúa sína á Alþingi sem nú hafa mátt lúta í lægra haldi fyrir þeim sem fólkið kaus og treysti til að gera nákvæmlega það sem nú hefur verið framkvæmt - Lengi lifi lýðræðið !