Áhugaverð bók á sértilboði fyrir lesendur þessa bloggs

  Vilhjálmur frændi minn Hjálmarsson frá Brekku í Mjóafirði var að senda frá sér bókina  Gullstokkur gamlingjans.  Það er hans 19.  bók og kappinn kominn á 95.  aldursár.  En ern eins og unglingur.  Á árum áður,  á meðan ég var í auglýsingabransanum,  hannaði ég bókakápur fyrir bækur hans og sá um markaðssetningu á þeim.  Að sjálfsögðu urðu þær bækur vinsælar.  Enda Villi lipur penni sem segir skemmtilega frá í léttum dúr og fróður með afbrigðum.  Í einni bókinni,  Mjófirðingasögur,  gerði Villi honum Jens Kristjáni Ísfeld,  afa mínum,  og hans fólki,  mömmu,  Fjólu Ísfeld og fleirum góð skil. 

  Margir kannast við Villa frá því að hann var menntamálaráðherra.  Vinsæll og vel liðinn af öllum hvar í flokk sem menn stóðu. 

  Bókin kostar 4780 krónur en Bókaútgáfan Hólar býður ættingjum mínum og lesendum þessa bloggs hana á 3600 krónur.

  Í bókinni rifjar Vilhjálmur á sinn einstæða hátt upp bernsku- og uppvaxtarár í Mjóafirði og bregður upp skemmtilegri mynd af samferðafólki.  Slyngum sláttumönnum og hressum kaupakonum.  Fólki sem talaði tæpitungulaust. 

Pantanir berist með tölvupósti á netfang mitt [e-mail]

Upplýsingar sem þurfa að fylgja eru eftirfarandi.

NAFN

HEIMILISFANG

KENNITALA

KORTANÚMER OG GILDISTÍMI

Þeir sem ekki nota kreditkort geta greitt fyrir bókina með gíróseðli.  Einnig er hægt að hringja í Önnu eftir klukkan 18.00 í síma 695-4983.   

Athugasemdir

[Ómar Ingi, 16.11.2008 kl. 23:28]

36 krónur og málið dautt

[Steingrímur Helgason, 16.11.2008 kl. 23:46]

Mér finnzt nú eiginlega að þeir sem að hraðleza bloggsíðu þína, & eru því umhverfizvænni en þeir sem að lesa hana hægt & rólega, jafnvel margoft á dag, eigi nú skilið að njóta betri kjara en almúginn sem útsmáir hana & litadeyfir með örhægum fínleztri.

Er búið að stofna prentzmiðju í Mjóafirði ?

Annar hver búandi í bókaútgáfu !

[Jens Guð, 17.11.2008 kl. 00:26]

  Ómar,  hehehe!   Ég kem hvergi nærri útgáfunni þannig að ég hef ekkert um verðlag hennar að gera.  Hinsvegar þykir mér vænt um að lesendum bloggs míns séu boðnar bækur á sérkjörum.  Fyrir nokkrum dögum var bókin um Önnu á Hesteyri boðin á tilboðsverði á þessu bloggi og mér var tilkynnt að viðbrögð hafi verið góð.  Reyndar er mér kunnugt um nokkra ættingja og vini sem voru snöggir að nýta sér tilboðið. 

  Steingrímur, íbúar Mjóafjarðar eru fáir.  Í fyrra voru aðeins 2 nemendur í grunnskólanum.  Þetta er ein lítil fjölskylda.  Allir skyldir öllum.  Og allir skyldir mér.

[Skattborgari, 17.11.2008 kl. 01:02]

Ertu ekki að meina danskar krónur Ómar? Þetta er örugglega fróðleg bók fyrir þá sem hafa áhuga á henni.

Kveðja Skattborgari.