Einn léttur

  Þennan fékk ég sendan fyrir nokkru.  Ég var búinn að gleyma honum þangað til ég rakst á fréttina um að hrossalæknir, Árni M.  Mathiesen, væri að slá öll met í skoðanakönnun bandaríska vefblaðsins Huffington Post um versta bankamann heims.  Næst verstu bankamenn heims komast hvergi með tærnar þar sem Árni hefur hælana.  Það er eins gott að útlendingar komist ekki að því að Árna tókst á tveimur dögum að verða versti dómsmálaráðherra heims á sínum tíma.

  Dag einn var frægasti bankamaðurinn í bílferð í stóru flottu limmósínunni sinni þegar að hann sá 2 menn við veginn bítandi gras. Hann bað bílstjórann að stoppa og steig áhyggjufullur út úr stóru flottu limmósínunni, gekk til annars mannsins og spurði af hverju þeir væru að bíta gras?
  Maðurinn svaraði að það væri vegna þess að þeir ættu ekki pening til ad kaupa mat og því þyrftu þeir að gera sér gras að góðu.
  Bankamaðurinn varð hissa og bauð manninum að koma með sér heim í stóra glæsihúsið.  Hann skuli gefa fátæka manninum nóg að borða.
  Fátæki maðurinn svaraði að hann gæti ekki komið því hann ætti konu og 2 börn og benti í átt til trés skammt frá þar sem konan og börnin voru á beit.
  Bankamaðurinn sagði að auðvitað kæmu konan og börnin með. Bankamaðurinn snéri sér svo að hinum manninum og bauð honum einnig med því nóg pláss var í stóru flottu limmósínunni.
  Maðurinn þakkaði fyrir sig en sagðist því miður ekki geta komið því hann ætti konu og 6 börn Bankamaðurinn bauð þeim að koma með líka.
  Þegar allur hópurinn var kominn upp í stóru flottu limmósínuna og þau lögð af stað í glæsihúsið gat annar mannanna ekki á sér setið og grátklökkur þakkaði hann bankamanninum fyrir góðmennskuna:  "Kæri bankamaður,  þú ert mjög góður maður.  Í kvöldbænum mínum skal ég biðja guð um að blessa þig á hverjum degi."
  Bankamaðurinn svaraði:  "Þetta er alveg sjálfsagt og allir myndu gera það sama í mínum sporum. Ykkur á eftir að líka vel heima hjá mér því garðurinn minn er stór og grasið alveg 20 cm hátt, fallega grænt og safaríkt."

----------------------------------------------------------------------------------------

  "Sjáið þið ekki veisluna,  drengir?" spurði Árni M.  Mathiesen hæðnislega í ræðupúlti á alþingi þegar þingmenn vöktu athygli á að viðvörunarbjöllur um yfirvofandi kreppu væru farnar að hringja óþægilega hátt. 

Árni versti bankamaðurinn?

Athugasemdir

[Sigurður Þórðarson, 6.12.2008 kl. 21:25]

Mér sýnist Árni vera kominn með um 37% af öllum greiddum atkvæðum

[Númi (IP-tala skráð) 6.12.2008 kl. 22:10]

Árni Mathiesen,er einn mesti fáráður í Íslenskum stjórnmálum.

[Þorsteinn Briem, 6.12.2008 kl. 22:28]

He is good at kissing cows,
and once he cured a mouse,
and the little thing,
growing on Darling,
he cut off in the Parliament's House.

[Sigurbjörg Sigurðardóttir, 6.12.2008 kl. 23:01]

sorglegt að hafa hávita í stórn.Svona er þetta bara. Grátlegt,kvar er heilinn og frumurnar sem virka????

[Jens Guð, 7.12.2008 kl. 01:00]

  Siggi,  og næst verstu bankamennirnir eru aðeins með um 10%.  Hrossalæknirinn er að baka þá.

  Númi og Sigurbjörg,  það er ljótt að segja það en ég verð að taka undir með ykkur.

  Steini,  þessi limra á eiginlega líka við um Guðna Ágústsson.