Af hverju er jólakveðja Friðar 2000 skreytt merki Mercedes Benz?

  Jólakveðja samtaka sem kenna sig við friðinn er ríkti árið 2000 (Peace 2000) vekur undrun.  Eins og sjá má hér fyrir ofan er jólakveðjan skreytt ljósmynd af logandi kertum sem mynda merki þýsku bíltegundarinnar Mercedes Benz.  Mercedes Benz bílar eru ekki friðsamir.  Einn vinur minn átti Mercedes Benz.  Sá bíll var stöðugt að efna til ófriðar.  Hann ýtti við öðrum bílum,  nuddaði sér utan í þá og var mjög ögrandi í alla staði.  Að lokum brunaði hann fram af bryggju í Nauthólsvík og mölbrotnaði þar í stórgrýti.  Flestum þótti það mátulegt á kvikindið.      

Athugasemdir

[... (IP-tala skráð) 25.12.2008 kl. 15:24]

eh.... klárlega klikkaður...mun aldrei aftur villast inn á bloggið þitt

[Heiða Þórðar, 25.12.2008 kl. 15:47]

góður.

[Helgi Arnars (IP-tala skráð) 25.12.2008 kl. 16:09]

ekki fyndið.

[Nonni (IP-tala skráð) 25.12.2008 kl. 16:11]

Þarna hafa greinilega orðið mistök sem þú hlýtur að átta þig á. Hér er ágætis friðarmerki. http://northernsun.com/images/thumb/0685.jpg

Merkið myndað með kertunum er alls ekki merki MB því eins og þú sérð á öllum þeim merkjum bílaframleiðandans sem þú tekur sem dæmi ná angar stjörnunnar hvergi út fyrir eins og merkið með kertunum er. Eins er jafn bil milli allra armanna í merki MB en í kertamerkinu er minna bil milli neðstu tveggja armanna, rétt eins í friðarmerkinu. Þó þessi merki séu lík eru þau alls ekki eins. Í raun er kertamerkið nokkuð rétt sem friðarmerki nema það vantar einn arminn í það. Þú hlýtur að geta fundið þér eitthvað merkilegra að skrifa um en þessa vitleysu.

Gleðileg jól,

Nonni

[Jens Guð, 25.12.2008 kl. 16:38]

  ...,  það er sjaldan gott að villast.  Síst af öllu á jólunum.  En hendir ef menn passa sig ekki á jólaölinu.

  Heiða,  takk fyrir innlitið.

  Helgi,  ég efast um að Ástþór hafi ætlað þessu að vera fyndið.  Hann er ekki þekktur fyrir að beita Friði 2000 í gríni.

  Nonni,  þú hafnar því að þetta sé Mercedes Benz merki.  Rökin eru þau að angar stjörnunnar í jólakveðjunni nái út fyrir hringinn en geri það ekki í Mercedes Benz merkinu. 

  Samt heldur þú því fram að þetta eigi að vera friðarmerki og vísar í tiltekið merki.  Þar ná angar stjörnunnar ekki heldur út fyrir hringinn. 

  Hvernig kemur þú þessu heim og saman?  Þarna er mótsögn.

  Þar fyrir utan vísar þú í að þetta eigi að vera merki sem er töluvert frábrugðið merkinu á jólakveðjunni.  Merkið sem þú telur þetta eiga að sýna er samsett úr táknmynd af 3ja fóta eldflaug innan í hring. 

   Umrætt merki er einkennistákn kjarnorkuandstæðinga.  Það er allt öðru vísi en Mercedes Benz merkið á jólakveðjunni.  Láttu renna af þér,  kallinn minn.  Þá sérð þú muninn.  

[Röggi (IP-tala skráð) 25.12.2008 kl. 17:12]

Maður skildi nú ætla að samtök sem eru búinn að boða frið alla vega frá árinu 2000 ættu að vita hvernig Friðarmekið lítur út !!!

[Siggi Lee Lewis, 25.12.2008 kl. 17:18]

Ég held að þetta sé einhver auglýsingarbrella frá Benz. Benz hefur sennilega borgað Ástþóri einhverjar upphæðir fyrir að nota Benz merkið í Írak og á heimasíðunni sinni.

[Sigrún Óskars, 25.12.2008 kl. 18:46]

Hann er að flytja inn bíla þar á meðal Benz

[Gísli (IP-tala skráð) 25.12.2008 kl. 20:19]

Af hverju niðurlægja Ástþór hann er fyllilega fær um það sjálfur.

mér finnst ég og þið hinn vera kominn niður á hans eigið level með þessu.

[Siggi Lee Lewis, 25.12.2008 kl. 20:48]

Gísli: Hver er að niðurlægja hvern? Sé ekki betur elsku Gísli minn en að þú sért að gera lítið úr okkar athugasemdum..... ;-)

[Jens Guð, 25.12.2008 kl. 20:57]

  Röggi,  ég tek undir með þér að ólíklegt er að félagsskapur sem hefur árum saman gert út á frið ruglist óviljandi á Mercedes Benz merkinu og friðarmerkinu svokallaða. 

  Siggi Lee,  það læðist að mér grunur um að eitthvað slíkt sé í gangi.

  Hallgrímur,  mér sýnist að á flugvélinni á myndinni standi bara ACE 2000.

  Sigrún,  er það ekki Ræsir sem flytur inn Benz?

  Gísli,  voðalega ert þú ruddalegur í garð Ástþórs.  Maðurinn er snillingur.  En misskilinn eins og margir slíkir.  Flestir sáu til að mynda bara tómatsósuklessur á fötum hans í Héraðsdómi þegar fólk átti að sjá tákn blóðsúthellinga.

[Jens Guð, 25.12.2008 kl. 21:04]

  Anna,  ég deili ekki á Benz merkið.  Alls ekki.  Sem hámenntaður auglýsingafræðingur get ég vottað að þetta er eitt best hannaða bílamerki sögunnar.  Merki sem allir þekkja,  kunna og geta teiknað.  Það er meira að segja auðvelt að mynda merkið með logandi kertum.

  Með þessari færslu er ég einungis að reyna að komast að því hvaða hlutverki merkið gegnir í jólakveðjur Peace 2000. 

  Megir þú sjálf njóta ljóss og friðar í Benz nafni.

[JKG (IP-tala skráð) 25.12.2008 kl. 21:30]

Getur verið að þarna sé verið að vitna í lagið hennar Janis Joplin um Mercedes Benz?

[Sverrir Einarsson, 25.12.2008 kl. 22:02]

Ástþór hefur bara ekki munað friðarmerkið betur en þetta, hann er nú lítið fyrir á ígrunda hlutina, senniglega teiknað þetta eftir sínu mynni sem er jú alþekkt fyrir lítil gæði.

[Jens Guð, 25.12.2008 kl. 22:41]

  Anna,  þetta með bílaumboð á Íslandi er eitt af þeim dæmum sem kallar á sérfræðikunnáttu til að átta sig á.  Þetta er næstum jafn flókið og Bónus,  Baugur,  365,  Hagar,  Stoðir,  Landic og svo framvegis.

  Ég teiknaði um tíma auglýsingar fyrir Bílaborg sem á þeim tíma seldi Mazda.  Svo var Ræsir allt í einu kominn með Mazda.  Þá teiknaði ég auglýsingar fyrir Mercedes Benz í leiðinni.  Og núna er Benzinn sem sagt kominn til Öskju og er í eigu Heklu sem selur Volkswagen.  Og þá erum við komin að Subaru.  Er nema furða að Ástþór ruglist á Benz merkinu og tákni andstæðinga kjarnorku?

  JKG,  lag Janisar er flott.

  Sverrir,  við mig var áðan í símtali fullyrt að myndin á jólakveðjunni væri copy/paste dæmi frá útlöndum.  Ef það er rétt hefur auglýsingu frá Benz í ógáti verið ruglað saman við friðarmerkið.

[Nonni (IP-tala skráð) 26.12.2008 kl. 11:18]

Jens ég sagði „Í raun er kertamerkið nokkuð rétt sem friðarmerki“ Ég sagði aldrei að það væri eins eða alveg rétta merkið. Mikill munur þar á.

Ef þú getur bent á „opinbera“ eða viðurkennda útgáfu af friðarmerkinu væri gott að þú gerðir það og deildir visku þinni með okkur til þess að taka af allan vafa um hvernig merkið skuli líta út. Wikipedia býður upp á sína útgáfu og einnig mun trúlegri hugmynd á bakvið merkið en eldflaug innan í hring. http://en.wikipedia.org/wiki/Peace_sign#The_Peace_symbol

Þar segir að merkið hafi byrjað sem merki nefndar um kjarnorku-afvopnun, ekki kjarnorkuandstæðinga. Smámunir en mismunur þó. Mismunurinn getur legið í því að þó fólk sé áfram um kjarnorku-afvopnun getur það verið meðmælt friðsamlegri notkun kjarnorku eins og t.d. til rafmangsframleiðslu. Þar segir einnig hvernig merkið varð að friðarmerki:

„By the late 1960s, the peace symbol had become an international symbol adopted by anti-war protestors of the Baby Boomer generation“

Mig langar að benda þér á það aftur að skoða bilið á milli armanna í kertamerkinu. Það eitt nægir til þess að dæma þetta úr leik sem merki MB sem hefur jafnt bil milli allra arma en kertamerkið hefur ekki.

Hvað varðar ástand mitt þá finnst mér það ansi lágt lagst að ráðast á þann hátt á persónu fólks sem þú veist ekkert um en sér sig samt knúið til þess að andmæla þínum skrifum eða leiðrétta þau. Ef slíke eru einu rök þín mér illa fyrir þér komið og finnst þú í raun kasta frekar stóru grjóti úr glerhúsi á þennan hátt ef eitthvað er að marka myndina af þér sjálfum...

Gleðileg jól.

Nonni

PS

Ef þú, sem „hámenntaður auglýsingafræðingur“, áttaðir þig ekki strax á því og það þurfti einhver að hringja í þig til þess að segja þér það að myndin af kertamerkinu væri „fengin að láni“ finnst mér ósköp lítið í þig varið sem slíkan.

[Eva Benjamínsdóttir, 28.12.2008 kl. 01:14]

benz kveðjur til þín JG...!