Öðruvísi útgáfa af Jólamanninum með Geir Ólafs

 

  Í tónspilaranum hér til vinstri á bloggsíðunni er að finna flutning Geirs Ólafs og mín á laginu  Jólamaðurinn kemur í kvöld  við undirleik stórsveitar Vilhjálms Guðjónssonar.  Lag sem Geir Ólafs söng með færeyskum texta nú fyrir jólin og færði Færeyingum að gjöf sem þakklætisvott fyrir að Færeyingar lánuðu Íslendingum 6 milljarða króna í erlendum gjaldeyri eftir að íslenska krónan ónýttist.

  Upptakan á laginu í tónspilaranum er úr beinni útsendingu síðasta laugardag í þætti Halldórs E.  og Markúsar Þórhallssonar,  Í vikulokin,  á Útvarpi Sögu.  Eins og heyra má kunni ég hvorki lag né texta.  Sem gamall pönkari lét ég slag standa þegar á mig var skorað.  Málið var að gera fremur en  þekkja verkefnið.  Þetta var óæft og falskt eftir því.  Mig munar aldrei neitt um að gera mig að fífli - við hvaða tækifæri sem er.  Enda þaulvanur slíku.  Geir var á hinn bóginn á heimavelli og syngur með stæl,  eins og alltaf.

Athugasemdir

[Helga Kristjánsdóttir, 26.12.2008 kl. 00:23]

Datt inn í þessa upptöku,keyrandi í bíl mínum´án þess að vita hver tók lagið með Geir.Giskaði,,, ekki atvinnusöngvari,alveg víst,svo kom það,MR. þú,fannst þetta frábær hugmynd hjá Halldóri og Markúsi,bara flott hjá þér að taka slaginn.

[Jóna Kolbrún Garðarsdóttir, 26.12.2008 kl. 00:30]

Skemmtilegt lag. 

[Halldór E. (IP-tala skráð) 26.12.2008 kl. 00:36]

Kvah, bara þinn háttur, mæta seint og komast sem ódýrast frá verki. Samt mitt uppáhalds jólalag!

Ég er á mörkum þess að ofmetnast eftir þetta og henda mér í umboðsmennsku að hætti Einsa Beikons.

[Jón Pétursson (IP-tala skráð) 26.12.2008 kl. 00:43]

Þú ert auðvitað fífl, en þannig áttu líka að þér að vera!

[Vilborg Traustadóttir, 26.12.2008 kl. 00:57]

Baneitraður kokteill.

[Siggi Lee Lewis, 26.12.2008 kl. 08:27]

Jólamaðurinn??? Ég hélt það væri Jólavávurinn.... Er það ekki jólamatur Færeyjinga?

[Siggi Lee Lewis, 26.12.2008 kl. 08:28]

Jón Pétursson: Þú ert fífl og láttu það þér að kenningu verða!

[Björn Gunnarsson (IP-tala skráð) 26.12.2008 kl. 10:53]

Þetta var svo vandræðalega illa sungið hjá þér að ég hefði betur sleppt þessu í þínum sporum. Sama þó þú hafir ekki sungið þetta áður, er þetta sennilega með einföldustu lögum að syngja. Mér leið svo asnalega að hlusta á þig að ég slökkti.

[Jón Hreggviðsson, 26.12.2008 kl. 10:57]

Þvílík þráhyggja í þér Jens Guð! Þetta er bara ein birtingamynd af eineltisofbeldi. Á Geir þetta skilið? Jesúsaðu þig bara núna í bak og fyrir. Kannski kemur þá jólasveinninn til þín loksins og gefur þér í skóinn. :)

[Markús frá Djúpalæk, 26.12.2008 kl. 11:41]

Í þessum samsöng þeirra fjandvinanna kristallast hinn sanni jólaandi.  Og pönk.

[Ómar Ingi, 26.12.2008 kl. 12:19]

Þessi Geir littli er hinn eini sanni jólasveinn

[Davíð Samúelsson (IP-tala skráð) 26.12.2008 kl. 12:35]

Alveg ótrúlegur flutningur á færeyska jólalagi Geirs Ólafssonar. Dáist af djörfung hans, skilst ekki orð að því sem hann er að syngja og framburður með ólíkindum.

Davíð Samúelsson, Færeyingur og söngvari

[Ragnheiður , 26.12.2008 kl. 13:51]

Hahaha þetta er verulega skemmtilegt hjá ykkur

[Jens Sigurjónsson, 26.12.2008 kl. 16:48]

Sæll nafni og gleðileg jól.

Mér finnst þetta ansi þunnur þrettándi hjá Geir eins og flest annað sem frá honum kemur.

[DoctorE (IP-tala skráð) 26.12.2008 kl. 18:13]

Ég heyrði Geir tala þetta lag á Inn... var fljótur að skipta um stöð :)

[Ásthildur Cesil Þórðardóttir, 26.12.2008 kl. 18:25]

Hehehehe þið eruð bara flottir að þora geta og vilja.  Áskorun sem þarf að takast á við er meira virði en útkoman.  En er ekki dálítið amersískur framburður hjá Geir !!!

[Siggi Lee Lewis, 26.12.2008 kl. 19:51]

Ég er viss um að "Jón Pétursson", "Björn Gunnarsson" og "Jón Hreggviðsson", séu allir eini og sami maðurinn. Geir Ólafsson. Leynir sér ekki á athugasemdum hehehe. Gleðileg jól Geir minn!

[Sveinn (IP-tala skráð) 27.12.2008 kl. 00:36]

Ja, hérna hér.  Þetta er sem sagt vinsælasta lagið í Færeyjum í dag:  "Santa Claus is Coming to Town";  jólapönk.

[Jens Guð, 27.12.2008 kl. 01:49]

  Ég þakka ykkur öllum kærlega fyrir fjörlega umræðu.  Ef mér væri jafn annt um æruna og Árni Johnsen (sem hefur fengið sína æru uppreista) myndi ég ekki hafa látið etja mér í að syngja óæft umrætt lag né setja dapurlegt framlag mitt í tónspilarann.  En ég met æru mína einskis og skemmti mér þeim mun betur við að klúðra henni.  Eitt sinn pönkari,  alltaf pönkari.  Mestu skiptir að það sé fjör.  Mikið fjör og mikið gaman.