Brjálað fjör á sunnudaginn

 Það verður rosa fjör í Ameríku á sunnudaginn.  Ekki í þeim hluta Ameríku sem stendur okkur næst,  Grænlandi,  eða,  jú,  kannski.  Það er alltaf fjör á Grænlandi.  En við fáum fátt að vita um það.  Þess í stað fáum við að fylgjast vel með í þeim hluta Ameríku sem kallast Bandaríki Norður-Ameríku,  BNA.

  Á sunnudaginn verður innsetningarhátíð Husseins Obama,  splunkunýs forseta BNA.  Það er komin hefð fyrir því að innsetningarhátíð forseta BNA sé einskonar popphátíð.  Á innsetningarhátíð Husseins verður Bruce Springsteen í aðalhlutverki.  Hann mun meðal annars leiða fjöldasöng í laginu  This Land is Your Land  eftir föður bandaríska þjóðlagapoppsins (folk),  Woody Guthrie.  Aðrir sem taka lagið eru Bono (söngvari U2), John Mellencamp,  Stevie Wonder,  James Taylor,  Sheryl Crow,  Queen Latifah,  Beyonce,  Mary J.  Blige,  kántrýboltinn Garth Brooks,  Josh Groban,  Herbie Hancock (skólabróðir Ólafs Stephensen djasspíanista),  Shakira og Will.i.am. 

  Þetta verður - að því er virðist - ósköp fjölskylduvæn popphátíð.  Ekkert pönk né dauðarokk.  Denzil Washington,  Jamie Foxx og Martin Luther King III flytja stutt og hnitmiðuð ávörp. 

  Innsetningarhátíðin fer fram við minnisvarða Lincolns.  Allir eru velkomnir - nema þeir sem hyggjast myrða Hussein.  Bandaríska leyniþjónustan,  CIA,  ætlar að reyna að halda þeim fjarri. 

  Þeir sem eiga ekki heimangengt geta fylgst með beinni útsendingu á sjónvarpsstöðinni HBO.  Popphátíðin hefst klukkan 19:00 á staðartíma. 

  Á myndinni efst eru Brúsi Springsteen (til vinstri) með Hussein.  Hér fyrir neðan er svart-hvít mynd af John Mellencamp.  Litmyndin er frá sjónvarpseinvígi Husseins og McCains.  McCain hafði þann kæk að þykjast í sífellu ætla að klípa Hussein í rassinn.  En guggnaði alltaf á því á síðustu stundu að láta vaða.  Þess vegna var honum hafnað sem forseta.  

Athugasemdir

[Ómar Ingi, 16.1.2009 kl. 21:41]

Góður

[Þorsteinn Briem, 16.1.2009 kl. 21:50]

Obama og McCain eru eins og hvítt og svart.

[Vilborg Traustadóttir, 16.1.2009 kl. 22:55]

Geiri Ólafs verður þá fjarri góðu gamni? Kannski í Færeyjum!

[Sveinn (IP-tala skráð) 16.1.2009 kl. 23:17]

Myndin af MACCain er bara yndisleg.  En ekki forsetaleg.

[Þór (IP-tala skráð) 16.1.2009 kl. 23:23]

Það er nauðsynlegt að prenta út texta "This Land" til að syngja með:

This land is your land, this land is my land

From California to the New York Island

From the Redwood Forest to the Gulf Stream waters

This land was made for you and me.

As I went walking that ribbon of highway

I saw above me that endless skyway

I saw below me that golden valley

This land was made for you and me.

I roamed and I rambled and I followed my footsteps

To the sparkling sands of her diamond deserts

While all around me a voice was sounding

Saying this land was made for you and me.

When the sun came shining, and I was strolling

And the wheat fields waving and the dust clouds rolling

A voice was chanting, As the fog was lifting,

This land was made for you and me.

This land is your land, this land is my land

From California to the New York Island

From the Redwood Forest to the Gulf Stream waters

This land was made for you and me.

[Ari (IP-tala skráð) 17.1.2009 kl. 00:58]

 Þetta eru góð tíðindi fyrir stuðningsmenn kappans sem hafa átt mjög erfitt undanfarið, sjá: http://www.youtube.com/watch?v=c3_95F5e-Ac

[Jens Guð, 17.1.2009 kl. 01:36]

  Ómar,  takk fyrir innlitið.

  Steini,  já,  dálítið svart-hvítt.

  Ippa,  ég reyndi að sjá hvort Blue Ice vinur minn væri þarna í hlutverki.  Það virðist ekki vera.  Ég verð heldur ekki var við hann í Færeyjum.  Núna er ég einmitt að bóka á árshátíð Íslendingafélagsins í Færeyjum 14.  feb.  Þar er ekki áhugi fyrir Geir.  Hann er samt frábær. 

  Sveinn,  þetta er vissulega dásamleg mynd.   Ég fatta samt ekki hvað McCain var að pæla.  Hann var ekki að ávinna sér atkvæði með þessu.

  Þór,  gott að fá textann til að syngja með.

  Ari,  hvað áttu við?  Hussein á alla senu bandarískra skemmtikrafta sem þekkja eitthvað til heimsmála út fyrir hillbilly/rauðhálsa svæðið.

[Sverrir Einarsson, 17.1.2009 kl. 12:26]

Heitiri þessi skítugi strákur Hussein Barak eða Barak Hussein Obama............það er stóra spurningin um skamstöfunina HBO eða BHO........hvaða sjónvarpstöð er þetta?

[doddý, 17.1.2009 kl. 16:07]

hæ jens

þessi mynd er frábær. en alltaf eru kanar samir við sig - þeir vita að klappstýrur borga sig. eftir situr múgurinn og heldur að allt tilstandið hafi verið þeim til gamans!

ég fann í dóti, gömlu poppbókina góðu. er komin tími á framhald?

[Guðmundur Ásgeirsson, 17.1.2009 kl. 17:08]

Reyndar er það eitt meginhlutverk Secret Service að tryggja öryggi forsetans, ekki CIA en hlutverk þess er fyrst og fremst að njósna um erlend ríki o.þ.h. Hinsvegar aðstoða þeir örugglega með því að afla upplýsinga um og meta aðsteðjandi ógnir sem hafa þarf til hliðsjónar við undirbúninginn.

Merkilega þá er hitt meginhlutverk Secret Service að varðveita öryggi og stöðugleika gjaldmiðilsins (dollarans), þeir rannsaka t.d. öll peningafölsunarmál svo dæmi sé tekið. Af öllum bandarískum leyniþjónustustofnunum er leyndin yfir starfsemi Secret Service einna mest og vald þeirra svo víðtækt að færa má rök fyrir því að stofnunin sé í reynd hafin yfir flest lög sem gilda um almenna borgara.

[Siggi Lee Lewis, 17.1.2009 kl. 17:55]

Þú notar alltaf millinafn Baracks. Hussein. 99% heimsins þekkja Barack Obama undir nafinu Barack Obama. Barack Hussein Obama er einungis notað í formsatriðum. Eins og t.d mikilvægar undirskriftir og þess um líkt...

Finnst þetta bara svolítið skrýtið hehehe......

[Ingvar Valgeirsson, 17.1.2009 kl. 19:06]

Mér finnst svolítið fyndið að fyrir kosningarnar höfðu menn áhyggjur af rasisma af því að ca. helmingur hvítra ætlaði ekki að kjósa Obama. Enginn talaði um rasisma vegna þess að yfir 90% blökkumanna ætluðu ekki að kjósa hvíta kallinn.

En McCain verður þá bara að halda áfram að búa til franskar.

Svo finnst mér skrýtið að þú kallir hann alltaf Hussein. Hvað með það þó hann sé nafni fyrrum Jórdaníukonungs?

[Jens Guð, 17.1.2009 kl. 19:50]

  Sverrir,  ég veit ekki hver er skítugur eða tandurhreinn á þessum myndum.  Þær eru ekki það skýrar.  Hitt veit ég;  að HBO er vinsæl sjónvarpsstöð.

  Doddý,  ég mun ekki skrifa aðra Poppbók.  Vinnan við þessa einu var alltof mikil og seinleg.  Þar fyrir utan hafa bæði Gestur Guðmundsson og Dr.  Gunni skrifað miklu betri bækur um íslenska poppmúsík.

  Bofs,  takk fyrir þennan fróðleik.

  Siggi Lee og Ingvar,  enska orðið barrack er notað til að lýsa því að verið sé að baula einhvern niður.  Ég kann ekki við að tala um Úthrópaðan Obama.  Orðið hussein er notað yfir þann sem hefur verið blessaður.  Hussein Obama þýðir þess vegna Hinn blessaði Obama.

[Siggi Lee Lewis, 18.1.2009 kl. 12:18]

Nafnið Sigurður þýðir líka Hermaður, en þú kallar mig nú sjaldnast Hermann....;-)

[ari (IP-tala skráð) 18.1.2009 kl. 14:06]

Nú er ísl. orðið braggi komið af barack. Er því ekki upplagt að rétt eins og Jens kallaði Bush Runna, þá kalli hann Barack Bragga?

[Jens Guð, 18.1.2009 kl. 15:15]

  Siggi,  forliður nafnsins Sigurður stendur fyrir nafnorðið sigur (í merkingunni "að hafa betur").  Viðliðurinn stendur fyrir vörð.  Sigiwarth = Sigiwarður = Sigvörðr = Sigvörður = Sigurður.  Nafnið er frekar augljóst bara eins og það er,  Sigurður = Sigurvörður (sá sem stendur vörð um sigurinn).  Á færeysku er það Sjúrður.  Í Svíþjóð er nafnið Siggi kvenmannsnafn.   

  Ari,  í ensku er orðið bush notað yfir kvenmannsklof.  Ég þýði það sem brúsk.  Þess vegna kalla ég Bush Brúsk (þó nafnið geti einnig staðið fyrir runna).

  Það hljómar betur að kalla Barack Bragga en Hinn úthrópaða.     

[Siggi Lee Lewis, 18.1.2009 kl. 22:34]

Sjúrður er miklu flottara. Ætla að fara að kalla mig Sjúrð.

[Jens Guð, 18.1.2009 kl. 22:46]

  Sjúrður,  gættu þess bara að í framburði þá heyrist ð-ið varla ef við höldum okkur við færeyska framburðinn.

[Sigurður Atlason (IP-tala skráð) 21.1.2009 kl. 12:54]

Ahh - þá skil ég loks hversvegna sænsku strákarnir horfa alltaf á mig þessum löngunaraugum þegar ég kynni mig.