Náðu góðri andlegri heilsu með einfaldri aðferð

  Með þessum auðlærða dansi er hægt að losa sig við kvíða,  þráhyggju,  ímyndunarveiki,  flughræðslu,  kynþáttafordóma,  streitu og félagsfælni.  Áhrifin vara í rúma þrjá daga.  Jafnvel fjóra ef sykur og hvítt hveiti eru látin eiga sig og sýnd fyrirlitning.  Þessi dans var uppgötvaður og þróaður af blómum.  Stuttklippta konan,  Kristbjörg, les hugsanir blóma og hefur lært fleira af þeim dansinn.  Hin konan getur ekki lesið hugsanir blóma.

  Ef fólk er að flýta sér má taka lífsdansinn með pönktrukki.

Athugasemdir

[Óskar Þorkelsson, 1.2.2009 kl. 22:08]

bwahahaha þetta var frábært... núna líður mér miklu betur.  Takk fyrir Jens

[Jens Guð, 1.2.2009 kl. 22:24]

  Óskar,  gott að heyra.  Ég var áðan í vandræðum með Sudoku gátu.  Þá brá ég mér í þennan lífsdans.  Það var eins og þoku væri svipt frá hugsun minni.  Ég lauk við gátuna,  fullur hamingju og jákvæðni.

[Helga Kristjánsdóttir, 2.2.2009 kl. 01:53]

Flughræðslu?? nei  ekki  hjá mér.

[S. Lúther Gestsson, 2.2.2009 kl. 02:32]

JENS!!!!

[Jens Guð, 2.2.2009 kl. 02:57]

  Helga,  flughræðsla getur farið að herja á þig ef þú sleppir þessum dansi.  Hann er fyrirbyggjandi.

  S. Lúther,  varstu að kalla?

[Atli Hermannsson., 2.2.2009 kl. 15:11]

Ég kann að hljóma dálítið hrokafullur, en þetta er ekki dans. Ég segi þetta vegna þess að það virðist sem allan fjandann megi telja sem dans nú til dags. Til dæmis var sjónvarpsþáttur með ballerínu um daginn sem sveigði sig og engdist um á milli þess sem hún gretti sig og kúgaðist. Það sama á við um þetta framtak sem er sjálfsagt ágætt í sjálfu sér. En til að kallast dans þá þurfa að vera einhver spor til staðar svo maður tali nú ekki um einhverjar lotur sem eru endurteknar og falla að þar til gerðum ritma eða tegund tónlistar. 

Þá er lagið með Anal Cunt alveg sérlega misheppnað. Þá er ég ekki með neina fóbíu gegn dauðarokki - síður en svo. Heldur hefur bandið það orð á sér að vera virkilega lélegt sem dauðaband og gera stöðugt grín..... Jens, Ég er ef til vill að misskilja eitthvað... er þetta kannski grín?

[Helga Kristjánsdóttir, 2.2.2009 kl. 16:18]

OK   SIR. 

[Óskar Þorkelsson, 2.2.2009 kl. 19:32]

Ég fór einu sinni á listdanssýningu.. ég hef aldrei séð neinn sem gat dansað við súlu fyrr.. alveg frábært alveg

[doddý, 2.2.2009 kl. 20:22]

ég sá þetta fyrir nokkrum dögum....... aumingja mennirnir þeirra!!! þetta er aumkunarvert og ekkert smaháá hlægilegt. það þarf örugglega snilligáfu eða djúpa heimsku til að standa fyrir svona hlutum - og meina þá. kv d

[Jens Guð, 2.2.2009 kl. 21:32]

  Atli,  af hálfu þessara kvenna er ekki um grín að ræða.  Alls ekki.  Þær sjást oft á sjónvarpsstöðinni ÍNN og taka sínar hugmyndir um lífið og tilveruna hátíðlega.  Ég hef ekkert vit á því sem þær fjalla þar um;  hvort sem það er dans,  blómadropar,  jóga eða annað. 

  Ég hef ekki heyrt mörg lög með A.C. og hef ekki hlustað á heila plötu með þeirri hljómsveit.  Það sem ég hef heyrt með A.C. er frekar harðkjarnapönk,  "grindcore",  fremur en dauðarokk.  Þau fáu lög sem ég hef heyrt með A.C. eru með skrítnum textum á borð við "Hitler var viðkvæmur maður".

[Jens Guð, 2.2.2009 kl. 21:39]

  Helga,  ég vona að þú hafir tekið sporið.

  Óskar,  það er áreiðanlega ekki á allra færi að ná tökum á þeirri list.

  Doddý,  ég er ekkert viss um að þær eigi menn.  Ég veit svo sem ekkert um það.  Það getur alveg verið gaman að eiga konur sem kunna þennan dans.  Þær fá ekki kvíðakast.

[Máni Ragnar Svansson, 2.2.2009 kl. 21:49]

Auðvitað er þetta dans...svona línudans.....afturábak   svipað og Lína Langsokkur myndi dansa, blindfull á 35 þúsund króna blómaþera-píu helgarnámsskeiði í Ölfusborgum árið 2009.

[S. Lúther Gestsson, 2.2.2009 kl. 21:56]

Það getur vel verið að þær losni við  kvíðakast við að dansa þennan dans,  en ég veit að ef ég ætti svona konu fengi ég heilmikið gremjukast ef hún tæki þetta upp, því það er allt eins líklegt að hún þyrfti einmitt að losna við spennu og kvíða meðan félagar mínir væru í heimsókn yfir enska boltanum Og hver vill eiga eiga það á hættu að frúin allt í einu........Ég er ekki viss um að æðruleysisbænin dygði á þetta.

[Jens Guð, 2.2.2009 kl. 22:15]

  Máni,  ég hafði einmitt grun um að þetta væri einhverskonar línudans.  Ég vissi að þetta væri ekki skottís.

  Sigurður Lúther,  ef þú ættir svona konu myndir þú dansa þennan dans.  Fjórða hvern dag.

[doddý, 3.2.2009 kl. 18:21]

hej-ég held þær taki alvörulyf og auðvitað eiga þær ekki menn, hver getur búið með svona ... kv d

[Jens Guð, 3.2.2009 kl. 23:53]

  Doddý,  þær nota blómadropa.  Seyði af blómum.  Kristbjörg sagði frá því í sjónvarpsviðtali að hún fari á fjöll og láti blómin sjálf segja sér frá eiginleikum sínum,  blómanna,  til að lækna allt frá kvíða til húðsjúkdóma.  Það er með ólíkindum hvað blessuð blómin eru fróð um andlega og líkamlega krankleika fólks.  Og fús til að miðla þeim upplýsingum.  Það kjaftar á þeim hver tuska ef vel er hlustað á þau. 

[doddý, 4.2.2009 kl. 20:58]

nú svoleiðis - ég ætt´að segjaeimidda á skurðstofunni, mikill sparnaður þar - kv d