Hvað hefur orðið um alla flugfarþegana?

 

  Þriðjudaginn 10.  febrúar síðastliðinn lagði ég land undir fót.  Hélt til Póllands.  Það var mín fyrsta utanlandsferð eftir frjálshyggjuhrunið.  Undanfarin ár hef ég reglulega átt erindi til útlanda um það bil þrisvar á ári.  Venjan var sú að langar biðraðir voru við innritun í flugstöðinni í Sandgerði.  Allt gekk hægt fyrir sig og í Fríhöfninni var ætíð krökkt af viðskiptavinum.  Innritunarborðum fjölgaði jafnt og þétt.  Verslunarsvæðíð stækkaði jafnframt dag frá degi.

  Nú brá hinsvegar svo við að flugstöðin var eins og draugabæli.  Engin röð var við þau tvö innritunarborð sem voru opin.  Um rúmgott verslunarsvæðið væfluðust innan við 100 manns.  Engan heitan mat var að fá nema súpu.  Verslanir voru rétt svo hálfopnar.  Rimlahurðir þeirra voru niðri að hálfu.  Viðskiptavinir urðu að beygja sig til að komast inn fyrir.  Sumar rimlahurðir voru meira að segja svo lítið opnar að það þurfti að skríða undir þær.

  Hvað hefur orðið um alla flugfarþegana (spurt undir laglínunni  Where Have all the Flowers Gone)?  Aðspurð upplýsti afgreiðsludama að eftir bankahrunið væri algengt að svona væru rólegheitin.  Einkum þó um helgar.  Sérstaklega á laugardögum.

  Þegar ég snéri heim aftur að morgni miðvikudags í vikunni var álíka fámennt á svæðinu.

• 1.    Green Tea Honey Drops
• 2.    Proderm Sun Protection SPF 12
• 3.    Lancome Bogage Deodorant Roll-on
• 4.    Banana Boat After Sun
• 5.    Kanebo Mascara 38°c Black
• 6.    Lancome Hypnose Black 
• 7.    Naomi Campbell Edt Spray
• 8.    Hr Spectacular Mascara 
• 9.    Dior Diorshow
• 10.  Proderm Sun Protection SPF 20

 

Athugasemdir

[Júlíus Valsson, 21.2.2009 kl. 01:22]

Það er hvort sem er hundleiðinlegt í útlöndum.

[Jens Guð, 21.2.2009 kl. 01:31]

  Júlíus,  þú hefur farið til "vitlausra" útlanda.  Það er til að mynda alltaf æðislega gaman í Færeyjum.

[Alma Jenny Guðmundsdóttir, 21.2.2009 kl. 01:41]

Ef marka má top 10 listann gæti maður reiknað með að kallinn hefði skroppið til Póllands í ondúleringu.  Ondúlering er kvennadútl, strípur, klipping, andlitsbað, maski, naglasnyrting o.fl., og fl.  Síðan fylgir framköllun oft með (litun augnhára, augnabrúna og plokkun)

Var hann í detoxi???

Hefurðu lesið um hann Árna?

[Alma Jenny Guðmundsdóttir, 21.2.2009 kl. 01:43]

En er sammála Færeyingar besta fólk.  Kannski er fríhöfn á Reykjavíkurflugvelli bara orðin fjölmennari?

[Jens Guð, 21.2.2009 kl. 02:09]

  Alma,  ég veit ekkert hvað þetta ondúlering er.  Ég fór í klippingu í Póllandi og mun skrifa sérstaka færslu um það dæmi.  Klippingin kostaði 835 íslenskar krónur og tók um klukkutíma.  Það var ekkert átt við augabrúnir (sem vaxa í allar áttir í mínu tilfelli),  neglur né plokkun.  Ég veit ekki alveg út á hvað þetta detox-dæmi gengur.  Ég var ekki í því.  Bjó mér bara til eigið prógram sem gekk út á að drekka mikið af pólskum bjór (B-vítamín) og hlusta á pólskt pönkrokk. 

  Fríhöfnin á Reykjavíkurflugvelli er samkvæmt minni reynslu þokkalega vel troðin.  Ég fer um hana árlega á leið til og frá Færeyjum. Og nú stendur til að koma upp fríhöfn í Vogum í Færeyjum.  Færeyksa lögþingið er búið að samþykkja það.  Mér skilst að fríhöfn í Vogum verði að veruleika á þessu ári.

  Færeyingar eru frábærir.  Bara frábærir.

[Elinóra Inga Sigurðardóttir, 21.2.2009 kl. 11:00]

Jens. Voru bar ekki allir flugfarþegarnir í felum svo þú fengir sjálfur frið til að versla (annars myndir þú bara bloggera þá)?

[Óskar Þorkelsson, 21.2.2009 kl. 11:14]

þetta útskýrir hegðun tollvarða sem greinilega hafa svo lítið að gera þessa dagana að þeir leita á hverjum einasta faþega sem álpast inn í landið

[Númi (IP-tala skráð) 21.2.2009 kl. 11:26]

Sértu velkomin heim,færeyingar eru búnir að opna fríhöfn.Vesgú verður það þá Færeyjar næst hjá þér.?

[Þorsteinn Briem, 21.2.2009 kl. 11:45]

Framsóknarflokkurinn fer um eins og eldur í sinu þessa dagana í líki Jónínu Ben. Jens Guð og Árni Johnsen voru dítoxaðir á einu og sama brettinu í Póllandi og foreldrar Evu Ásrúnar "þeir sem verða blankir hringi í 12 6 12" fengu sömu meðferð í Mývó.

Stólpípu og alles.

Og líðan Árna Johnsen er stöðug eftir tilraun til að sverta mannorð hans.

[Ómar Ingi, 21.2.2009 kl. 12:03]

Varstu að Detoxa þig kallinn minn ?

[Jens Guð, 21.2.2009 kl. 16:45]

  Dóra litla,  hvernig ætli standi á því að kreppusokkabuxur seljast upp?

  Elinóra,  þarna er komin líkleg skýring.

[Jens Guð, 21.2.2009 kl. 16:48]

  Óskar, ég sá enga tollverði.  Kannski af sömu ástæðu og Elinóra nefnir í "kommenti" # 7.

  Númi,  ég er vanur að skreppa til Færeyja um páskana.  Fríhöfnin í Vogum er hvetjandi til að sá siður verði ekki látinn niður falla í ár. 

[Jens Guð, 21.2.2009 kl. 16:54]

  Steini,  mikið er frábært að vera aftur kominn til landsins og farinn að lesa þín fyndnu "komment".  Ég sprakk úr hlátri við lesturinn um líðan Árna Johnsen!

  Ómar,  mér skilst að Jónína Ben sé búin að færa detox-dæmið frá Póllandi til Húsavíkur.  A.m.k. varð ég ekki var við neitt detox í Póllandi.

[Siggi Lee Lewis, 21.2.2009 kl. 17:31]

http://www.youtube.com/watch?v=Tw6TFxRMOFs Bara snilld!

[Jens Guð, 21.2.2009 kl. 20:15]

  Siggi Lee,  takk fyrir þessa klippu.  Þættirnir um Venna voru snilld.

[TARA, 21.2.2009 kl. 20:59]

Póllands ??  Fórstu nokkuð með Árna J til lækninga ??

[Jens Guð, 21.2.2009 kl. 21:32]

  Tara,  er það ekki að fara langt yfir skammt að drösla Árna J til Póllands til lækninga?  Það eru til ágætir læknar á íslenskum heilbrigðisstofnunum.  Ég veit reyndar ekki til hvers konar lækna Árni J þyrfti helst að leita.  Ég á við;  maðurinn telur sér hafa verið sýnt banatilræði.  Hann veit nokkurn veginn hver hættulega morðóða manneskjan er. 

  Viðbrögðin eru all sérkennileg þegar um svona alvarlegan glæp er að ræða.  Morð er mesti glæpur sem hægt er að fremja á Íslandi,  ef miðað er við lagarammann.  Árni gerir hinsvegar ekkert í málinu.  Hann leyfir stórhættulegum glæpamanni að ganga lausum.  Árni talar ekki við lögregluna,  kærir ekki morðtilræðið,  lætur ekki sannreyna hvort glæpsamlegur verknaður hafi verið framinn.

  Það eina sem Árni gerir er að yppa öxlum og segja að það sé svekkjandi að hafa sætt morðtilræði.

  Er ekki eitthvað bogið við þetta? 

[TARA, 21.2.2009 kl. 23:25]

Nákvæmlega !!!

[Sveinn (IP-tala skráð) 21.2.2009 kl. 23:25]

Hvað er þetta Topp 10 listi

[Jens Guð, 21.2.2009 kl. 23:30]

  Tara,  Árni J virðist hafa mjög sérkennilegt viðhorf til siðferðis,  glæpa og þess háttar.  Það hefur svo sem áður sýnt sig.

  Sveinn,  Topp 10 listinn er tekinn af heimasíðu Fríhafnarinnar.  Hann sýnir sennilega söluhæstu vörurnar þar.

[Tobbi (IP-tala skráð) 22.2.2009 kl. 14:57]

Af hverju er nafn vörunnar í fjórða sæti feitletrað?

[Daníel (IP-tala skráð) 22.2.2009 kl. 20:36]

Af því að þetta eru svo yfirburðar góðar vörur.

[Jens Guð, 22.2.2009 kl. 23:08]

  Tobbi,  ég hef grun um að þetta sé rétt hjá Daníel.