Ný skoðanakönnun - takið þátt

  Nú óska ég eftir tillögum um bestu smáskífur íslensku rokksögunnar.  Þær einar koma til greina sem innihalda lög er hafa ekki verið kynningarefni fyrir stórar plötur,  Lp.  Smáskífurnar sem flestar tilnefningar fá set ég síðar upp í formlega skoðanakönnun. 

  Í fljótu bragði dettur mér í hug  Fyrsti kossinn  með Hljómum,  Gvendur á eyrinni  með Dátum,  Glugginn  með Flowers,  False Death  með Fræbblunum,  Rækjureggí  með Utangarðsmönnum,  Kristjana  með Gyllinæð (sjá tónlistann hjá mér),  Ég er frjáls með Falcon...

  Komið með fleiri tillögur.

Athugasemdir

[Sveinn (IP-tala skráð) 28.3.2009 kl. 01:39]

Ég vil setja öll lögin með Gyllinæð á lista.  Dásamleg hljómsveit og ýkt meiriháttar að þeir voru aðeins 14 ára þegar þetta tríó gerði þessi lög.

[Siggi Lee Lewis, 28.3.2009 kl. 02:05]

Kvöldið er fagurt je je je,,,,,http://www.youtube.com/watch?v=IhspeNIqzA0&feature=related

Ég ætla að radda þetta!

[Haukur Viðar, 28.3.2009 kl. 02:13]

Ég vil ganga minn veg með Einari áttavillta

[Skarpi, 28.3.2009 kl. 03:06]

Spáðu í mig / Komdu og skoðaðu í kistuna mína e. Megas. Spáðu í mig er þá auðvitað 'rokk' útgáfan. 

 Það er eina 7" Megasar sem ég hef séð.  Hvaða aðrar 7" með honum komu út? Gamal Gasstöðin? 

[Skarpi, 28.3.2009 kl. 03:10]

Persónulega finnst mér b-hliðin í bland við a-hliðina skipta meira máli en a-hliðin ein, þegar kemur að smáskífum. Þannig er td Sunny Afternoon með b-hliðina I'm Not Like Everybody Else langtum betri en Waterloo Sunset - þó það sé enn betra en S.A - með Act Nice and Gentle. Það er þetta bland sem er mikilvægara en a-hliðin vildi ég segja.

[viðar (IP-tala skráð) 28.3.2009 kl. 05:11]

Don´t try to fool me  / Jóhann G. Jóhannson

[viðar (IP-tala skráð) 28.3.2009 kl. 07:09]

Spilltur heimur / Óðmenn.  Slappaðu af / Flowers. Í sól og sumaryl / Ingimar Eydal.  Dimmar rósir / Tatarar. Beirut / Sigurður Karlsson. Fallinn / Deildarbungubræður. Superman / Paradís. Mr. Sadness / Eik. Það er svo geggjað / Flosi Ólafsson og Pops. Söknuður / Roof Tops. Þó líði ár og öld / Björgvinn Haldórsson. Ævintýri / Ævintýri. Tunglið tunglið taktu mig / Ljósin í Bænum.

Meira seinna.

[Ómar Ingi, 28.3.2009 kl. 11:24]

Viðrar Vel Til Loftárasa - Sigur Rós

[viðar (IP-tala skráð) 28.3.2009 kl. 15:02]

Afsakið, það var hljómsveitin Tívolí sem voru með lagið Fallinn, en ekki Deildarbungubræður.

[viðar (IP-tala skráð) 28.3.2009 kl. 15:21]

Óðmenn / Tonight is the end. -  Roof Tops / Ástin ein. -  Guðmundur Haukur / Mynd. -  þeyr / A life transmission.  - Lítið Eitt / Syngdu með. - Kristín Ólafsdóttir / Koma eingin skip í dag. -  Þuríður Sigurðardóttir / Í okkar fagra landi. -  Póló og Bjarki / Glókollur. - Jón Rafn / Ég syng fyrir vin. -  Pétur Kristjánsson / Vitskert veröld. -  Mánar / Frelsi. -  Spilafífl / Playng fool. - Logar / Minning um mann. -  Dátar / Leyndarmál. -  Hljómsveit Magnúsar Ingimarssonar / S.O.S. ást í neið. - Ævintýri / Illska. -  Ríó Tríó  / Við viljum lifa. - Hljómsveit Þorsteins Guðmundssonar / Hanna littla. - Elly Vilhjálms / Hugsaðu heim. -  Hljómar / Let it flow. -  Svanfríður / Kalli kvennagull. -  Sextett Ólafs Gauks / Bjössi á Hól. -  Rúnar Júlíusson / Come into my life. -  Ómar Raggnarsson / Úr þorskastríðinu. -  Lola / Fornaldrhubmyndir. 

Meira seinna.

[doddý, 28.3.2009 kl. 16:08]

rækjuraggí- utangarðsmenn, regína- sykurmolar, bjór- fræbblar, tilf- purrkur og KATLA KALDA - MOSI FRÆNDI. ég held bara að allt annað sé komið, kærar þakkir jens. kv d

[Ragnar (IP-tala skráð) 28.3.2009 kl. 16:21]

Ég mann ennþá þegar ég heyrði "Gvendur á eyrinni" fyrst.  Rúnar Gunnarsson var með svo flotta rödd.

Jónas R. að gægjast út um gluggann var líka flott.

Góða nótt minn litli ljúfur.... (var það ekki B.G. og Ingibjörg?)

Var "Minning um mann" á smáskífu?

 Þetta eru svona lög sem byrja að hljóma í útilegum og lifa áfram.

[viðar (IP-tala skráð) 28.3.2009 kl. 16:54]

Minning um mann er smáskífa kom út 1973.

Roof Tops / Tequila samba. 

Júdas / Þú ert aldrei einn á ferð

Vilhjálmur Vilhjálmsson / Hlustið á mig

Trúbrot / Starlight

Daníel Ágúst / Það sem enginn sér

Haukur Morthens / Gústi í Hruna

Þeyr / The Walk

Pelican / Time

Svanhildru og Sextett Ólafs Gauks / Húrra nú ætti að vera ball

Þuríður Sigurðardóttir / Ég á mig sjálf

Hljómsveit Magnúsar Ingimarssonar / Það er bara þú

Kristín Ólafsdóttir / Ég einskisbarn er

Óðmenn / Bróðir

Pónik og Einar / Herra minn trúr

Lónlí Blú Bojs / Kærastan kemur til mín

Change / Yakketty yak, smacketty smack

Sigrún Harðardóttir / Ein á ferð

 Tatarar / Gljúfrabarn

Icy / Gleðibankinn

Viðar Jónsson / Sjóarinn síkáti

Póló og Erla / Lóan er komin

Ari Jónsson / Fyrirheit

Hljómsveit Ingimars Eydal / Spánardraumur

Vilhjálmur Vilhjálmsson / Hún hring minn ber

Pelican / Jenni darling

Geislar / Skuldir

[viðar (IP-tala skráð) 28.3.2009 kl. 17:22]

Í færslu no. 10 leiðrétting. Á að vera .  Lola / Fornaldarhugmyndir.

[Halla Rut , 28.3.2009 kl. 21:02]

Gæti ekki nefnt neina einustu Íslensku smáskífu en tók samt þátt í jóla skoðanakönnuninni.

[Jón G (IP-tala skráð) 28.3.2009 kl. 21:03]

Gleymum ekki fyrstu smáskífu Dáta: Leyndarmál / Kling Klang ofl.

[doddý, 28.3.2009 kl. 21:05]

... nú var ég að horfa spaugarana á ruv, það þarf nú eitthvað að ganga á til að þeir klikki. - en finnst ykkur þetta lag "gengur bara betur næst" ætti ekki heima á 7"? (eða disk). kv d

[Jens Guð, 28.3.2009 kl. 22:55]

  Sveinn,  tek undir það.

[Jens Guð, 28.3.2009 kl. 22:56]

  Siggi Lee,  þetta er yndisleg klippa.  Ég þarf að setja hana í sérstaka færslu.  Þetta má ekki fara framhjá neinum.

[Jens Guð, 28.3.2009 kl. 23:01]

  Haukur Viðar,  mæl þú manna heilastur.  Þetta lag er gullkorn.  Það er merkilegt að fáir þekkja nafn söngvarans og höfundar sönglagsins undir öðru nafni en Einar áttavillti.  Samt skilst mér að hann hafi síðar fundið Jesú.  Það er ekki lítill fundur.  Þannig lagað.

[Jens Guð, 28.3.2009 kl. 23:07]

  Skarpi,  Spáðu í mig / Komdu og skoðaðu í kistuna mína  er eina smáskífa Megasar.  Gítarsólóið í  Spáðu í mig  er dálítið merkilegt.  Það er á fárra vitorði að Megas samdi það,  skrifaði það á nótur sem Vignir Bergman spilaði eftir.  Kassagítarleikurinn í  Komdu og skoðaðu í kistuna mína  er spilaður af Óttari Felix Haukssyni.  Mögnuð smáskífa.

[Jens Guð, 28.3.2009 kl. 23:17]

  Viðar,  bestu þakkir fyrir yfirgripsmikla lista yfir smáskífur sem koma til greina.  Og það merkilega er að ég veit að þú átt flestar þessar smáskífur.

[Magnús Geir Guðmundsson, 28.3.2009 kl. 23:19]

Svei mér ef Viðar er ekki að fara léttstígur yfir smáskífusafnið sitt "litla"? Nú man ég ekki hvort hin fágæta og eftirsótta útgáfa Johnny Triump á Luftgítar var einungis 12 tomma, en vil tilnefna hana ef gjaldgeng telst sem og hina sérstæðu AFmæli/Köttur Sykurmolanna, þar sem B-hliðarlagið var engu síðra en á A-hliðinni.

Mér þykir svo af sérstökum ástæðum vænt um að Viðar skuli telja upp smáskífur með Óðmönnum.

[Jens Guð, 28.3.2009 kl. 23:20]

  Ómar Ingi,  þetta frábæra lag er á stóru plötunni  Ágætis byrjun.  Það er þess vegna ekki gjaldgengt.

[Magnús Geir Guðmundsson, 28.3.2009 kl. 23:21]

Einar heitir hann víst og er Ólafsson. Hefur reyndar lengi skilst mér verið þekktur fyrir að selja skotelda, í Hafnarfirði held ég frekar en Kópavogi.

[Jens Guð, 28.3.2009 kl. 23:26]

  Doddý,  það er gaman hvað þú ert vel inn í nýrokkbylgjunni sem var kennd við Bubba-byltinguna og  Rokk í Reykjavík.  Mosi frændi var stórkostleg hljómsveit.  Ég á kassettu með Mosa frænda þar sem sú hljómsveit krákar  Rækjureggí,  Where Have All the Flowers Gone?  og inniheldur margt fleira spennandi. 

  Ég sá ekki Spaugstofuna í kvöld en tékka á henni á netinu á morgun.

[Jens Guð, 28.3.2009 kl. 23:38]

  Ragnar,  ég deili með þér minningu um hvað söngstíll Rúnars virkaði "töff".  Hann var ekki að herma eftir neinum og það var eitthvað ofur svalt við söngstíl hans.  Ég var bara krakki á sveitabæ í útjaðri Hóla í Hjaltadal þegar Dátar "slógu í gegn".  Ég ímyndaði mér Rúnar sem íslenska útgáfu af Marlon Brando og James Dean:  Í leðurgalla og mikinn töffara.  Að vísu var hann töffari en víst ekki leðurgallatöffari.

  BG og Ingibjörg fluttu  Góða nótt minn litli ljúfur.  Síðar kynntist ég Ingibjörgu.  Hún er eðal töffari og frábær manneskja.

  Minning um mann  var smáskífa með Logum.  Heillandi lag um margt í skemmtilega hráum flutningi Loga.  Laglínan er eiginlega hljómagangur The Animals á  House of the Rising Sun.

[Jens Guð, 28.3.2009 kl. 23:45]

  Halla Rut,  þú ert svo ung að tími smáskífunnar var að lognast út af þegar þú stálpaðist.  Fyrir níunda áratuginn var gildi smáskífunnar mikið.  Fjöldi merkra íslenskra hljómsveita sendi aldrei frá sér stórar plötur (Lp).  Það var svo stórt dæmi að senda frá sér Lp.   

[doddý, 28.3.2009 kl. 23:48]

ástkær systir mín hafði þetta allt fyrir mér eins og áður kom fram. þetta var afar góður tónlistartími. varðandi kasettuna - er þá ekki málið að setja upp könnun á bestu demóum? við hér heima eigum nokkur á TDK. kv d

[Jens Guð, 28.3.2009 kl. 23:54]

  Jón G,  takk fyrir þessa ábendingu.  Þetta var 4ra laga Ep-plata sem innihélt einnig lagið  Cadillac  sem síðar varð frægt með bresku pönksveitinni The Clash.  Er á plötunni  London Calling  sem bandaríska rokkblaðið Rolling Stone útnefndi bestu plötu níunda áratugarins og hefur allar götur síðar verið ofarlega á listum yfir bestu plötur rokksögunnar.

[Jens Guð, 29.3.2009 kl. 00:11]

  Maggi,  hann Viðar á eitthvert mest og besta plötusafn sem hægt er komast í.  Þar á meðal á hann heilan skáp með hundruð platna sem hann hefur krækt í þegar Bylgjan og rás 2 hafa verið með músíkgetraunir.  Maðurinn er alfræðiorðabók þegar kemur að músík.

  Viðar var herbergisfélagi minn til tveggja vetra á Laugarvatni og við sofnuðum á kvöldin ætíð út frá vel völdum plötum.  Plötu kvöldsins kölluðum við það.  Og þó ljótt sé frá að segja voru þær margar stolnar.  Bæði frá nemendum í Menntaskólanum á Laugarvatni og ennþá fleiri úr plötubúðum í Reykjavík í helgarleyfum.  Skamm,  skamm.  Við komum jafnan drekkhlaðnir af stolnum plötum úr þessum helgarferðum. 

  Þar fyrir utan fengum við bæjarleyfi til að kaupa inn plötur fyrir diskótek skólans,  sem við sáum um.  Og keyptum þá aðallega plötur sem okkur langaði í og stálum síðan frá skólanum en settum í plötulager skólans í staðinn plötur úr okkar eigu eða við stálum frá skólasystkynum.  Eitthvað ömurlegt drasl.  Sumar þeirra platna voru svo illa þokkaðar af okkur að ég rispaði þær til að eftirmenn okkar í skólanum myndu ekki spila þær.  Man eftir plötum með David Cassidy og Bay City Rollers sem fengu þannig útreið.

  Luftgítar er eðal flott lag og góð smáskífa.

[Jens Guð, 29.3.2009 kl. 00:14]

  Maggi,  takk fyrir upplýsingar um föðurnafn Einars áttavillta.  Ég veit að hann starfaði lengi á bílaverkstæði og tók svo saman við barnastjörnuna Hönnu Valdísi.

[Jens Guð, 29.3.2009 kl. 00:17]

  Doddý,  þú átt góða systur.  Kannski er ástæða til að setja þar næstu upp könnun um bestu útgefnar kassettur/spólur?

[Þórður Helgi Þórðarson, 29.3.2009 kl. 09:33]

BG og Ingibjörg - Góða nótt minn litli ljúfur er magnað lag en sú smáskífa sem gerði mest fyrir mig var fyrsta smáskífan sem ég keypti (var ekki að stela þeim eins og sumir) var Söngull Kuklsins og var það aðallega trommuleikur Tryggsins sem fékk lítinn dreng til að kaupa þessa plötu.

[Ómar Ingi, 29.3.2009 kl. 11:33]

Já Svoleiðis leiðindi Jens , ég hélt nú bara að smáskífa væri smáskífa þrátt fyrir að lög komi´nú út líka á LP ?

En sá núna að þú tekur það fram að það megi EKKI , usss susss  :)

Pelican - Jenni darling 

Ég var nú alltaf skotinn í þessu lagi og ekki var hrifningin minni þegr ég fékk að heyra allt um lagið þegar ég kynntist Pétri heitnum og fékk margar góðar sögur af honum og öðrum góðum mönnum , blessuð sé mining hans.

[gb (IP-tala skráð) 29.3.2009 kl. 15:06]

Lagið "Í kirkju " man ekki nafnið á hljómsveitinni, held að Pálmi Gunnarsson haf komið að þessu

[Birkir (IP-tala skráð) 29.3.2009 kl. 20:03]

Edru og Elskadir med Orkuml

[Kristinn Pálsson (IP-tala skráð) 29.3.2009 kl. 20:09]

Undarlegt þykir manni að enginn hafi minnst á 12 laga smáskífuna "Tilf" með Purrki Pillnikk, sem að mínu mati, ætti bara að verma toppinn á þessum lista. Ég man að hún kom út nákvæmlega þann 1. apríl árið 1981. Önnur mögnuð smáskífa sömu sveitar er svanasöngur hennar "No Time To Think" sem, að mig minnir,var seld grimmt á Melarokkstónleikunum um haustið 82, en þar kom Purrkurinn einmitt fram í síðasta skiptið á mögnuðu giggi, sællar minningar...

Annars þyrfti þetta að vera 2 faldur listi hjá þér, Jens. Annarsvegar með stöffi frá 1950-1970 og hinsvegar með stöffi sem er gefið út eftir það. Ég held að síðasta litla plata sem fór í maximum dreifingu hérlendis hafi verið "Danska lagið" með Bítlavinafélaginu, en það var einvhersstaðar í kringum 1990.

[doddý, 29.3.2009 kl. 21:58]

... til kristinns páls. tilf er í kassa 11, en fínt að hún komi tvisvar fram, þá man hana einhver annar en ég. kv d

[Sveinn í Felli (IP-tala skráð) 29.3.2009 kl. 23:02]

Tilf með Purkinum, ekki spurning. Leyndarmál með Dátum er líka svalt.

[Jens Guð, 29.3.2009 kl. 23:27]

  Doddi litli,  það var annað skemmtilegt við  Söngulinn.  Þetta var íslenskt nýyrði yfir smáskífu,  snúið út úr enska orðinu single.  Það átti jafnframt að standa fyrir söng-gull - þó aðeins væri eitt g til að halda skyldleikanum við single.  Þetta nýyrði hefði gjarnan mátt ná að festa sig í sessi.

[Jens Guð, 29.3.2009 kl. 23:30]

  Já,  og mig minnir að þeim hafi þótt orðið höggvast of mikið í sundur ef það var stafsett sönggull.

[Jens Guð, 29.3.2009 kl. 23:43]

  Ómar Ingi,  þessi hugmynd með skoðanakönnun um bestu smáskífuna kom upp í umræðu um valið á 100 bestu íslensku plötunum.  Þar eru smáskífur ekki gjaldgengar.  Þá komu upp vangaveltur um að sumar merkar hljómsveitir sendu einungis frá sér smáskífur.  Framlag þeirra til íslenskrar dægurlagamúsíkur er þess vegna afskipt í valinu á 100 bestu plötunum.

  Doddý stakk þá upp á því að gerð yrði sérstök könnun um bestu smáskífurnar.  Ég tók hana á orðinu. 

  Ég óttaðist pínulítið að listinn yrði ansi langur ef allar smáskífur væru gjaldgengar.  Mat mitt er að smáskífur sem voru kynning á stórum plötum og flytjendur þeirra fái sitt tækifæri á listanum yfir 100 bestu plöturnar.  Ég er að reyna að beina sjónum að flytjendum sem gert hafa merkilega hluti á smáskífum án þess að hafa sent frá sér stóra plötu.  En vil samt ekki útiloka smáskífur með sama flytjanda þó hann hafi einnig sent frá sér stóra plötu.

  Það má alveg gagnrýna þessa uppstillingu hjá mér.  En þetta er það sem ég er að reyna að ná fram með þessari skoðanakönnun.

[Jens Guð, 29.3.2009 kl. 23:46]

  Gb,  ég kveiki ekki á perunni með þetta lag.  Það vantar nánari upplýsingar um þessa smáskífu. 

[Jens Guð, 29.3.2009 kl. 23:48]

  Birkir,  takk fyrir innleggið.

[Jens Guð, 29.3.2009 kl. 23:54]

  Kristinn,  þetta er góð tillaga hjá þér.  Ég ætla að hafa hana í huga.  Eftir að ég hef smalað saman öllum tillögum hér í forvalinu legg ég þau undir dóm lesenda sem mæla þá með tilnefndum lögum.  Næsta þrep er að setja upp formlega skoðanakönnun (til vinstri á síðunni) og láta kjósa á milli þeirra smáskífa sem flest meðmæli fá.

  Ef meðmæli dreifast yfir mörg lög frá ýmsum tímabilum mun ég hafa formlegu skoðanakönnunina tvískipta eins og þú leggur til.

[Jens Guð, 29.3.2009 kl. 23:57]

  Tvískiptingin fyrir og eftir 1970 getur jafnframt verið sanngjörn gagnvart yngri lesendum sem þekkja ekki neitt útgefið fyrir 1970.

[Jens Guð, 29.3.2009 kl. 23:59]

  Doddý og Sveinn í Felli,  Tilf er að taka þetta!

[Þór (IP-tala skráð) 30.3.2009 kl. 02:15]

  Hefur "Kristjana" með Gyllinæð komið út á smáskífu?  Alveg ljómandi lag og sérstakt eins og annað með Gyllinæð.  En varð aldrei var við smáskífu þrátt fyrir mikla umfjöllun um þessa hljómsveit á sínum tíma.

[viðar (IP-tala skráð) 30.3.2009 kl. 04:09]

Ég held að Gb í færslu 36, sé að tala um lagið Í kirkju sem út kom með hljómsv. Friðrik hér um árið. Þetta var ekki smáskífa en kom að mig minnir einnig út á einhveri safnplötu. Pálmi Gunn. var aðalgaurinn þarna Tryggvi Hubner var þarna líka svo og Siggi Karls og held ég Pétur Hjaltested, frábær grúbba og lifði alltof stutt.

[Jens Guð, 30.3.2009 kl. 19:12]

  Þór,  lagið  Kristjana  kom út á smáskífu sem ég lét framleiða í 500 eintökum 1999 þegar ég fór með hljómsveitina í hljómleikaferð til Grænlands.  Megin tilgangurinn var að dreifa plötunni á grænlenskar útvarpsstöðvar og til annarra þarlendra fjölmiðla.  Platan fór hvergi í sölu en samt á ég bara 20 eintök eða svo eftir.  Hin lögin með Gyllinæð í tónspilaranum mínu eru á þessari sömu smáskífu.

  Lagið kom einnig út á safnplötu sem var gefin út til styrktar fórnarlömbum jarðskjálfta í Tyrklandi.  Platan heitir einfaldlega  Tyrkland.

[Jens Guð, 30.3.2009 kl. 19:24]

  Viðar,  takk fyrir þessa ábendingu.  Nú fatta ég hvaða lag þetta er.  Ég átti plötuna með Friðryki á vinyl og kunni vel við hana.  Hún hefur elst betur en margt annað frá þessu tímabili (1981).  Þetta sama lag flutti Friðryk í kvikmyndinni  Rokk í Reykjavík.  Það er rétt til getið að Pétur Hjaltested spilaði á hljómborð í Friðryki.  Hljómsveitin starfaði alveg í 3 ár eða svo.  Sem var of stutt því þetta var fín hljómsveit. 

[doddý, 30.3.2009 kl. 20:04]

... lífið er fullt af fallegri tónlist. var baraflokkurinn aldrei með smáskífu? man einhver eftir lagi með sykurmolum sem segir í viðlagi " and we see the world from our harley"? ef þetta er til sem gjaldgeng smáskífa, vil ég nefna hana líka til leiks. (áfram tilf) kv d

[Jens Guð, 30.3.2009 kl. 21:04]

  Doddý,  fyrsta plata Baraflokksins var í milliflokki,  6 laga í Lp plötu stærð (12").  Síðan komu tvær alvöru Lp plötur frá Baraflokknum,  List  og  Gas.

  Mér finnst ég heyra fyrir mér að tilvitnuð setning þín úr lagi með Sykurmolunum sé úr lagi sem heitir  Motorcycle Mama.  Það er af krákuplötu sem var gefin út í tilefni 40 ára afmælis plöturisans Elektra. 

  Þannig var staðið að plötunni að helstu rokkstjörnur Elektra voru fengnar til að fara í gegnum lagasafn Elektra og finna þar eitt lag hver til að kráka.  Motorcycle Mama  er þess vegna ekki eftir liðsmenn Sykurmolanna heldur einhverja útlendinga sem ég kann ekki deili á.  Samt fínt lag.

[Ómar Ingi, 30.3.2009 kl. 23:26]

Nei Nei bara gaman af þessu

[Hjörleifur (IP-tala skráð) 31.3.2009 kl. 11:37]

Dánarfregnir og jarðafarir- Sigurrós

[þorsteinn (IP-tala skráð) 31.3.2009 kl. 21:33]

tilf með purrkinum og bjór með fræbbblunum.