Samískt þjóðlagarokk um páskana - ókeypis aðgangur

 

  Alþýðu- og þjóðlagarokkarinn og lagahöfundurinn Johan Piribauer frá Samalandi í Svíþjóð er væntanlegur til Íslands nú um páskana.  Hann heldur þrenna tónleika hérlendis:  10. apríl í Reykjavík, 11. apríl á  Aldrei fór ég suður  á Ísafirði og á Akureyri 13. apríl.  Í för með Johani verða fiðluleikarinn Gabriel Liljenström og bakraddasöngkonan Maude Rombe.

  Johan syngur á sænsku en tónlist hans og textar sækja innblástur í menningu og náttúru Samalands.  Hann hefur gefið út 5 breiðskífur og hefur spilað út um allan heim, m.a. á Nýja Sjálandi, Ástralíu og Singapore.

  Johani hefur verið hampað fyrir að koma með nýja og ferska vinda inn í sænska prog-tónlist og útnefndi sænskt tímarit hann sem mesta frumkvöðulinn í þeim efnum, þar sem hann var tekinn framyfir marga fræga sænska tónlistarmenn.

  Aðaltilefni heimsóknar Piribauer er að koma fram á  Aldrei fór ég suður. Hann nýtir heimsóknina til að keyra hringinn og spila í  Kaffi hljómalind  í Reykjavík föstudaginn 10. apríl, kl 20:00 og svo mánudaginn 13. apríl í  Populus Tremula  á Akureyri kl 20:30.

Frítt er inn á alla tónleikana!

Frekari upplýsingar:

www.johanpiribauer.com

www.myspace.com/johanpiribauer

Athugasemdir

[Ómar Ingi, 9.4.2009 kl. 14:53]

Athyglivert Jens

[Anna Benkovic Mikaelsdóttir, 9.4.2009 kl. 21:29]

Mikið væri gaman að sjá þetta! Er það löglegt á föstudaginn langa?

Ef svo ,...verða ekki voða margir?

[Jens Guð, 9.4.2009 kl. 22:53]

  Ómar,  samíska yókið er alveg meiriháttar.  Þegar ég tók saman plötuna  Rock from the Cold Seas  fyrir nokkrum árum hafði ég þar 4 samísk rokklög.  Hún seldist í 20.000 eintökum og opnaði margar dyr fyrir v-norrænni músík.  Þar var meðal annars fyrsta lag Mínusar á plötu.  Núna er ég búinn að ganga frá plötu sem kemur út á þessu ári og heitir   World Music from the Cold Seas.  Á henni eru einnig 4 frábær samísk lög. 

[Jens Guð, 9.4.2009 kl. 22:57]

  Anna,  mér varð einmitt hugsað til þess hvort föstudagurinn langi sé ennþá af hálfu ríkiskirkjunnar banndagur skemmtanahalds.

  Fyrir mörgum árum tók ég þátt í að setja upp hljómleika með sænsku rokksveitinni Imperiet á laugardegi fyrir hvítasunnu.  Hljómsveitin var komin til landsins og öll leyfi afgreidd.  En ríkiskirkjan lagði blátt bann við skemmtanahaldi og allt fór í klessu.

[Anna Benkovic Mikaelsdóttir, 9.4.2009 kl. 23:58]

http://www.vantru.is/2009/04/08/09.00/

ég mæti samt...takk Jens!

[Jens Guð, 10.4.2009 kl. 16:17]

  Anna,  takk fyrir þessar upplýsingar.  Samar eru þaulvanir því að yoikið þeirra sé bannað af hálfu kristnu kirkjunnar.  Þeir eru jafn vanir að hunsa bannið.