Svo fárveikur að hann kaus Sjálfstæðisflokkinn

  Í nýföllnum dómi yfir geðveikum afbrotamanni eru geðsjúkdómar hans tíundaðir af nákvæmni.  Þar segir meðal annars: 

  "...hann hafi hætt að vinna árið 1978 og þá verið „beint inn á við"... byrjað að stunda trúarbrögð og geimvísindi...fengið samband við verndara sinn og gyðjurnar tvær sem hafi þá verið að tala inn á huga hans...hafi hætt að aka bíl árið 1978, en lifað á eignum sínum næstu 10 árin en þá hafi peningarnir verið búnir. Þá hafi helgistjórnin sent hann á geðsjúkrahús, hann hafi skotið á mann en verið „handleiddur“ til að gera það, allt gert í þeim tilgangi að koma honum á örorku...þetta hafi verið nágranni hans og...að hann hafi verið innblásinn til að drepa nágranna sinn en hann hafi verið heppinn að það hafi ekki tekist...hafa verið lagður inn á geðdeild í tengslum við þessa skottilraun og hafi fengið sprautur einu sinni í mánuði í mörg ár eftir það...sé innblásinn af guðunum og guðirnir hafi fengið hann til að gera þetta til að reyna hann sjálfan...sé undir eftirliti tveggja gyðja, Sollu og Geraldine, og hafi verið undir vernd þeirra í 20 ár. Solla sjái um hann á daginn en Geraldine á nóttunni en undanfarin 20 ár hafi hann verið í stöðugu sambandi við þessar gyðjur og ræðir um að sambandið sé huglægt...gyðjurnar yfirtaki huga hans og stjórni honum alveg. Á köflum píni þær hann og píski. Yfir þessum gyðjum sé helgistjórn jarðar sem veiti honum innblástur og stýri þessu öllu. Það séu sex guðir og sex gyðjur sem myndi helgistjórnina og aldur þeirra sé 4-8 milljarða ára...verndari hans hafi sagt honum að hætta á lyfjum og líklega hafi það verið „Solla“ sem hafi sagt honum það...hann sé undir sérgæslu guðanna. Guðirnir hafi ákveðið að láta reyna á ákærða sérstaklega, meðal annars með því að láta hann léttast, en verndararnir hefðu komið inn og séð að hann hafi nú byrjað að borða...hafi verið látinn komast í samband við dópista og hann látið dópistann hafa peninga reglulega alla tíð síðan. Tilgangurinn væri sá að gera ákærða að öreiga eins og Krist og spámennina...í innlögn ákærða á geðdeild 1987 hafi hann fengið sjúkdómsgreininguna paranoid schizophrenia (aðsóknargeðklofi)...miklar ofsóknarhugmyndir um skipulagðar aðgerðir gagnvart misindismönnum og kenndi þá meðal annars guðunum um tvö vélhjólaslys sem höfðu orðið ári áður...aftur verið lagður inn á geðdeild 2008 og þá fengið sömu sjúkdómsgreiningu...miklar ranghugmyndir af sama toga og í fyrri innlögn...flókið fast ranghugmyndakerfi sem einkennist af trúarhugmyndum og segist fyrir nokkrum árum hafa verið innblásinn til að hengja sig en ekki gert það...hafi lesið Morgunblaðið reglulega, lesi Fréttablaðið af og til en fylgist hvorki með útvarpi né sjónvarpi. Hann hafi kosið Sjálfstæðisflokkinn alla tíð en hætt því fyrir nokkrum árum því Solla hafi verið á móti því. Hlutverk hans í lífinu sé að leysa lífsgátuna með því að opinbera líf og tilveruna. Hann sé langt kominn með að leysa þessi mál og kveðst ætla að birta grein um þetta síðar á árinu í Morgunblaðinu. Sjúkdómsgreiningin er Paranoid schizophrenia...alvarlegan geðklofasjúkdóm að stríða um áratuga skeið. Sjúkdómurinn einkennist af miklum og flóknum ranghugmyndakerfum, en þau kerfi séu að megninu til af trúarlegum toga. Hann telji sig vera undir stjórn æðra máttarvalds og eftir því sem best verði séð hafi þessi einkenni verið stöðug í að minnsta kosti 20-30 ár."

Þarf að vinna litla sigra á hverjum degi

Athugasemdir

[Jakob Falur Kristinsson, 18.4.2009 kl. 17:46]

Þessi náungi er greinilega fárveikur.  Vonandi er þetta ekki hinn dæmigerði kjósandi Sjálfstæðisflokks.

[Ómar Ingi, 18.4.2009 kl. 18:21]

Bullið sem rennur uppú þér drengur en kemur svo sem ekki á óvart enda FF maður

[Finnur Bárðarson, 18.4.2009 kl. 19:31]

Fyrirsögnin

[Víðir (IP-tala skráð) 18.4.2009 kl. 20:28]

PRICELESS!!!

[JR (IP-tala skráð) 18.4.2009 kl. 20:41]

Þú mátt ekki gera geðveiku fólki þetta !

Sjálfstæðisflokkurinn getur skammmast sín ! 

[Linda Linnet Hilmarsdóttir, 18.4.2009 kl. 20:51]

Knús knús og ljúfar kveðjur :0)

[Sverrir Einarsson, 18.4.2009 kl. 21:41]

Verða þeir ekki dæmdir svona sem kjósa Sjallana í kosningunum?

Þannig að þeir hafa eitt sér til málsvarnar ......þeir voru svoooooo veikir.

[Jens Guð, 18.4.2009 kl. 21:45]

  Jakob,  ég veit ekki hvort lýsingin passar nákvæmlega við hinn dæmigerða kjósanda FL-okksins:  Trúhneigður  (guð blessi Ísland),  les Morgunblaðið reglulega,  les Fréttablaðið einungis af og til,  ætlar að fá birta eftir sig grein í Morgunblaðinu...  

[Jens Guð, 18.4.2009 kl. 21:49]

  Ómar,  ég kom þarna hvergi nærri.  Stytti bara þann texta sem birtur er í dómskjölum.  Hinsvegar þykir mér líklegt að geðlæknarnir sem mátu heilsu mannsins séu í FF.  Geðlæknar og heimilislæknar eru áberandi í FF.  Og þó ýmsir hafi yfirgefið FF að undanförnu sitja læknarnir eftir hinir föstustu. 

[Jens Guð, 18.4.2009 kl. 21:54]

  Finnur,  mér tókst að draga kjarna málsins saman í stutta fyrirsögn.  Þannig vinna fagmenn. 

[Jens Guð, 18.4.2009 kl. 21:55]

  Víðir,  enda tek ég ekki krónu fyrir þetta.

[Jens Guð, 18.4.2009 kl. 22:01]

  JR,  ég veit ekki hvort umræddur maður sé dæmigerður geðsjúklingur.  Hitt veit ég að ítrekað hefur komið fram að uppstaðan af föngum á Litla Hrauni kýs alltaf Sjálfstæðisflokkinn.  Árna Johnsen fannst eins og hann væri í heimsókn hjá hverfisfélagi Sjálfstæðisflokksins þegar hann sat í fangelsi um tíma. 

[Jens Guð, 18.4.2009 kl. 22:03]

  Linda mín,  knús á þig.

[Jens Guð, 18.4.2009 kl. 22:11]

  Sverrir,  ég sé á bloggi hér út um allt að hver sjálfstæðislokksmaðurinn á fætur öðrum er að lýsa yfir að hann ætli ekki að kjósa Sjálfstæðisflokkinn núna.  Meira að segja hann Bjarni,  sem kallar sig Miðbæjaríhaldið.

[Ómar Ingi, 19.4.2009 kl. 02:30]

Þarna ertu komin með ástæðuna fyrir læknaphobiu minni

[Jens Guð, 19.4.2009 kl. 13:58]

  Ómar,  þessi var góður!  Hehehe!