Til hamingju með afmælið, Sæunn!

  Kjarnakonan knáa,  Sæja pæja,  á afmæli í dag.  Sæunn er húsfreyja á Uppsölum í Svarfaðardal og formaður Aflsins,  systursamtaka Stígamóta á Akureyri.  Næsta víst er að mikið er um vegleg veisluhöld í dag og næstu daga á Uppsölum og nágrannabæjum í tilefni dagsins.  Hvað Sæunn er nákvæmlega gömul veit enginn.  Það breytist ár frá ári og er allt í rugli.  En eitthvað er hún að skríða upp fimmtugsaldurinn.  Á myndinni hér fyrir ofan er Sæunn lengst til vinstri með vinkonum sínum hjá Aflinu,  www.aflidak.is.

  Til hamingju með afmælið,  Sæunn systir!

Athugasemdir

[Ragnheiður Jóhannsdóttir (IP-tala skráð) 20.7.2009 kl. 22:18]

Hjartanlega til hamingju með Sæunni. Ég er viss um að hún er ekki mikið eldri en 29. Krafturinn er slíkur í henni.

[Jens Guð, 20.7.2009 kl. 22:39]

  Ragnheiður frænka,  takk fyrir það.  Sæunn er orkubolti sem hefur fundið orkunni góðan farveg.  Þegar hún var krakki og unglingur átti allan hennar hug að hrekkja samferðafólk.  Hún var stöðugt að upphugsa hrekki.  Marga bráðfyndna (nema fyrir fórnarlömb).  Hún er ennþá fjörmikill stuðbolti.  Það er alltaf mikið hlegið þar sem Sæunn er.  Og Aflið fær blessunarlega að njóta orku hennar. 

[Arnar Guðmundsson, 20.7.2009 kl. 22:40]

TIL MANINGJU .. KV. GUMSON2

[Þorsteinn Briem, 20.7.2009 kl. 22:59]

Blíðar heilsanir til Sæunnar!

[Jens Guð, 20.7.2009 kl. 23:03]

  Arnar,  takk fyrir það.

[Jens Guð, 20.7.2009 kl. 23:06]

  Steini,  ég veit að Svarfdælingar kunna vel að meta blíðar kveðjur frá einum af bestu og gáfuðustu sonum dalsins.  Og er þó mannval mikið og gott í þeim fagra dal. 

[Þorsteinn Briem, 20.7.2009 kl. 23:08]

Hólið þótti nú ekki gott í minni sveit, Jensinn minn.

[Jens Guð, 20.7.2009 kl. 23:12]

  Steini,  það eru breyttir tímar hvað það varðar.  Við erum ekki alveg komin yfir "tæra snilld" og annað slíkt sem tilheyrði 2007.

[Þorsteinn Briem, 20.7.2009 kl. 23:35]

Í Mogganum var sagt að klámmyndaleikari nokkur væri vel vaxinn niður og hann hefði náð langt á sínu sviði.

Urði Gunnarsdóttur, sem nú er blaðafulltrúi Utanríkisráðuneytisins, fannst það ansi fyndið.

[Jens Guð, 20.7.2009 kl. 23:38]

  Steini,  þú næstum drepur mig stundum næstum því með þínum bráðfyndnu "kommentum".  Hehehe!

[Marinó G. Njálsson, 21.7.2009 kl. 11:27]

Afmæliskveðjur úr Kópavogi frá Hörpu, Marinó, Sæunni Ýr, Sindra Steini, Ísak Elí og Elenu Rós.

[Jens Guð, 21.7.2009 kl. 12:21]

  Marinó,  takk fyrir það.  Sæunn les þetta.

[sæunn (IP-tala skráð) 21.7.2009 kl. 21:46]

Takk fyrir kveðjurnar elskurnar. Það er misskilningur að það sé einhver ruglingur með árafjöldan hjá mér. Hann hefur einmitt ekkert breyst síðustu ár. Ég er einmitt ennþá þrítug, hehe... knús til ykkar

Sæunn 

[Jens Guð, 21.7.2009 kl. 22:55]

  Sæunn,  ruglingurinn með aldur þinn hefur kannski eitthvað að gera með að hann hefur stundum ekkert breyst í áranna rás.  Einhver sagði að þú værir orðin hálf níræð.  Man ekki hver.  Ég man þó að þú varst bara krakki þegar ég var orðinn rígfullorðinn.  Þannig að þetta er ennþá eitthvað í rugli.  Góðu fréttirnar eru þær að ég frétti að þú hafir haldið upp á afmælið með meiri stæl en Elli á Narfastöðum þegar afi fór með okkur í afmælisveislu aldrarinnar og heimilisfólkið á Narfastöðum kom af fjöllum.  Ekki síst afmælisbarnið Elli.  Sem ég hef nú kannað og uppgötvað að átti sjötugs afmæli árið áður - án þess að skipta sér af því.

[Magnús Geir Guðmundsson, 21.7.2009 kl. 23:18]

Haha, þetta er skemmtilegt, síðbúin afmæliskveðja til Sæunnar sívinnandi!

[Jens Guð, 21.7.2009 kl. 23:46]

  Magnús Geir,  Sæunn sér þessa síðbúnu afmæliskveðju hér.  Og takk fyrir það.