Besta veðrið um verslunarmannahelgina

  Ég hef verið að skoða veðurspá helstu veðurfræðinga landsins til að komast að því hvar besta veðrið verður núna um helgina,  verslunarmannahelgina.  Ég hef einnig haft samband við svokallaða sjáendur.  Þeir sjá sýnir, "framtíðar-flass" sem í tíma og rúmi er andstæða "flash-back" af því tagi er margir gamlir LSD neytendur upplifa óvænt.

  Af þeim gögnum sem ég hef skoðað virðast allar vísbendingar benda á einn stað:  Besta veðrið um helgina verður á Stokkseyri.  Það fer vel á því.  Svo skemmtilega vill til að á Stokkseyri er jafnframt glæsilegasta dagskrá helgarinnar í boði.  Yfirskriftin er "Föroyskt landnám Stokkseyri".  Undirskriftin er "Færeyskir fjölskyldudagar á Stokkseyri um verslunarmannahelgina".

  Margir af helstu tónlistarmönnum Færeyja,  um 20 manns,  halda uppi fjölbreyttri dagskrá fram á nótt alla helgina.  Þar bera hæst fiðlusnillingurinn Angelika Nielsen,  gullfallegt undrabarn sem lærði skrautskrift hjá mér þegar hún var á fermingaraldri.  Það var á 3ja daga námskeiði í Færeyjum.  Hún missti af fyrsta deginum en sló öllum nemendum við nánast um leið og hún settist við skriftir.  Það kom ekki á óvart að fylgjast með henni síðar dúxa í tungumálum,  fiðluleik og hverju öðru sem hún hefur tekið sér fyrir hendur. 

  Píanóleikarinn Kristian Blak er potturinn og pannan í allri færeyskri músík.  Mikill stuðbolti á sjötugsaldri sem leikur jöfnum höndum dansmúsík,  djass,  klassík,  þjóðlagamúsík og rokk í ýmsum þyngdarflokkum.  Jafnvel pönkrokk þegar sá gállinn er á honum.

  X-factor stjarnan og kyntröllið Jógvan opnar færeysku dagskrána með hljómleikum á föstudagskvöldinu.  Af vinsælum lögum hans sem spiluð eru sem mest í útvarpi má ætla að hann sé léttpoppari.  En hann er líka hörku rokkari þegar þannig liggur á honum.

  Simme var fyrsta færeyska súperstjarnan á Íslandi.  Fyrir hálfri öld átti hann hug og hjörtu Íslendinga með laginu um Rasmus.  Þá kom hann einmitt til Íslands og tryllti Íslendinga upp úr skónum.

  Nánar um dagskrána má lesa á www.stokkseyri.is.  Myndirnar efst eru af Jógvani,  Angeliku og Kristian Blak.     

 

Athugasemdir

[Hannes, 29.7.2009 kl. 22:54]

Láttu þér nú batna.

[Jens Guð, 29.7.2009 kl. 23:08]

Hannes,  takk fyrir það.  Ég hef ekki áður tábrotnað en mér kemur á óvart hvað bati skilar sér hægt.  Á föstudaginn verður háflur mánuður frá óhappinu og ég verð ekki var við batamerki. 

Ég ætla að skakklappast um á hækjum á Stokkseyri um helgina.  Uppistaðan af þeim Færeyingum sem þarna skemmta eru góðir vinir mínir.  Það verða fagnaðarfundir.  Enda yndislegt fólk.  Ég ætla að taka á móti hópnum og fá einhvern til að keyra bílinn minn austur - til að hlífa tábrotna fætinum.

[Hannes, 29.7.2009 kl. 23:14]

Skemmtu þér vel Jens. Aldrei að vita nema ég renni þangað á hjólinu ef ég nenni.

Hvernig gengur með sýkinguna?

[Jens Guð, 29.7.2009 kl. 23:16]

  Hannes,  sýkingin í hinum fætinum er að baki.  Nú er bara tábrotið eftir til að hrella mig.

[Hannes, 29.7.2009 kl. 23:18]

Gott að heyra að sýkingin er farinn. Jens.

Ég gæti svo sem keyrt þig ef þú vilt hef ekkert að gera hvort sem er nema hjóla og hanga í tölvunni.

[Jens Guð, 29.7.2009 kl. 23:38]

  Hannes,  bestu þakkir fyrir gott boð.  Ég held þó að hitt dæmið gangi vel upp.  Kristian Blak hefur beðið mig um að hitta færeyska hópinn og vera honum innan handar við að koma sér austur á Stokkseyri.  Senilega verður rúta leigð en ég fylgi með á mínum bíl.  Ég veit ekki hvernig dæmið er hugsað varðandi gistingu fyrir hópinn eða annað.  Ég tek með mér svefnpoka og læt ráðast hvernig staðið verður að málum.  Þekking mín á Stokkseyri er lítil.  Ég tek með mér færeyska geisladiska og DVD til að hafa til sölu þarna.

[Ía Jóhannsdóttir, 29.7.2009 kl. 23:47]

OK maður skellir sér þá e.t.v. á Stokkseyrarbakka.

[Hannes, 29.7.2009 kl. 23:49]

Skemmtu þér vel og ekki brjóta eitthvað meira það er nóg að brjóta eina tá.

[Jens Guð, 29.7.2009 kl. 23:51]

  Ingibjörg,  vertu hjartanlega velkomin.  Þarna verður besta veðrið og besta dagskráin.

[Jens Guð, 29.7.2009 kl. 23:52]

  Hannes,  þarna verð ég óvenju stilltur.  Hækjurnar bjóða ekki upp á annað.

[Hannes, 29.7.2009 kl. 23:54]

Ja það er nú hægt að ná í eina pyntingarvél þrátt fyrir að þurfa að ganga með hækjum.

[Jens Guð, 30.7.2009 kl. 00:15]

  Hannes,  mér nægir alveg þjáning af að hökta um á hækjum sárþjáður tábrotinn.  Það dugir mér alveg til að vita að ég er með meðvitund - þrátt fyrir verkjalyf.

[Hannes, 30.7.2009 kl. 00:18]

Jens ég var að meina kvennmann þegar ég nefndi pyntingarvél.

[Jens Guð, 30.7.2009 kl. 00:29]

  Hannes,  ég hefði átt að fatta þetta.  En er stundum seinn að fatta.  Þar fyrir utan eru færeyskar konur þær fallegustu í heimi.  Og mestu elskur sem fyrirfinnast.

[Hannes, 30.7.2009 kl. 00:40]

nákvamlega Jens. Kannski ég fái þig til að kynna mig fyrir færeyskri pyntingarvél einhvern daginn.

[Ómar Ingi, 30.7.2009 kl. 19:33]

Spurning um að fá sér í TÁNNA

[Jens Guð, 30.7.2009 kl. 22:06]

  Hannes,  það er mér ljúft að kynna þig fyrir einhverri glæsilegri færeyskri dömu.  Af nógu er að taka.

[Jens Guð, 30.7.2009 kl. 22:08]

  Ómar,  þessi var góður!  Hehehe!  Ég verð hinsvegar að bíða með það að fá mér í tána í nokkra daga.

[Ómar Ingi, 31.7.2009 kl. 00:06]

[Hannes, 31.7.2009 kl. 00:08]

Jens við getum talað um það þegar við fáum okkur björ saman.

[Hannes, 31.7.2009 kl. 00:09]

Þetta átti að vera bjór en ekki björ.