Krúttlegt - eða...?

 

  Ég fór í matvöruverslun til að kaupa mér Malt.  Skammt frá mér var kona með innkaupakerru.  Í barnasæti kerrunnar sat á að giska fjögurra ára drengur.  Ég var ekkert að fylgjast með þeim en heyrði drenginn segja:  "Kaupum svona."  Konan svaraði:  "Nei,  ekki núna."  Strákur mótmælti hástöfum með blöndu af frekju- og hálfgrátandi röddu:  "Jú,  mig langar svo í svona."  Konan útskýrði vandamálið:  "Ég á ekki pening fyrir þessu.  Ég á ekki einu sinni pening fyrir öllu sem ég þarf að kaupa."

  Við þessi orð var dreng brugðið.  Hann saup hveljur og spurði með uppglennt augu hálf skelfdur:  "Verðum við þá að stela?"

Athugasemdir

[J. Einar Valur Bjarnason Maack , 26.9.2009 kl. 14:46]

Krúttlegt og dapurlegt í senn, það er orðið svo að mjög margir sjá ekki mánaðamóta á milli sökum kreppu.

[Ásthildur Cesil Þórðardóttir, 26.9.2009 kl. 16:14]

Sorrý en ég verð að fá að hlæja , sorglegt eða ekki.  þetta er óborganlegt.

[Hrönn Sigurðardóttir, 26.9.2009 kl. 17:13]

Nú hló ég!

[Hannes, 26.9.2009 kl. 20:09]

Það eru margir í fjárhagsvandræðum og ástandið á eftir að versna enn.

[Gjagg (IP-tala skráð) 26.9.2009 kl. 20:47]

Brádthroska og fljótur ad álykta.  Ein af afleidingum X-D og X-B.  Thví midur eru ekki allir íslendingar á sama throskastigi og thessi drengur.

[Gjagg (IP-tala skráð) 26.9.2009 kl. 20:57]

Eda réttara sagt: Thví midur hafa ekki allir fullordnir íslendingar nád sama throskastigi og thess 4 ára drengur.

[Sigurbjörg Sigurðardóttir, 26.9.2009 kl. 21:57]

Cosi é la vita,Humm !þetta er bara byrjuninn.

[Jens Guð, 26.9.2009 kl. 22:08]

  Einar Valur,  vissulega er það dapurlegt að heyra fólk vera í vandræðum með að ná endum saman.  Ég tók ekki eftir hvað konan var búin að setja í innkaupakerruna sína eða hvað strákinn langaði svona mikið í.  Það flaug að mér að blanda mér í umræðuna og kaupa handa stráknum þetta sem hann langaði í en hafði jafnframt á tilfinningunni að konunni þætti það niðurlægjandi.   

[Jens Guð, 26.9.2009 kl. 22:17]

  Það eru 2 eða 3 ár síðan ég var næstur í röð við afgreiðslukassa í Bónusi þar sem kona hafði ekki alveg nógan pening til að borga það sem hún var að kaupa.  Ég sá að hún var einungis að kaupa brýnustu nauðsynjar en var lent í þeirri aðstöðu að þurfa að skila einhverjum vörum.  Ég borgaði það sem á vantaði.  Það var upphæð sem fór aðeins rétt yfir 1000 kall. Það var mikið að gera við kassann og konan brást frekar illa við þó hún hafi þegið boð mitt.  Tautaði að þetta væri einhver mesta niðurlæging sem hún hafi lent í.  Sennilega var hún þakklát en tautaði bara um hvað hún skammaðist sín.  Mér leið hálf illa yfir að vera kannski að auka á niðurlægingu hennar.

[Jens Guð, 26.9.2009 kl. 22:20]

  Ásthildur,  sem betur fer fékk konan hláturskast við spurningu barnsins.  Mér varð líka á að hlægja þó ég léti á litlu bera.

[Jens Guð, 26.9.2009 kl. 22:22]

  Hrönn, takk fyrir það.

[Jens Guð, 26.9.2009 kl. 22:24]

  Hannes,  vandræðin eru rétt að byrja.

[Jens Guð, 26.9.2009 kl. 22:26]

  Gjagg,  ertu að vísa til "Við borgum ekki!"?

[Jens Guð, 26.9.2009 kl. 22:28]

  Sigurbjörg,  þetta er bara upphafið af því sem koma skal.

[Jóna Kolbrún Garðarsdóttir, 26.9.2009 kl. 23:09]

Mér finnst myndin sem fylgir færslunni skemmtileg.  Ég hef lent í svipuðu með son minn, hann vill alls ekki fara í frí.  

[Guðmundur Júlíusson, 26.9.2009 kl. 23:23]

Þetta finnast mér ömurlegar samræður annars ágætra bloggara, þið hálfpartinn gerið grín að bágindum fólks í erfiðum aðstæðum og að  ætla barni sem er með foreldrum í búðarferð og gera það að aðhlátursefni finnst mér ömurlegt!, ég starfa í matvöruverslun og verð næstum hvern einasta dag vitni af fólki af öllum gerðum og stærðum (ef svo má að orði komast) hvort sem er fólk er littla aura á og reynir að versla sem ódýrst inn og svo það fólk sem ekkert á og reynir að stela vörum með ýmsum hætti, það er sorglegt að fólki finnist þetta vera "krúttlegt"  Mörg ykkar með ykkar athugasemdir ættuð að skammast ykkar.

[Jens Guð, 27.9.2009 kl. 00:18]

  Guðmundur,  það er dapurlegt að þú skulir upplifa fátækt fólks við afgreiðslukassa.  Sömuleiðis að fólk skuli reyna að stela sér til bjargar.

  Það er líka dapurlegt þegar fólk er svo forpokað að horfa á vandamálið með þunglyndissvip og detta í svartnætti þegar upp kemur sakleysisleg og brosleg óvænt spurning barns.  Í umræddu tilfelli framkölluðu viðbrögð barnsins glaðværan hlátur hjá konunni.  Ég mæli með því að þú kíkir á leikritið "Við borgum ekki!".  Það er nauðsynlegt að taka spaugilegu hliðina með í dæmið.  Annars er bara allt leiðinlegt og ömurlegt. 

[Jens Guð, 27.9.2009 kl. 00:22]

  Jóna Kolbrún,  ég ætla að margir foreldrar hafi lent í svipaðri stöðu.  Kannski ekki endilega með tölvuna en sitthvað annað henni skylt. 

[DoctorE (IP-tala skráð) 27.9.2009 kl. 09:14]

Ísland í dag.. .auðvitað læra börnin að best af öllu er að stela, allir sem hafa náð langt á íslandi eru jú einmitt þjófar og bófar.

[Gjagg (IP-tala skráð) 27.9.2009 kl. 12:08]

Nei...reyndar ekki.  En thad var nokkud fyrirséd ad thad ad flestir kusu  B og D myndi á endanum enda med ósköpum.  Thessir flokkar hafa unnid gegn hagsmunum almennings á mjög opinn hátt med fáránlegu kvótakerfi, sem er rán á sameign landsmanna. 

Thrátt fyrir thetta kaus fólk thessa flokka algerlega hugsunarlaust.  Strákurinn sýnir med svari sínu ad hann getur hugsad.

[Jens Guð, 27.9.2009 kl. 13:28]

  DoctorE,  stráksi er kannski gott efni í dæmigerðan íslenskan útrásarvíking og bankaræningja?

[Jens Guð, 27.9.2009 kl. 13:31]

  Gjagg,  kvótakerfið er stundum kallað mesta rán Íslandssögunnar.  Það er spurning hvort útrásarvíkingarnir og bankaræningjarnir eru búnir að toppa dæmið.