Skjár 1 - kexrugluð sjónvarpsstöð

  Skjár 1 glímir við vandamál.  Auglýsingatekjur hafa dregist saman á sama tíma og kostnaður við framleiðslu á íslensku sjónvarpsefni hefur vaxið sem og innkaup á útlendum (bandarískum) sjónvarpsþáttum.  Nú boðar Skjár 1 að dagskrá sjónvarpsstöðvarinnar verði send út rugluð til annarra en áskrifenda.  Áskriftarverði er engu að síður stillt í hóf:  2200 kall á mánuði.  Svipað verð og á kippu af góðum færeyskum bjór.

  Ég hef ekki tekið ákvörðun um hvort séu betri kaup í bjórkippunni eða áskrift að Skjá 1.  Í fljótu bragði skoðað er spjallþáttur Sölva eini þátturinn á Skjá 1 sem höfðar til mín.  Svo og - en á allt öðrum forsendum -  Lífsaugað  með Þórhalli miðli.  Sá þáttur er svo ruglaður að það er varla hægt að rugla hann meira. 

  Draugar sem heita Guðmundur,  Kristín og Guðrún koma á færibandi.  Síðast þegar ég vissi eru Guðmundur,  Kristín og Guðrún í öllum íslenskum fjölskyldum,  skólaárgöngum,  kunningjahópum og á vinnustöðum.  Sjálfur er ég umkringdur ættingjum með þessum nöfnum.  Er Guðmundsson og á mínum uppvaxtarárum í útjaðri Hóla í Hjaltadal voru Guðmundur í Hlíð,  Guðmundur á Hofi og Guðmundur í Víðinesi.  Bara til að nefna dæmi.  Úr mörgu er að velja þegar draugurinn Guðmundur mætir á miðilsfund.

  Draugar með sjálfgæfari nöfn mæta ekki á miðilsfundi.  Engin Þórlína,  Arabella eða Hörn.   Kjánarnir sem mæta í  Lífsaugað  eru allir af vilja gerðir að ráða fram úr ruglinu.  Þannig verður Kristín allt í einu Kristjana.  Takk kærlega fyrir það.

  Toppnum var náð þegar Þórhallur náði sambandi við framliðinn kóngabrjóstsykur.  Jóhann Waage var snöggur að kveikja á perunni og kannaðist við afa sinn með bláan Ópal.  Takk kærlega fyrir það.  Þórhallur var ennþá sneggri að kveikja á perunni og sá undir eins framliðna tuggu af bláum Ópal.

  Í spjalli við Jóhann Waage á eftir var hann dolfallinn af hrifningu yfir að Þórhallur hafi séð þessa framliðnu tuggu af bláum Ópal.  Sem Jóhann hafði þó frumkvæði af að nefna til sögunnar.  Er hægt að rugla svona sjónvarpsþátt meira?  Jú,  kannski.  Það er auðvelt að rugla ruglað fólk út í eitt.  Jafnvel svo að það verði næstum óruglað í ruglinu.   

  Það er ekki staðfest að ljósmyndin efst sé af Þórhalli miðli.  En ef hún er af Þórhalli þá er líklegra að hann sé þessi til hægri. 

Athugasemdir

[Jóna Kolbrún Garðarsdóttir, 22.10.2009 kl. 01:48]

Ég  skjár1

[Axel Jóhann Hallgrímsson, 22.10.2009 kl. 02:16]

Skítt með Skjáinn, ekkert nema endursýningar á endursýningar ofan.

En þessi pistill þinn Jens er hrein perla. 

Þórhallur (fjöl)miðill yrði í vandræðum með mig, enginn Guðmundur, engin Kristín og engin Guðrún nálægt mér. Ég yrði að fara sneyptur og sambandslaus af velli.

Takk kærlega fyrir það.

Ég er handviss um að þegar ég er dauður og svíf á miðilsfund til að láta vita af mér þá muni ég örugglega vita hvað ég heiti og hver og hverra manna ég er, svo ekki þurfi með eftirgangsmunum þurfa að draga það upp úr ættingjum í salnum. Sé það eina leiðin gæti maður hæglega dregist í rangan dilk og orðið Guðmundur á Hóli og lent upp á vitlausu fólki.

Takk kærlega fyrir það.

Það er satt, þessi þáttur verður ekki ruglaður öllu meir.

[Brjánn Guðjónsson, 22.10.2009 kl. 03:27]

það sem frímiðillinn Skjár 1 hefur umfram frímiðilinn Fréttablaðið er að ég þarf ekki reglulega að tæma póstkassann, hans vegna og henda innihaldinu í ruslið. Skjár 1 hefur verið í loftinu án þess að bögga mig. nú verður hann ruglaður án þess að bögga mig.

[Gjagg (IP-tala skráð) 22.10.2009 kl. 05:50]

Trúgirni sumra er mjög mikil.  Skortur á gagnrýnni hugsun og common sense skiptir líka miklu máli í thessu sambandi.  Þannig er það nú bara.  Í kartöflugörðunum heima.  Og að heiman.  Út um allt,  innan um kantsteina,  þakdúka og fána sérsaumaða á Hofsósi.  Það var þó gott að atvinna skapaðist fyrir Hofsósinga að sauma fána.  Þó þeir hafi horfið og ekkert til þeirra spurst.  Ekki einu sinni í kartöflugörðunum heima.

[Stefán (IP-tala skráð) 22.10.2009 kl. 08:50]

Heyrst hefur að Björn Bjarnason vilji láta banna Ská 1 með öllu vegna þess að honum geðjast engan veginn allt sjónvarpsefnið þar. Vill víst sjá fleiri byssubófa og víkingasveita þætti.

[Ásdís Sigurðardóttir, 22.10.2009 kl. 15:16]

Þú ert snilli.

[Kristinn Gunnar Blöndal (IP-tala skráð) 22.10.2009 kl. 16:29]

Það er ansi langt síðan skjáreinn varð óáhorfanlegur.

Allir þættir hakkaðir í spað til að fitta þrem til fjórum auglýsingatímum í hvern 40 mínútna sjónvarpsþátt fyrir sig. Sem væri kannski (þó varla) í lagi ef auglýsingatímarnir væru 10-15 sekúndur. En Skjáreinn mjólkar ekki bara auglýsingatímana í miðjum þáttum, heldur nýta þeir lítt velkominn biðtíma sjónvarpsáhorfenda sem sitja spenntir... í að kynna komandi dagskrárliði, inní miðjum þáttum, sem er forkastanlegt. En með öðrum orðum:

Þú getur varla setið 5 mínútur fyrir framan skjá einn án þess að sjá auglýsingar

Eins og ég segi. Það er langt síðan ég og flestir sem ég þekki gáfust upp á að horfa á skjá einn einfaldlega vegna massífs auglýsingaáreitis

[Jón Steinar Ragnarsson, 22.10.2009 kl. 18:23]

Góður.

Annars er skjár einn dottinn út hér á tröllaskaganum fyrir nokkru, alveg að sársaukalausu fyrir mig. Líklega hafa þeir ekki efni á að halda sendunum sínum úti.  Það hefur margt gott komið frá skjá einum án þess að neitt gott sé á honum. Þar hefur mörgum góðum þáttum og þáttahugmyndum verið ungað út, sem svo aðrar stöðvar hafa þróað frekar og gert að dagskrárefni. Egill Helga er þar einn, Fóstbræðraþættirnir, popppunktur, Sylvía Nótt og fl.  Að því leyti er missir af fyrirbrigðinu þótt ég horfi aldrei á það.  Skjárinn hefur því óbeint aauðgað sjónvarpsefnið og minnkað einsleitnina. Nauðsynleg deigla.

Frekar keypti ég Varðturninn af vottum Jehóva á 2000 kall en að gerast áskrifandi.

[Ragnheiður Arna Magnúsdóttir (IP-tala skráð) 22.10.2009 kl. 19:08]

Er ógeðslega fúl út í skjáinn.....Helvítis peningaplokk hingað og þangað...... Búin að fá nóg af sjónvarps okri! Ætla að gefa skít í þetta allt saman! 

[Ómar Ingi, 22.10.2009 kl. 20:44]

Þú hlýtur að geta séð hann óruglaðan í hausnum á þér þegar þar að kemur

[ThoR-E, 22.10.2009 kl. 21:48]

Að hafa þessa hörmung sem þessi þáttur Lífsaugað er ... nægir eiginlega fyrir mig til að verða ekki áskrifandi af Skjá 1 þegar stöðin verður rugluð.

Horfði á smá bút af þessum þætti ... fékk bara kjánahroll mínútu eftir að ég byrjaði að horfa. Þvílík hörmung.. 

snilldar lýsingar hjá þér Jens ;)

Kveðja

[doddý, 22.10.2009 kl. 21:55]

já þetta er nú skemmtilegt. ég yrði afar góður gestur hjá þórhalli. í kringum mig eru 3 guðmundar, 5 stk kristínar og 7 guðrúnar (ef nánir fjölskylduvinir eru taldir með) og óteljandi jónar og jónur. allir á mismunandi aldri liðnir sem óliðnir. kv d

[Halla Rut , 23.10.2009 kl. 00:25]

Ég hugsa að ég kaupi skjáinn þó ekki væri fyrir það eitt að halda þessu gangandi með því að taka þátt.

Varðandi þáttinn með miðlinum þá get ég ekki einu sinni horft svo skammarlegt finnst mér þetta. Kannski fyndið og allt það en skömmin yfir aumingja trúgjarna fólkinu gerir útaf við mig.  Er eitthvað ljótara til en að níðast á söknuði fólks yfir látnum ættingjum þeirra? Ég bara spyr.

Sölvi er eitt það besta sem nokkur maður getur verið: sætur, dúlla, nægilega gáfaður, huggulega kurteis og smart "dresser".

PS: Þessi færsla er snilld. Ég og kallinn búin að veltast um af hlátri enda öskrar bóndinn upp yfir sig í hvert sinn er Þórhallur kemur á skjáinn: skipta, skipta, ég get ekki horft á þetta.

[ThoR-E, 23.10.2009 kl. 14:38]

Tek undir með Höllu.

Að misnota svona söknuð og sorg fólks sem hefur misst ástvin, er viðbjóðslegt.

Að svona fígúrur fái að koma í sjónvarp... tel ég vera ámælisvert.

[Hannes, 24.10.2009 kl. 21:01]

Ég mun ekki gerast ákrifandi af Skjá einum enda tími ég því ekki en myndi mun frekar vilja gerast áskrifandi af skjá einum en vera áskrifandi af yfir hálvita stöð íslands sem rænir alla landsmenn hvort sem þeir vilja eða ekki og er vernduð af þinginu,

[Jens Guð, 24.10.2009 kl. 23:19]

  Jóna Kolbrún,  þá er bara að skella sér á áskrift til að missa ekki af neinu.

[Jens Guð, 24.10.2009 kl. 23:28]

  Axel,  það þarf ekki drauga til að kannast við Guðmund,  Kristínu og Guðrúnu á miðilsfundi.  Við tveir eigum mörg sameiginleg skólasystkini sem bera þessi nöfn.  Á miðilsfundi koma þessi nöfn jafnan upp og þá yrðir þú að kannast við þín gömlu skólasystkini.  Miðillinn yrði ekki í vandræðum með að biðja þig fyrir skilaboð til þeirra.  Til dæmis frá (Benna) skólastjóra ykkar (okkar).  Eða gefa ykkur sameiginleg heilræði.  Eða bara segja:  "Takk kærlega fyrir það" og vinda sér síðan í að þú kannist við eitthvað tengt sjó eða sveit eða gamla góðlega konu.  Gamla konan er alltaf gráhærð og bakaði pönnukökur eða steikti kleinur.

[Jens Guð, 24.10.2009 kl. 23:30]

  Brjánn,  það er hægt að setja miða á bréfalúguna:  "Ekki Fréttablaðið".   Ég hef heyrt að það virki.

[Jens Guð, 24.10.2009 kl. 23:33]

  Gjagg,  miðilsfundir ganga út á að viðstaddir séu heimskir og trúgjarnir.  Þeim mun heimskari og trúgjarnari því betra.

[Jens Guð, 24.10.2009 kl. 23:50]

  Stefán,  General BíBí er aldrei ánægður nema hann geti bannað eitthvað.  Nema þegar hann kemst lélaga í hasarmynd með Bruce Willis.  Þá er kallinn ánægður.

[Jens Guð, 24.10.2009 kl. 23:52]

  Ásdís,  ég er bara skrýtinn.

[Jens Guð, 24.10.2009 kl. 23:54]

  Kristinn Gunnar,  þykir þér ekki gaman að horfa á dagskrárkynningar?  Þær eru samt miklu skemmtilegri en sjálf dagskráin.

[Jens Guð, 24.10.2009 kl. 23:59]

  Jón Steinar,  þetta er góður punktur hjá þér með að Skjár 1 hefur iðulega unnið gott frumkvöðlastarf í íslensku sjónvarpsefni.  Það ber að virða og þakka fyrir. 

  Grínblaðið Varðturninn er margra þúsund kalla virði.  Alveg sprenghlægilegt blað.

[Jens Guð, 25.10.2009 kl. 00:01]

  Ragnheiður Arna,  þá er bara að fá sér góða rokkplötu í staðinn.

[Jens Guð, 25.10.2009 kl. 00:02]

  Ómar Ingi,  það er svo mikið rugl í hausnum á mér að ég er ekki ennþá farinn að venjast því.  Kominn hátt ásextugsaldur.

[Jens Guð, 25.10.2009 kl. 00:03]

... á sextugsaldur... átti það að vera.

[Jens Guð, 25.10.2009 kl. 00:05]

  AceR,  kjánahrollurinn gerist ekki betri en undir  Lífsauganu.  Toppur.

[Jens Guð, 25.10.2009 kl. 00:07]

  Doddý,  það hjálpar verulega á miðilsfundi að kannast við Guðmund,  Guðrúnu og Kristínu.

[Jens Guð, 25.10.2009 kl. 00:11]

  Halla Rut,  Lífsaugað  er afbrigði af einelti.  Kjánar og einfeldningar eru dregnir sundur og saman í afhjúpun á heimsku þeirra og trúgirni.  Þetta er dáldið níðingslegt.

[Jens Guð, 25.10.2009 kl. 00:21]

  AceR,  ég tek undir með ykkur Höllu Rut.  Fyrir mörgum árum var ég með skrautskriftarnámskeið á Ísafirði.  Með mér í för var Guðmundur Rúnar Ásmundsson sem kenndi ofurminnistækni.

  Á leið vestur ræddum við um heimsku og trúgirni fórnarlamba miðilsfunda.  Á Ísafirði dvöldum við á heimavist menntaskólans.  Guðmundur ákvað að gera sprell.  Þegar við sátum í sjónvarpsholinu þóttist hann falla í trans og gerðist miðill.  Bullaði út og suður að hætti miðla.  ALLIR á heimavistinni keyptu bullið.

  Daginn eftir kallaði ungur maður Guðmund á eintal.  Bað hann um að setja upp miðilsfund heima hjá sér.  Faðir hans var nýdáinn.  Honum og mömmu hans langaði að heyra frá föðurnum.  Guðmundi var brugðið og sagði stráknum að halda sig frá miðilsfundum undir þessum kringumstæðum.

[Jens Guð, 25.10.2009 kl. 00:26]

  Hannes,  ég trúi því illa að þú borgir ekki glaður jeppann hans Páls Magnússonar,  rekstur á jeppanum og laun Páls sem tvöfölduðust við að Þorgerður Katrín breytti RÚV í einhverskonar hf. dæmi. 

[Hannes, 26.10.2009 kl. 00:26]

Jens ég hefði meiri áhuga á að sofa hjá ljótri mellu með HIV en borga Rúv og jeppan hans Pals og launin hans.