Hvernig fannst þér áramótaskaupið?

  Hvað segið þið um áramótaskaupið?  Mér þótti það ágætt.  Ekki það allra besta en samt ágætt. Hrifnastur var ég af stuttu bröndurunum: Þegar spurt var um kattatungur og starfsmaður vísaði á kjötborðið. Líka þegar spurt var í verslun um drullusokka og vísað á Landsbankann. Einnig þegar "Bjarni Ármanns" þakkaði þjóðinni árangur í maraþonhlaupi hlaupandi undan reiðri þjóð. Svo og þegar tölvupóstur var sendur á Alla Reynis = alli.r = allir@.  Að ógleymdu þegar fálkaorða fylgdi hverjum kassa af morgunkorni. 

  Ég veit ekki hversu snjallt var að leggja í skaupinu út af kvikmyndinni  The hangover.   Ég hef orðið var við að margir hafa ekki séð þá ágætu grínmynd og föttuðu því ekki tilvísanir í hana.  En fyrir þá sem hafa séð þessa mynd gaf það skaupinu tiltekna vídd. 

  Halldór Einarsson,  aðalhöfundur skaupsins,  þarf ekki að flýja land.  Þetta var ágætis skemmtun.  Hvað fannst þér?

  Smá upprifjun frá skaupinu í fyrra:

Árið kvatt með ljósum

Athugasemdir

[Gísli Foster Hjartarson, 1.1.2010 kl. 01:16]

Tek undir þetta með þér Jens þetta var fínasta skaup.

[Jóna Kolbrún Garðarsdóttir, 1.1.2010 kl. 02:14]

Hér á mínu heimili var hlegið að skaupinu, mér fannst það ágætt. 

[Billi bilaði, 1.1.2010 kl. 02:37]

Mun betra skaup en ég bjóst við. Örugglega á topp 10 lista, og jafnvel topp 5.

[hilmar jónsson, 1.1.2010 kl. 02:46]

Vá, eruð þið að djóka ?

[Siggi Lee Lewis, 1.1.2010 kl. 02:56]

Ég þarf að sjá þetta skaup aftur til að ná því. Það er fyrir víst. Myndi helst vilja hafa Halldór vin minn Einarsson mér við hlið til að útskýra í smáatriðum hvert atriði fyrir sig. Ég er ekki að setja út á það (ennþá). Ég er eindaldlega að segja, ég vill sjá það aftur, með útskýringum.

Ég vil taka það skýrt fram, að ég var ekki undir nokkrum kringumstæðum ölvaður er skaupið fór fram, en er það hins vegar þegar ég skrifa þetta.

[Albert Ólafur Þorleifsson (IP-tala skráð) 1.1.2010 kl. 03:44]

Hefur það ekki gerst áður, Jerry/Siggi?

[Kolbrún Bára (IP-tala skráð) 1.1.2010 kl. 04:10]

Gleðilegt ár, Jens Kristján minn.

Mér fannst Steingrímur bestur. Hann var eitthvað svo innilega óheimsborgaralegur, auðtrúa og hrekklaus.   Samþykkti allt í barnslegri einlægni og gerði bara það sem  honum fyrirskipað, með sínum frumstæðu aðferðum.

[Siggi Lee Lewis, 1.1.2010 kl. 04:14]

Aldrey gerst áður, Sven Ingvars / Berti

[Helga Kristjánsdóttir, 1.1.2010 kl. 09:26]

Besta skaup í mörg ár,sammála þér Jens,síðan skot Evu Joly á Angelinu Joly og K.S.Í. remburnar,sem voru búnir að eyða nóg í þessar kellingar.   Oftast hefur mér fundist það betra,þegar ég horfi á það aftur,svo ég get haldið annan í skaupi.

[Jens Guð, 1.1.2010 kl. 11:32]

  Gísli Foster,  takk fyrir það.  Við höfum þá líkan húmor.

[Jens Guð, 1.1.2010 kl. 11:38]

  Jóna Kolbrún,  ég hló einnig.  Það er góðs viti.

[Fjarki , 1.1.2010 kl. 11:39]

Stórgott Skaup mikið hlegið á mínu heimili. Föst og góð skot á útrásarliðið og stjórnvöld. Mörg ný andlit í leikara liðinu sem mér fannst frískandi, unga fólkið stóð sig vel, sammála með stuttu búðarbrandarana.

[Jens Guð, 1.1.2010 kl. 11:41]

  Billi,  ég er sammála þér með að þetta skaup er í það minnsta inni á Topp 10.  Veit ekki með Topp 5.  En alla vega Topp 10.

[Jens Guð, 1.1.2010 kl. 11:43]

  Hilmar,  nei,  við erum ekki að djóka.  Djókið var í áramótaskaupinu.  Mikið djók.  Mikið gaman.

[Theódór Gunnarsson, 1.1.2010 kl. 11:54]

Mér fannst þetta alveg glimrandi skaup.  Satt að segja er ég venjulega ekki sérlega hrifinn af skaupinu, en í þetta sinn var það að mínu mati frábært, enda úr miklu að moða að þessu sinni.

[Offari, 1.1.2010 kl. 12:53]

Mér fannst skaupið gott. og það skemmtilegasta við það var að endirinn (þegar útrásarhyskið var sett í fangaflutningabílinn) gaf manni pínu bjartsýni inn í nýtt ár.

[hilmar jónsson, 1.1.2010 kl. 13:47]

Mér fannst staupið gott, en skaupið afleitt.

[Þorsteinn Sverrisson, 1.1.2010 kl. 13:53]

Fannst það með betra móti. Góðir brandarar eins og þú nefnir. KSÍ hefur ekki efni á að styrkja kvennalandsliðið því þeir eru búnir að eyða svo miku í kerlingar :)
Það má samt segja að það hafi verið beittara en oft áður - ekki að ófyrirsynju !

[Grefillinn Sjálfur - Koma svo! (IP-tala skráð) 1.1.2010 kl. 14:16]

Skaupið var frábært að mínu mati og hvert atriðið öðru betra. Lýsti þjóðarsálinni vel og hvernig fólk almennt sér umliðið ár í spéspegli. Upphafsumgjörðin þegar útrásarliðið var að rumska með timburmennina á Bessastöðum var mjög fyndið og vel til fundið.

Fyndnustu einstöku atriðin þóttu mér bölsýnir Sigmundar eltihrellis, Sigurjón með Icesave-bleijuna, þegar Bubbi gaf Bjarna á kjaftinn, þegar Addi Kitta Gauj sprakk í Kryddsíldinni og flaug út um gluggann og þegar tölvupósturinn var sendur á [e-mail]. Einnig fanst mér atriðið þegar Bjarni Haukur ætlaði að hífa upp um sig útrásarbuxurnar en rotaði sig á borðbrúninni mjög fyndið.

Sigmundur Ernir og Margrét Tryggvadóttir fengu það óþvegið túlkun frábærra leikara, en annars fannst mér nánast allir leikarar fara á kostum í litlum og stærri hlutverkum.

Tónlistin og hljóðvinnslan öll var vönduð, lög vel valin og textar góðir, leikstjórnin hnökralaus og klippingin mjög góð.

Skaupið hefði mátt vera aðeins lengra. Saknaði þess helst að Bjarni Ben skyldi ekki fá eins og eina gusu og svo kom Davíð lítið við sögu aldrei þessu vant nema í skírskotun. Reyndar slapp Sjálfstæðisflokkurinn og hans fylgdarfólk aðeins of vel frá þessu að mínu mati enda endalaust hægt að gera grín að tvískinnungnum á þeim bæ.

[Ómar Ingi, 1.1.2010 kl. 15:34]

Gleðilegt ár Jens . Kærar kveðjur.

Skaupið var þolanlegt miðað við hvað þessi ósiður RUV kostar okkur öll.

[Magnús Geir Guðmundsson, 1.1.2010 kl. 15:54]

Gleðilegt ár Jens Kristján afi ársins 2009!

Skellti ansi oft upp úr í gærkveldi, broddur í þessu, en sumir fengu jú meira en aðrir, eins og bent er á hér að ofan, en erfitt að gera mikið grín úr húmorsleysi eins og t.d. einkennir BB! En Ómar INgi, ekki vera svona neikvæður drengur!

[Brattur, 1.1.2010 kl. 16:01]

Fínt skaup... fannst leikarinn ná Sigmundi Davíð "kallabarninu" frábærlega... gott atriði þegar hann söng "Þið munið öll, þið munið öll... deyja"....

[þorsteinn (IP-tala skráð) 1.1.2010 kl. 17:05]

Fínt skaup, beitt, og þeir fengu það óþvegið sem áttu það inni. Þarna var Sigmundi Erni rétt líst. Fullt af þessu fólki sem er í hæstu embættum landsins er svo sem sama úr hvaða vík það rær.

Gleðilegt ár.

kv. þorsteinn

[Ragnhildur H. (IP-tala skráð) 1.1.2010 kl. 18:13]

 Mer fannst þetta skaup það albesta i langann tima og hver fá sitt við hæfi , an þess þó að nokkur væri nyddur niður eins og stundum ! Þið hin eruð buin að telja svo margt upp að litlu er við að bæta  , nema bláu blöðrunni  !!! sem var ekki hægt að troða undir Teppið , sem er nu trulega BJARNI BEN sem veit ekki hvar hann á að vera og svo Davið sem alltaf skytur upp allstaðar , með nefið niður i öllu !!!!   Svo endirinn , ju það var farið með gaurana i löggubilnum og HER VAR ALLT I LAGI , þó vitleysan endalausa væri byrjuð aftur  !!!!!!!!!!!!  sem sagt ekki nóg að gamla drasið se sent burt ef að nytt heldur áfram á sömu braut , alveg eins ,!!  og endirinn finnst mer margir hafa misskilið , enda bara  min skoðun  En þetta verður endurtekið annaðkvöld , eftir frettir og þá er tilvalið að skilja og skoða betur !!!

[Lísa Gestsdóttir (IP-tala skráð) 1.1.2010 kl. 20:03]

Þetta var beitt og mjög skemmtilegt skaup. Tek undir að nýju leikararnir stóðu sig afbragðs vel :)

[Guðmundur Brynjólfsson (IP-tala skráð) 1.1.2010 kl. 21:09]

Gleðilegt ár félagi Jens!

Þetta var topp skaup! Með þeim betri, djúpur húmor í bland við stutt einföld atriði. Góður leikur og flott handrit!

Ljóti hálfvitinn Sævar Sigurgeirsson var stjarna kvöldsins sem Sigmundur Ernir!

Bestu kveður,

[Hulda Haraldsdóttir, 1.1.2010 kl. 21:50]

Gleðilegt nýtt ár kæri Jens, varðandi skaupið þá held ég nú að það hafi verið nánast ógjörningur að klúðra því þetta árið því efniviðurinn hefur aldrei verið eins mikill og góður eins og nú

[Jens Guð, 2.1.2010 kl. 00:58]

  Siggi Lee,  það er hægt að sjá skaupið aftur á www.ruv.is.

[Jens Guð, 2.1.2010 kl. 01:33]

  Albert,  ertu á landinu?

[Baldur Hermannsson, 2.1.2010 kl. 01:51]

Gott skaup, beitt og vel leikið, vel leikstýrt, öll atriði hnyttin og hæfilega klippt og skorin. Gott að losna við lopapeysuhúmor spaugstofunnar.

[Hrönn Sigurðardóttir, 2.1.2010 kl. 09:41]

Mér fannst skaupið ekkert spes í fyrsta sinn sem ég horfði á það - en það er ekki alveg að marka. Mér finnst ekkert spes á gamlársdag.

Svo horfði ég á það aftur á nýársmorgun og skellihló! Aftur og aftur. Þeir voru meiriháttar allir litlu brandararnir, eins og t.d. með berjatínurnar og "já, ómögulega eða nei, ómögulega?" Ég er sammála þér um tilvísunina í Hangover ég er ekki búin að sjá þá mynd en áttaði mig þó á tilvísuninni um að partýið væri búið. 

[Jens Guð, 2.1.2010 kl. 13:49]

  Kolbrún Bára,  bestu óskir um gleðilegt nýtt ár.  Steingrímur var ansi broslegur í skaupinu. 

[Sigurbjörg Sigurðardóttir, 2.1.2010 kl. 16:47]

Horfði á annað,uppps gleymdi því ,en ætla að sjá það endursýnt í kvöld19,40.Gleðilegt og vonandi betra ár.

[Jens Guð, 2.1.2010 kl. 18:12]

   Helga, rétt í þessu var ég að lesa völvuspá DV. Þar er því spáð að áramótaskaupið muni algjörlega misheppnast.  Annað hvort berum við ekki skynbragð á vel eða illa heppnað skaup;  eða þá að völvu DV hefur brugðist bogalistin hvað skaupið varðar. 

[Jóhanna Magnúsdóttir, 2.1.2010 kl. 19:36]

Brilljant skaup!

[Jens Guð, 2.1.2010 kl. 21:06]

  Fjarki,  ég er þér sammála með að það frískaði upp á skaupið hvað mörg ný andlit voru í leikarahópnum.  Í heild tóks vel með leikaravalið.

[Sigurbjörg Eiríksdóttir, 2.1.2010 kl. 22:21]

Með því besta sem ég hef séð!

[Jens Guð, 3.1.2010 kl. 21:44]

  Theódór,  það sama segi ég.  Yfirleitt veldur skaupið vonbrigðum.  En ekki núna.

[Jens Guð, 3.1.2010 kl. 21:45]

  Offari,  vonandi var það atriði óskhyggja sem rætist.

[Jens Guð, 3.1.2010 kl. 21:46]

  Hilmar (#17),  þetta með blessað staupið skýrir margt.

[Jens Guð, 3.1.2010 kl. 21:49]

  Þorsteinn,  það er rétt að höfundar skaupsins leyfðu sér að ganga langt.  Til að mynda þetta með Björgúlf og kókið.  Aðrir fjölmiðlar hafa aldrei þorað að nefna það.

[Birna Dis Vilbertsdóttir (IP-tala skráð) 3.1.2010 kl. 22:58]

Skaupið var frábært.Gleðilegt nýtt ár

[SeeingRed, 3.1.2010 kl. 23:25]

Mér leist ekki á blikuna til að byrja með, en þegar upp var staðið var þetta frábært skaup, hárbeitt eins og þau eiga að vera og ýmsir fengu það verðskuldað óþvegið.

[Jens Guð, 3.1.2010 kl. 23:30]

  Bergur,  skaupið er áreiðanlega bundið við einhverja tiltekna tímalengd.  Atriðin sem þú telur upp voru ljómandi góð.

[Gunnar Helgi Eysteinsson, 4.1.2010 kl. 00:06]

Mér fannst skaupið allt í lagi... 3 ***

[Halldór E. Högurður? (IP-tala skráð) 4.1.2010 kl. 02:41]

Aðalhöfundur skaupsins? Meira svona besti vinur aðal.

Þetta var allt unnið mjög svo jafnt ef einhverjir voru aðal þá eru það Gunnar leikstjóri og Ottó ritstjóri.

Það var eftir þér bannsettum hrekkjalómnum að spila á nú þegar alltof stórt egó mitt.

[Jens Guð, 4.1.2010 kl. 07:43]

  Ómar Ingi,  gleðilegt ár og þakkir fyrir samskiptin á liðnum árum.

[Jens Guð, 4.1.2010 kl. 07:50]

  Magnús Geir,  gleðilegt ár og þakkir fyrir samskipti sem ná aftur til þess tíma er þú varst blaðamaður á Tímanum.  Ég geri ekki athugasemd við það þó brandarar og háð í áramótaskaupinu mismuni viðfangsefninu.  Sumir fá vissulega stærri sneið af gríni um sig en aðrir.  Ég er viss um að miklu fleiri "sketsar" séu filmaðir en þeir sem hafna í endanlegri útgáfu af skaupinu.  Þar má ætla að fyndni "sketsanna" ráði meiru en að hverjum háðið snýr. 

[Jens Guð, 4.1.2010 kl. 07:52]

  Brattur,  það var einn af þessum fersku vinklum þegar "Sigmundur Davíð" fór að syngja "Þið munið deyja!"

[Ingibjörg Hinriksdóttir, 4.1.2010 kl. 08:28]

Mér fannst skaupið með því betra og fer það klárlega á topp 10 listann. Mörg atriði voru mjög fyndin og hafa nokkur þeirra verið nefnd hér en atriðin úr Krónunni voru hvert öðru betra!

[Jens Guð, 4.1.2010 kl. 11:21]

  Þorsteinn,  gleðilegt ár.  Skaupið var skemmtilega beitt á köflum.

[Jens Guð, 4.1.2010 kl. 11:23]

  Ragnhildur,  það er líka hægt að sjá skaupið á www.ruv.is.

[Jens Guð, 4.1.2010 kl. 11:57]

  Lísa,  ég kvitta undir hvert orð hjá þér.

[Jens Guð, 4.1.2010 kl. 12:00]

  Heill og sæll,  Guðmundur,  gleðilegt ár og þakkir fyrir eldri samskipti.  Þeim er margt til lista lagt,  þessum ljótu hálvitum.  Það veit á gott þegar leikhúsfræðingur og margverðlaunaður rithöfundur vottar gæði skaupsins. 

[Jens Guð, 4.1.2010 kl. 12:27]

  Hulda mín kæra,  gleðilegt ár og takk fyrir fyrri tíð.  Það er rétt hjá þér að hráefnið var til staðar og af nógu að taka.

[Jens Guð, 4.1.2010 kl. 12:29]

  Baldur,  það var ein ástæða þess að skaupið virkaði ferskt hvað margir óþekktir leikarar voru dregnir upp á dekk.

[Jens Guð, 4.1.2010 kl. 15:38]

  Hrönn,  það er oft þannig með sjónvarpsþætti sem samanstanda af mörgum litlum "sketsum" að manni hættir til að gleyma sumum smábröndurum um leið og þættinum lýkur.  Þá kemur sér vel að geta kíkt á þáttinn aftur.

[Jens Guð, 4.1.2010 kl. 15:38]

  Sigurbjörg,  gleðilegt og miklu betra ár.

[Jens Guð, 4.1.2010 kl. 15:41]

  Jóhanna og Sigurbjörg Eiríksdóttir,  það er gaman hvað flestir eru sáttir við skaupið í ár.

[Jens Guð, 4.1.2010 kl. 15:43]

  Birna Dís,  gleðilegt ár!

  Seeing Red,  ég er sammála þér með að skaupið lofaði ekki góðu þegar það hófst á The Hangover atriði. En síðan hrökk það bærilega í gang.

[Jens Guð, 4.1.2010 kl. 15:45]

  Gunnar Helgi,  minnsta kosti 3 1/2 ef ekki 4 stjörnur af 5.  Vegna þess að þú ert búsettur erlendis er líklegt að einhverjir fletir úr atburðum hér heima hafi ekki komist til skila á þínu heimili.

[Jens Guð, 4.1.2010 kl. 15:49]

  Halldór,  ég veit að þú tekur ekki eftir því sjálfur en þú stelur alltaf senunni þar sem þú ert saman kominn.

[Jens Guð, 4.1.2010 kl. 15:51]

  Ingibjörg,  ég er þér sammála með Topp 10.