Fróðlegt og hjálplegt húðflúr

  1972 ákvað ég að fá mér húðflúr.  Það var ekki eftir neinu að bíða.  Ég brá við skjótt og skellti mér í Tattú & skart í dag og fékk mér húðflúr.  Ég hef oft heyrt talað um að það sér rosalega sársaukafullt þegar húðflúrið er skrapað ofan í húðina.  Mér er lítið um sársauka gefið og hugleiddi að laumast til að bera á mig staðdeyfandi krem áður en mætti yrði á svæðið.  En gleymdi því.  Var eitthvað annars hugar.  Sem betur fer.  Svanur húðflúrari tjáði mér að staðdeyfiefni eyðileggi æskilegt viðnám húðarinnar þegar verið er að húðflúra.  Þar fyrir utan var aðgerðin alls ekki sársaukafull.  Þvert á móti var hún notaleg.  Þetta var eins og nett og gott krafs eða klór.

  Ég er staðráðinn í að fá mér fleiri húðflúr.  Það er svo assgoti gott.  Að þessu sinni lét ég húðflúra yfir allan hægri framhandlegginn landakort af Færeyjum.  Það smellpassaði hæð og lengd og mun auðvelda ferðalög mín um Færeyjar í framtíðinni.  Þá þarf ég ekki annað en bretta upp ermi til að sjá hvar ég er staddur og hvert skal næst halda. 

  Svo heppilega vildi til að Svanur húðflúrari bjó í Færeyjum á áttunda áratugnum og var því á heimaslóðum þegar hann skellti á mig landakortinu.

  Næsta húðflúr verður á vinstri handlegg.  Það verður mynd af rennilás.  Hjálpið mér að finna einfalda grafíska mynd af rennilás.

Athugasemdir

[Sigurgeir T. Höskuldsson (IP-tala skráð) 4.7.2009 kl. 04:15]

Sæll Jens. Ertu til í að hitta mig vegna húðflúrs þíns á næstu dögum? Þú velur staðinn, ég býð.

[Vilhjálmur Örn Vilhjálmsson, 4.7.2009 kl. 06:06]

Ég þekki mann sem er með svona húðflúr af Færeyjum. Hann fékk afslátt, því hann var með krabbameinsbletti þar sem litli Dímun og Stóri Dímun átti að vera.

[Siggi Lee Lewis, 4.7.2009 kl. 12:34]

Ánægrður með kallinn. Er þetta ekki málið?   http://z.about.com/d/tattoo/1/0/x/l/1/mamey09.jpg

[Jens Guð, 4.7.2009 kl. 14:00]

  Sigurgeir,  það er ekkert mál.  Hringdu bara í mig í næstu viku.  Þú finnur númerið í www.ja.is.  Í augnablikinu er húðflúrið innsiglað undir plastfilmu og vökvi blandaður húðflúrlitunum flýtur á milli.  Af því að þetta er fyrsta húðflúrið mitt þá kann ég ekki á ferlið.  En ég ætla að húðflúrið verði orðið gott og glæsilegt fljótlega eftir helgi.

[Jens Guð, 4.7.2009 kl. 14:07]

  Vilhjálmur,  ég var ekki jafn heppinn með það. 

[Jens Guð, 4.7.2009 kl. 14:08]

  Siggi,  takk fyrir myndina.  Það er einmitt eitthvað svona sem ég var að leita að.

[Axel Jóhann Hallgrímsson, 5.7.2009 kl. 11:50]

Jens, bara  leita að "zipper tattoo" á Google, þá er það komið.

[Hannes, 5.7.2009 kl. 18:51]

haha Skemmtilegt Tattoo. Það væri fróðlegt að sjá það við tækifæri.

[Jens Guð, 6.7.2009 kl. 01:47]

  Axel,  takk fyrir ábendinguna.  Ég "gúglaði" þetta og fékk margar hugmyndir.

[Jens Guð, 6.7.2009 kl. 01:48]

  Hannes,  ertu að vinna í Skipholtinu á morgun? 

[Hannes, 6.7.2009 kl. 01:51]

Ég kem ekkert þar nálagt en get hringt í þig á morgun er með númerið. Verð eitthvað á ferðinni.