Færeyskt dagblað í eigu Íslendinga

 

   Það er pínulítið gaman að færeyska dagblaðið Dimmalætting sé komið í eigu Íslendinga.  Og þó.  Lengi vel var Dimmalætting aðal dagblaðið í Færeyjum.  Alvarlegt,  íhaldsamt og virðulegt dagblað sem studdi og styður að Færeyjar séu hluti af danska sambandsveldinu.  Svokallað sambandsblað.  Að mörgu leyti færeyski Mogginn.  Haus blaðsins er meira að segja skrifaður með líkri gotneskri skrautskriftarleturgerð og haus Morgunblaðsins.  Dimmalætting hefur komið út síðan 1800-og-eitthvað.

  Lengst af var Dimmalætting í broti sem er tvöfalt stærra en íslensku dagblöðin.  Svipaði þannig til margra evrópskra stórblaða.  Nafnið Dimmalætting þýðir = dimmu léttir = árblik/morgunskíma.  

  Annað dagblað í Færeyjum,  Sósíalurin,  hefur sótt í sig veðrið og er nú vinsælasta blaðið í Færeyjum.  Nafn þess má túlka sem Alþýðublaðið eða Almenningur.  Það er "óháð".  Það er að segja í eigu starfsmanna og ótengt pólitískri hreyfingu.  Blaðamenn eru samt flestir sjálfstæðissinnar.  Hallast að aðskilnaði frá danska sambandsríkinu.  En gera blaðið ekki út á harða pólitík í þá átt.  Er meira upptekið af léttum fréttaflutningi og sinnir vel dægurmálum.  Umfjöllun um músík,  leiklist,  íþróttum og þess háttar.  

  Sósíalurin sér meðal annars um netmiðilana www.portal.fo og www.planet.fo og rekur poppmúsíkurstöðina Rás 2.  Aðrar útvarpsstöðvar í Færeyjum eru ríkisútvarpið og kristilega stöðin Lindin.  Rás 2 er nokkurs konar Effemm957.  Mig minnir að www.portal.fo sé í eigu færeyska símafélagsins fremur en færeyska útvarpsins þó fréttirnar séu skrifaðar af blaðamönnum Sísíalsins.  Er samt ekki alveg viss.

 Ég les alltaf Dimmalætting og hef sérlega gaman að teiknimyndaskrýtlum Ferdinands.  Þær eru svo ófyndnar að undrun vekur. 

  

  

Dimmalætting í íslenska eigu

Athugasemdir

[Helga Kristjánsdóttir, 15.1.2010 kl. 00:40]

Hvað vilja Íslendingar upp á dekk í Færeyjum?

[Jens Guð, 15.1.2010 kl. 00:52]

  Helga,  Íslendingar hafa verið dálítið að troðast upp á dekk í Færeyjum:  Bónus,  Eimskip,  Kaupþing,  Shell...

[Helga Kristjánsdóttir, 15.1.2010 kl. 01:47]

Var búin að gleyma að Bónus er þar,  öll rásin.

[Hrönn Sigurðardóttir, 15.1.2010 kl. 18:57]

....en hvað er með DAS? Af hverju er allur texti þar á færeysku? Var kannski skipt á sléttu? Fengu þeir DAS fyrir Dimmalætting? Ég lagði ekki í að spyrja þar þegar ég hringdi þangað í morgun en ég legg alveg í að spyrja þig....

....enda á ég engra hagsmuna að gæta hér.

[Siggi Lee Lewis, 15.1.2010 kl. 20:30]

Ég veit þú kemur, hefur alltaf verið frekar ömurlegt lag......þangað til Eivör tók það. Þá þaut það úr 3/10 klassa upp í 9/10.

[Jens Guð, 15.1.2010 kl. 22:41]

  Hrönn,  Færeyingar kaupa svo mikið af happdrættismiðum DAS.  Færeyingarnir eru það fjölmennur kaupendahópur að vinningsskrá DAS er birt í færeysku dagblöðunum.

[Hrönn Sigurðardóttir, 15.1.2010 kl. 22:48]

aha.......... Af hverju kaupa þeir bara DAS? Af hverju ekki SIBS eða HHI?

[Jens Guð, 15.1.2010 kl. 22:49]

  Siggi Lee,  þetta er gamalt þjóðhátíðarlag.  Flott lag og flottur texti sem fjallar um tilurð verksins.  Ellý Vilhjálms fór vel með lagið á sínum tíma.  En þar fyrir utan verður allt að gulli sem færeyska álfadísin snertir.

[Jens Guð, 15.1.2010 kl. 23:37]

  Hrönn,  á sjöunda áratugnum stunduðu hundruð Færeyinga sjómennsku á Íslandi.  Margir þeirra eignuðust börn hér og sumir giftust íslenskum konum.  Enn í dag eiga færeyskir sjómenn mikil samskipti við Íslendinga.  Í Reykjavík er rekið hótelið Færeyska sjómannaheimilið. 

  DAS er skammstöfun á Dvalarheimili aldraðra sjómanna.  Íslenskir og færeyskir sjómenn kaupa happdrættismiða DAS.  Svo hefur þetta undið svona hressilega upp á sig. 

[Siggi Lee Lewis, 16.1.2010 kl. 02:59]

Ellý Villhjálms er besta söngkona í sögu Evrópu. Skiptir engu máli varðandi lagsins "Égveit þú kemur"

Það lag er best í flutnirningi Eivörar.

[Jóhann Tryggvason (IP-tala skráð) 18.1.2010 kl. 14:48]

ég hef viljað þýða nafnið sem Afturelding

kv Jói

[Jens Guð, 18.1.2010 kl. 18:44]

  Siggi Lee,  hún var rosa flott.

[Jens Guð, 18.1.2010 kl. 18:47]

  Jóhann,  það er góð þýðing.  Í gamla daga var gefið út hérlendis blað sem hét Afturelding.  Mig minnir að það hafi síðan sameinast blaði sem hét Ísafold.