Ný mynd af Jesú

  Það hafa ekki margar myndir náðst af Jesú frá Arabíu,  söguhetju Nýja testamentisins.  Sumar af þekktustu myndum af kappanum eru sannanlega falsaðar.  Jafnvel þó aðrir telji manninn á myndunum vera sláandi líkan fyrirmyndinni.  Á föstudaginn langa gerðust þau undur og stórmerki í Bretlandi að nákvæm andlitsmynd af Jesú þessum birtist í tyggjóklessu:

  Fyrir óvana er ráð að píra augu þangað til rétt glittir í tyggjóklessuna.  Síðan skal bakka aftur á bak þangað til andlitsfallið í klessunni er farið að líkjast Jesú.   

  Til samanburðar er hér fyrir neðan mynd sem fræðimenn telja gefa betri vísbendingu um útlit Jesú en tyggjóklessan.  Fjölskyldusvipurinn leynir sér ekki.  

Athugasemdir

[Grefillinn Sjálfur - Koma svo! (IP-tala skráð) 9.4.2010 kl. 12:22]

Ég sé andlitsmyndina í tyggjóinu, en sýnist þetta vera í raun Mickey Rourke í The Wrestler.

Getur verið að hann hafi dottið á tyggjóklessuna?

[Axel Jóhann Hallgrímsson, 9.4.2010 kl. 12:43]

Þetta er Jesú ekki spurning, hver hefur, í gegnum tíðina, verið meira á milli tannanna á fólki en hann blessaður.

[DoctorE (IP-tala skráð) 9.4.2010 kl. 13:09]

Jesú er tyggjóklessa...

[Jens Guð, 9.4.2010 kl. 15:33]

  Grefill,  hvort sem þarna má greina andlitsdrætti Mickeys eða Jesú er umhugsunarvert hvers vegna andlitið birtist svona greinilega í tyggjóklessu.  Kannski er það rétt hjá þér að Mickey hafi dottið á klessuna.  Eða einhver annar hafi dottið.  Og ekkert endilega á klessuna.

[Jens Guð, 9.4.2010 kl. 15:34]

  Axel,  þetta eru góð rök hjá þér.  Ég hef einmitt orðið var við það í bloggheimum að fjöldinn sækir í að japla á Jesú og félögum.

[Jens Guð, 9.4.2010 kl. 15:35]

  DoctorE,  í þessu tilfelli virðist svo vera.

[Arnar M (IP-tala skráð) 9.4.2010 kl. 16:01]

Hérna er gott dæmi um kikklun

http://www.youtube.com/watch?v=cAIKw22JC7k

[Ómar Ingi, 9.4.2010 kl. 19:02]

Sumt fólk á meira bágt en annað fólk Jensi minn.

[Grefillinn Sjálfur - Koma svo! (IP-tala skráð) 9.4.2010 kl. 20:33]

Ég datt einu sinni á tyggjóklessu en man ekki eftir að það hafi komið andlit á hana. Er þessi klessa frá Wrigley?

[Jens Guð, 9.4.2010 kl. 21:30]

  Arnar,  takk fyrir hlekkinn. Penn og Teller eru jarðtengdir.

[Jens Guð, 9.4.2010 kl. 21:35]

  Ómar Ingi,  svo sannarlega.  Góðu fréttirnar eru að sumir sem eiga bágast hafa ekki hugmynd um það. 

[Jens Guð, 9.4.2010 kl. 21:36]

  Grefill,  ég veit ekki hvaða tegund tyggjóklessan er.  Við getum útilokað kennaratyggjó.  Held ég. 

[Sigurbjörn Sveinsson, 9.4.2010 kl. 22:12]

Auðvitað er þetta bara tyggjó. Ég þarf engar myndir af Jesú. Hann gæti mín vegna hafa verið smávaxinn og snimma skölllótur eins og Egill. En allavega ekki eins baldinn. Nema þegar hann velti borðum útrásarvíkinganna í musterinu og rak þá út.

Sumir menn þurfa að styðjast við sjónræna upplifun. Eru etv. "lesblindir" á Jesú að öðru leyti. 

Í lagi mín vegna. 

[Jens Guð, 9.4.2010 kl. 23:44]

  Sigurbjörn,  þetta er ekki "bara" tyggjó.  Þetta er frægasta tyggjóklessa heims.  Hún er á forsíðum stórblaða þvers og kruss um allan heim.  Líka í Kína.  Í einhverri lýsingu á Jesú er hann sagður hafa verið ófríður.  Á neðri ljósmyndinni er hann glettilega líkur Þjóðverja sem ég kannast við.  Sá nýtur kvenhylli.

[Sigurbjörn Sveinsson, 10.4.2010 kl. 00:18]

Hættu þessu Jens. Þú ert bara að grínast. Er þessi Þjóðverju frændi þinn?

[Jens Guð, 10.4.2010 kl. 00:39]

  Sigurbjörn,  það má vera að Þjóðverjinn sé frændi minn.  Ég veit ekki til þess.  Hann nýtur kvenhylli.  Þannig að það er samt ekki ósennilegt.