Af hverju er Geir svona hræddur við Davíð?

  Fæddur og uppalinn í sveit kannast ég við svipinn á lúbörðum hundum.  Þeir bera höfuð lágt og gjóa augum hræðslulega upp á við.  Þessi svipbrigði birtast á Geir Haaarde þegar minnst er á Davíð Oddsson.  Þetta vekur spurningu:  Hvers vegna er Geir svona hræddur við Davíð?  Í skýrslu rannsóknarnefndar Alþingis kemur ítrekað fram hvað Geir var hræddur við Davíð.  Meðal annars er haft eftir Davíð sjálfum að Geir hafi skolfið eins og lauf í vindi og ekkert vitað hvað hann átti eða mátti gera.

  Þetta er ekki eðlilegt.  Geir var formaður Sjálfstæðisflokksins og forsætisráðherra.  Geir var sá sem valdið hafði í raun.  Af hverju var hann þá eins og lúbarinn hundur í samskiptum við óhæfan bankastjóra Seðlabankans? 

  Ég er ekki nógu vel að mér í sálfræðinni sem snýr að heimilisofbeldi.  DOddsson hefur sagt frá því að hann notaði sérstaka aðferð til að tukta nemendur í,  ja,  var það ekki Verslunarskólanum?  DOddsson sló þá eldsnöggt í höfuðið með priki eða reglustriku.  Þá limpuðust ódælir nemendur niður.  Einhvernvegin á ég erfitt með að trúa því að DOddsson hafi lamið Geir með priki.  Ég held að hann hafi ekki einu sinni þurft að sparka í Geir til að framkalla þessa hræðslu og ráðaleysi.  Ráðaleysið er Geir sennilega í blóð borið.  Það er spurning með þessa ofurhræðslu við DOddsson.  

  Ekki voru kúlúlánadrottningin,  Þorgerður Katrín,  varaformaður Sjálfstæðisflokksins,  og Tryggvi Þór Herbertsson,  sérlegur efnahagsráðgjafi Geirs,  hrædd við DOddsson.  Þrátt fyrir tryllingskastið sem DOddsson tók á Tryggva.  Ég veit að gamla pönkarnum,  Tryggvi Þór,  hefur fremur þótt kast DOddssonar fyndið og súrrealískt.  Dáldið pönk.

   Verra er að í skýrslunni er haft eftir DOddssyni að Geir sé "idót".  Það er virkilega osmekklegt.  DOddsson hefur gott vald á íslensku máli þegar hann vill svo við hafa.  Það fer honum ekki að nota svona útlendar slettur.  Íslenskan býður upp á mörg rammíslensk orð "sem gera sama gagn".

  

„Skynjuðu að dansinum var að ljúka“

Athugasemdir

[Hamarinn, 14.4.2010 kl. 00:32]

Sérðu ekki hárgreiðsluna á manninum?

[Jens Guð, 14.4.2010 kl. 00:40]

  Hamarinn,  jú,  Geir er aldrei með pönkkamb.  Hvorki bleikan né fjólubláan.  En ætti vitaskuld að vera með heiðbláan móhíkanakamb.

[Predikarinn - Cacoethes scribendi , 14.4.2010 kl. 00:57]

Það er greinilegt að þú þekkir lítt til Geirs Haarde. Hann er enginn veifiskati, nema síður sé.

Það hefur einnig komið fram í viðtölum við Tryggva þór Herbertsson, sem starfaði náið me Geir og einnig Davíð. Hann lýsti einmitt þessu sama og ég hér að Geir lætur hvorki Davíð né nokkurn annann segja sér fyrir verkum. Geir er hins vegar mikill mannsættir og diplómat og á auðvelt með að koma mönnum saman um ólík sjónarmioð ef með þasrf þannig aðmenn fari allir sáttir frá. Það dregur ekki úr því að hann er einnig mjög fastur fyrir þegar það á við. Þetta vita allir sem hafa í raun eitthvað fylgst með störfum þessara manna um margra ára skeið.

Þarna fellur þú á prófinu og verður að teljast gervifréttamaður, eða reyfarahöfundur í besta falli. Enginn verður þú Ari fróði í mínum huga eftir lestur þessa pistils þíns, enda mjög óraunsær og sýnir athylgisskort hjá þér og að þú slærð um þig með  upphrópunum og slagorðum í stað ígrundaðrar nðiurstöðu eftir skoðun á sannleikanum.

[Jens Guð, 14.4.2010 kl. 01:37]

  Predikarinn,  alveg skal ég glaður kaupa þína fréttaskýringu.  Mig langar til að kaupa hana.  Geir virkaði á tímabili sem góður fjármálaráðherra.  Hann var hógvær til orðs og æðis.  Brosmildur og ljúfur á svip.  Laumaði frá sér bröndurum á borð við að þegar hann fengi ekki sætustu stelpunni heim af ballinu næði hann í aðra sem gerði sama gagn. Léttur og hress.  

  Lýsing DOddssonar á honum er:   „Þarna situr forsætisráðherra frammi og skelfur eins og lauf í vindi og getur ekki tekið ákvörðun."

   Jú,  kannski ber þetta merki um mannasætti og diplómat.  Mann sem leiðir saman ólík sjónarmið þannig að allir fara sáttir frá borði.  Mann sem er fastur fyrir og hældi sér af því að aðgerðaleysi sitt væri búið að leysa þá efnahagskrísu íslensku þjóðarinnar sem var til umræðu í apríl 2008.

  Hannes Hólmsteinn lýsti Geir einmitt einhvernvegin á þennan hátt um þetta leyti.  

[Jens Guð, 14.4.2010 kl. 01:42]

http://www.youtube.com/watch?v=jYT5Ef0Xnjk&feature=related

[Helga Kristjánsdóttir, 14.4.2010 kl. 04:47]

Ég myndi halda að þar sem Geir var veikur hefði hann einhverjar áhyggjur,vitandi að því þyrfti að taka á,það hefði forgang,á sama tíma veit hann að I.S.G. er líka veik. Davíð var og er ekki óhæfur ,það voru vitleysingarnir sem keyptu sig inn íbankana,sem var ekki hægt að festa hendur á,búnir að heilaþvo flesta Íslendinga vegna eignarhalds á fjölmiðlum. Þetta vitið þið öll.  

[Jenný Stefanía Jensdóttir, 14.4.2010 kl. 05:10]

Hef reyndar velt þessu líka fyrir mér,  ekki bara gagnvart Geir heldur líka "hláturhjörðinni" sem hló taugaveiklislegum hlátri af álfabröndurum Davíðs, að ekki sé minnst á hræðsluna sem helltist yfir HHG, þegar hann bað Tíbet afsökunar í trássi við DO og heimsveldið Kína.

Þetta er svona "ræningjarnir þrír og Soffíu frænku" syndróm.

Annars til að gæta einhverrar sanngirni, þá skal upplýst, að nefndur DO kenndi undirritaðri "verslunarrétt" í Verzló seint á áttunda áratugnum, og var þá almennt talinn með skemmtilegustu kennurum, enda þá einn af Matthildingum, sem þóttu bara töffarar.  Sá hann aldrei lemja neinn með reglustiku, hann var fyrstur á lista yfir kennara sem þótti við hæfi að bjóða í partý fyrir nemendamót.  

Þessi ógnarhræðsla við "tryllta" reiði sem skjalfest hefur verið í skýrslunni, er sérstakt rannsóknarefni fyrir sálfræðinga.

[Stefán (IP-tala skráð) 14.4.2010 kl. 08:37]

Það er ekki að ástæðulausu, að Geir Haarde hefur gengið undir nafninu Geir gunga. Að auki er það fullyrt innan Sjálfstæðisflokksins, að Inga Jóna Þórðardóttir taki allar ákvarðanir fyrir karlinn, þ.e.a.s. þær fáu ákvarðanir sem hann þorir / þorði að framkvæma. Bláa höndin er víst landflótta núna og enginn er söknuðurinn og meira að segja snati ( Hannes Hólmsteinn ) þegir.

[Þorsteinn Briem, 14.4.2010 kl. 09:30]

Í losti var og lauf í vindi,
lásum um það níu bindi,
hjá sjöllum allt þar lék í lyndi,
að lemja Geir var Davíðs yndi.

[Ómar Bjarki Kristjánsson, 14.4.2010 kl. 10:06]

Jú, þetta er soldið skrítið og etv. hefði þurft að fylgja sérstaku sálfræðiviðauki með skýrslunni.

Þetta er sérstaklega athyglisvert ef haft er í huga að Geir talar alltaf um sig og kallin sem  mikla vini.

Eg veit það ekki - eg mundi ekkert vera ánægður með svona vini.

Haft er eftir einhverjum í skýrslunni a Davíð hafi kallað Geir "idíot" (Og þá oftar en einu sinni skilst manni)

En almennt um tryllingsköstin - þá virðist hann hafa notað þetta  sem stjórntæki - eða þ.e. að hann kom vilja sínum fram eða skoðunum sínum á framfæri svona, þ.e.a.s. með ofsareiði og trylingi en ekki með yfirveguðum orðum eða skynsamlegum  rökum.

Að vísu hef ég séð svipaðan stjórnunarstíl td. hjá verksjórum í frystihúsum (án gríns) og sumir segja að svipað  gerist stundum há skipstjórum útá sjó.

Kannski er þetta eitthvert þjóðarmein.  Tryllingsstjórnunarstíllinn.

[Andri (IP-tala skráð) 14.4.2010 kl. 11:16]

Mér þykir reyndar ekkert skrítið að sumir skelfi eins og hríslur og geti ekki tekið ákvörðun þegar svo mikið er í húfi.  Er að sigla þjóðarskútunni og hún er að sökkva.  Þá gerist margt skrítið.

[Prófessor Mambó (IP-tala skráð) 14.4.2010 kl. 11:27]

Í sálarfræðinni og geðlækningum hafa menn töluvert velt fyrir sér fyrirbærinu "hlýðni". Svo virðist vera sem Geir Haarde hafi verið öldungis ófær um að taka ákvarðanir sem skiptu einhverju máli. Hann velur því að gera ekkert eða fara eftir því sem aðrir segja honum að gera.

Geir Haarde er greindur og vel gerður maður. Hann býr yfir margvíslegum mannkostum sem njóta sín vel við sumar aðstæður en alls ekki allar.

Af hverju er Geir hræddur? Það skýrist af sálarlífi manna sem hafa búið við ofríki lengi eins og Geir. Um árabil var hann undir oki formannsins Davíðs. Davíð krafðist skilyrðislausrar hlýðni umfram allt annað. Þá er kona Geirs, Inga Jóna Þórðardóttir, skaphörð og ráðrík kona.

Geir hefur því verið undir hælnum á öðrum um langa hríð. Hegðun þeirra sem búa við ofríki breytist smám saman. Þeir verða viðhlæjendur og jámenn. Þeir spyrja; hvað vilt þú að ég geri? og taka síðan ákvörðun.

Á ögurstundu fyrir framan gamla formanninn sinn hugsar Geir fyrst og fremst um að styggja hann ekki. Annað víkur en samt hvelfist yfir hann efinn um að hann sé að gera rétt. Geir er hagfræðingur og hefur fengið ráðgjöf sem er þvert á vilja gamla formannsins. Hann fer að skjálfa og nötra af hræðslu. Hræðslu við að hlýða ekki og hræðslu við til hvers hlýðnin muni leiða.

[Guðjón Sigþór Jensson, 14.4.2010 kl. 11:34]

Margt er líkt með banakhruninu Íslandi 2008 og viðbrögðum viss stjórnmálamanns í atburðarásinni sem lýst er í þýsku heimildamyndinninni Der Untergang. Þó atburðir séu ekki sambærilegir þá er alveg ljóst að æðstu menn Sjálfstæðisflokksins vissi meira en aðrir. Þeir brugðust þjóðinni. Af hverju var blekkingunni um „góðærið“ haldið áfram í stað þess að bregðast strax við í ársbyrjun 2008?

Það streymdu þúsundir milljarða út úr bankakerfinu á þessu tímabili, margföld upphæð Icesave. Þetta var allt með vitneskju ráðamanna Sjálfstæðisflokksins.

Mosi

[Predikarinn - Cacoethes scribendi , 14.4.2010 kl. 14:05]

Það er með ólíkindum að lesa fabuleringar manna hérna við þessa athugasemd. Undirritaður stendur við fyrri pistil. Tryggvi Þór Herbertsson hefur lýst þessum hlutum með ákvörðun Geirs, og eðlilegt að hann tæki sér umþóttunartíma, enda ein af stærri ákvörðunum sem nokkur forsætisráðherra hefur nokkru sinni þurft að taka á lýðveldistímanum. Þá hefur Davíð sagst hafa orðað þessa hluti á allt annan veg en hér hefur verið rakið.

Sem fyrr segir þá er augljóst af pistlum manna hérna að menn þekkja lítt til Geirs og skapgerðar hans og skal það ítrekað hérna.

[SeeingRed, 14.4.2010 kl. 14:21]

Frásögn Tryggva Þórs er trúverðug og tryllingsköst DO vel þekkt orðin. Geir hefur aldrei virkað á mig sem mikið kjarkmenni, augnaráðið of flóttalegt.

Var lengi á sjó Ómar Bjarki og séð nokkra skipstjóra missa sig í hlálegan trylling af litlum tilefnum, allir bljúgir og undirleitir á meðan kafteinninn, þrútinn af bræði gerir sig að fífli og síðan hlegið að honum þegar það er orðið "seif".

[Hamarinn, 14.4.2010 kl. 21:02]

Ég átti nú reyndar við hárgreiðsluna á Davíð.

[Kama Sutra, 14.4.2010 kl. 21:05]

Það er ekki aðeins Geir sem er hræddur við Dabbann.  Stór hluti Sjálfstæðismanna er ennþá haldinn þessu hræðslusyndrómi.  Hvers vegna ætli Dabbinn stjórni annars ennþá FLokknum úr aftursætinu?  Heldur fólk að það sé vegna þess að stjórnunarhæfileikar hans séu svona frábærir?

Man fólk ekki hvernig Dabbanum var möglunarlaust leyft fara með endurreisnarskýrslu FLokksins á landsfundinum í fyrra.  Hann nánast reif hana í tætlur og var svo klappaður upp á eftir.  Skýrslu sem aðrir FLokksmenn höfðu unnið að með svita, blóði og tárum.

Og hvað segir það um Bjarna Vafning, núverandi formann FLokksins?

[Axel Jóhann Hallgrímsson, 14.4.2010 kl. 22:48]

Geir er hræddur við Davíð því hann er eini maðurinn sem sér hvernig hannð lítur raunverulega út.

[Jens Guð, 14.4.2010 kl. 23:21]

  Helga,  skilgreint hlutverk Seðlabankastjóra er eftirfarandi:

 - Stjórn peningamála þannig að stöðugleiki sé í verðlagsmálum.

 - Stuðla að framgangi meginmarkmiða efnahagsstefnu ríkisstjórnarinnar

 -  Varðveita gjaldeyrisvarasjóð og stuðla að virku og öruggu fjármálakerfi, þ.m.t. greiðslukerfi í landinu og við útlönd.

  Hver varð árangur DOddssonar í þessum hlutverkum?

 - Stöðugleiki í verðlagsmálum rann út í sandinn.  Íslenska krónan ónýttist og verð á innfluttum vörum tvöfaldaðist.

 - Meginmarkmið efnhagsstefnunnar fóru út um þúfur.  Það varð efnahagshrun.

 - Gjaldeyrisvarasjóðurinn þurrkaðist upp.  Seðalabankinn varð gjaldþrota.  Greiðslukerfið við útlönd fór í klessu.

  Þegar menn valda ekki einu einasta af skilgreindum hlutverkum sínum kallast það að vera óhæfur.

[Jens Guð, 14.4.2010 kl. 23:57]

  Jenný Stefanía,  það er hægt að taka undir allt sem þú segir.  Ég geng út frá því sem vísu að hann hafi ekki beitt reglustrikunni nema til spari spari.

[sæunn (IP-tala skráð) 15.4.2010 kl. 01:42]

já geir fullyrðir að þeir séu miklir vinir ekki þarf hann óvini með svona vini!!!

[Jens Guð, 15.4.2010 kl. 18:51]

  Stefán,  er Snati ekki líka í felum þessa dagana?

[Jens Guð, 15.4.2010 kl. 18:52]

  Steini,  takk fyrir þessa bráðskemmtilegu vísu.

[Jens Guð, 15.4.2010 kl. 20:58]

  Ómar Bjarki,  það er vont fyrir alla þegar menn fá skapofsaköst.  Þá er eitthvað að.  Góðu fréttirnar eru þær að ég veit að Tryggvi Þór hefur nettan húmor fyrir þessu.  Gamli pönkarinn. 

[Jens Guð, 15.4.2010 kl. 21:01]

  Andri,  það versta í erfiðri stöðu er þegar menn "panikera" og vita ekki sitt rjúkandi ráð.  Þetta er sérlega vont fyrir þá sem þjást af ákvarðanafælni á háu stigi þar fyrir utan.  Skelfileg staða.

[Jens Guð, 15.4.2010 kl. 21:05]

  Prófessor Mambó,  þetta er áreiðanlega nokkuð rétt greining hjá þér.  Ekki síst það að Geir er greindur maður og velviljaður (vill þóknast öllum).  Þeir hæfileikar njóta sín í meðbyr en málið fer í hnút í mótbyr.

[Jens Guð, 15.4.2010 kl. 21:07]

  Guðjón,  svo virðist sem óskhyggja um að allt væri í lagi hafi spilað hlutverk.

[Jens Guð, 15.4.2010 kl. 21:12]

  Predikarinn,  ég hef alveg fallist á þína fréttaskýringu.  Þó hún stangist á við lýsingar DOddssonar á Geir.  DOddsson þekkir Geir betur en ég (sem þekki Geir ekki neitt).  Þú þekkir Geir betur en DOddsson - eða svo má skilja af orðum þínum. Vitnisburður þinn er ekki dreginn í efa.

[Jens Guð, 15.4.2010 kl. 21:23]

  Til gamans:  Fyrir mörgum árum stofnuðu nokkrir kunningjar mínir sendibílastöðina Greiðabíla (síðar 3x67).  Leigubílstjórar brugðust hart við.  Það skall á stríðsástand.  Skotbopnum var beitt ásamt skemmdarverkum og líkamsárásum.  Ég sá um auglýsingamálin og þetta var mikið fjör.

  Geir gegndi þá einhverju embætti - að mig minnir hjá Samgöngumálaráðuneytinu.  Hann tók afstöðu með Greiðabílum og notaði þjónustu þeirra.  Eitt sinn var Geir farþegi í Greiðabíl þegar leigubílstjórar veittust að Greiðabílnum.  Geir henti sér þá út úr Greiðabílnum og flýði sem fætur toguðu út í buskann.  Undrun vakti hvað hann var sprettharður.

[Jens Guð, 16.4.2010 kl. 18:50]

  SeeingRed,  lýsing DOddssonar á lafhræddum Geir við sig er ítrekuð í fleiri frásögnum í skýrslunni.  Til að mynda segir Össur þannig frá um viðbrögð Geirs fyrir því að Össur neitaði Geir um bón DOddssonar um að leiða nýja stjórn: 

  "Og frá því er skemmst að segja að hann nánast skalf og nötraði.  Hann sagði:  "Þú getur ekki gert mér þetta.  Ég get ekki farið þarna upp og sagt þetta við Davíð:"

[Jens Guð, 16.4.2010 kl. 18:52]

  Hamarinn,  DOddsson er alltaf með flott hár í stíl við "karakterinn":  Villt og úfið.

[Jens Guð, 16.4.2010 kl. 18:53]

  Kama Sutra,  góður punktur hjá þér.

[Jens Guð, 16.4.2010 kl. 18:53]

  Axel Jóhann,  þú náðir að gera mér bylt við með þessari mynd. 

[Jens Guð, 16.4.2010 kl. 18:55]

  Sæunn,  þetta er sama skilgreining og hjá hvuttanum sem húsbóndinn lemur.  Snati heldur að þeir séu bestu vinir.