Eivör á norskri metsöluplötu

 

   Færeyska álfadrottningin Eivör mun syngja á næstu plötu norsku hljómsveitarinnar Vamp.  Þetta er rosaleg kynning fyrir Eivöru.  Vamp nýtur gífurlegra vinsælda og virðingar í Noregi.  Síðasta plata hljómsveitarinnar seldist í 150.000 eintökum.  Hljómsveitin fagnar 20 ára afmæli á næsta ári.  Eftir hana liggja 11 plötur og einhverjir DVD.   

  Ég er ekki vel heima í norskri músíksenu - ef frá er talinn svartmálmurinn.  Þó ég hafi oft rekist á nafnið Vamp í skandínavískum músíkblöðum þekki ég ekki plötur hljómsveitarinnar.  Það sem ég finn með Vamp á Þútúpunni hljómar vel.  Þetta er þjóðlegt vísnapopp með smá rokkívafi.  

  Hljómsveitarstjóri Vamp segist hafa orðið gjörsamlega bergnuminn (eða tröllabundinn,  eins og Færeyingar myndu orða það) þegar hann heyrði Eivör syngja á norskri tónlistarhátíð í fyrra.  Nema hvað.  Við Íslendingar þekkjum það.   

http://vamp.no/english/index.php

 

  

Athugasemdir

[Grefillinn Sjálfur - Koma svo! (IP-tala skráð) 20.4.2010 kl. 23:55]

Hef aldrei heyrt Vamp áður, en heyri ekki betur en að tónlistin smellpassi við Eivör. Það verður a.m.k. áhugavert að heyra hvað kemur út úr samstarfinu.

Ætli Eivör verði ekki heimsfræg í Norge fyrir vikið?

[Jens Guð, 21.4.2010 kl. 00:19]

  Grefill,  Eivör er þokkalega vel kynnt í Noregi.  Með þessu samstarfi við Vamp mun hún stimpla sig rækilega inn á norska markaðinn.  Eivör er þegar súperstjarna á Íslandi og í Færeyjum;  þokkalega kynnt í Danmörku.  Hefur unnið þar til nokkurra verðlauna í ársuppgjöri dönsku tónlistarverðlaunanna.  Og einnig gefið út plötu með big-bandi danska ríkisútvarpsins. 

[viðar (IP-tala skráð) 21.4.2010 kl. 09:02]

Góðar fréttir þetta Jenni. Ég get ekki betur séð en að þetta sé þessu norska bandi til mikillar framdráttar, enda heimsklassa söngkona þarna á ferð.

[Ómar Ingi, 21.4.2010 kl. 10:20]

Það verður gaman að fylgjast með bókinni  um hana

Þetta er allt annað en  skondið

http://ommi.blog.is/blog/ommi/entry/1045552/

[Sigurður Þorsteinsson, 21.4.2010 kl. 16:29]

Eivör er bara snillingur. Við Íslendingar getum verið afar stolltir að geta sagt að við eigum 5% í Eivör, en við unum okkar bestu frændþjóð Færeyjingum að eiga 95%.

[Hannes, 21.4.2010 kl. 19:21]

Leiðinlegri söngkona en Eivör er mjög erfitt að finna.

[Grefillinn Sjálfur - Koma svo! (IP-tala skráð) 21.4.2010 kl. 20:30]

Ég veit um margar.

[Jens Guð, 22.4.2010 kl. 12:32]

  Viðar,  þetta er rétt mat hjá þér.  Fréttin af samstarfi Eivarar við Vamp hefur þegar vakið mikla athygli í Noregi;  verið slegið upp sem stórfrétt í þarlendum fjölmiðlum og Norðmenn almennt bíða spenntir eftir að heyra hvað kemur út úr samstarfinu.

[Jens Guð, 22.4.2010 kl. 12:33]

  Ómar Ingi,  takk fyrir ábendinguna.  Þetta er bráðfyndið myndband.

[Jens Guð, 22.4.2010 kl. 12:34]

  Sigurður,  svo eru Danir ansi duglegir að eigna sér Eivöru.  Þeir hafa þegar krýnt hana formlega við hátíðlega athöfn sem "bestu DÖNSKU söngkonu ársins".

[Jens Guð, 22.4.2010 kl. 12:35]

  Hannes,  getur þú dregið fram einhverja frábærari söngkonu?

[Jens Guð, 22.4.2010 kl. 12:37]

  Grefill,  orðið leiðinlegt og Eivör passa engan veginn saman.  Eivör er tvímælalaust ein besta og skemmtilegasta söngkona heims.

[Hannes, 22.4.2010 kl. 14:54]

Rödd kvenna er of há til að þær geti sungið allmennilega tónlist með örfáum undantekningum.

[Jens Guð, 22.4.2010 kl. 18:28]

Hannes, ég fæ flog þegar ég heyri svona væmið kanadískt popp, eins og með Shaníu. Hinsvegar er hressandi að heyra í sænsku dúllunni sem syngur með Arch Enemy: http://www.youtube.com/watch?v=n9AcG0glVu4&feature=fvst

Hún syngur á neðri nótunum.

[Hannes, 22.4.2010 kl. 20:46]

Jens Eivör og þessi sænska semja tónlist sem er fullkominn til að fá þá sem eru að íhuga sjálfsmorð til að láta verða af því.

[Jens Guð, 22.4.2010 kl. 21:50]

  Hannes,  þessar dömur eru stórkostlegar söngkonur hvor á sinni línu.  Eivör er klárlega ein allra vinsælasta söngkonan á Íslandi.  Sama hvort borið er saman við íslenskar söngkonur eða erlendar.  Plötur hennar eru meðal söluhæstu platna hérlendis.  Síðasta plata hennar var á lista yfir söluhæstu plötur á Íslandi frá því í nóvember og fram í mars.  Þar af lengst í einhverju af 10 efstu sætunum.  Það er iðulega uppselt á hljómleika hennar hérlendis.

  Ég held að þú sért eina manneskjan sem ég veit um að hrífst ekki af söng Eivarar.  Venjan er ef nafn hennar ber á góma í fjölmenni,  til dæmis á skrautskriftarnámskeiðum,  þá keppist fólk við að dásama hana.

  Sænska dúllan er Arch Enemy er eðlilega ekki allra.  Ég man ekki eftir annarri söngkonu beita röddinni á þennan hátt.  Í fyrstu skipti sem ég heyrði lög með Arch Enemy hélt ég þarna væri karlsöngvari við hljóðnemann.  Þetta er dúndurflott.  Arch Enemy spila á G!Festivali í Götu í sumar.  Það verður fjör.

[Hannes, 22.4.2010 kl. 23:46]

Jens. Ef ég ætti að velja á milli þessara 2 þá væri Eivör skömminni skárri. Ég er með óvenjulegan tónlistasmekk og hef alltaf verið með. Þú hlýtur að þekkja fleiri sem finnst þetta drasl lélegt en mig.

Þessar söngkonur væru fínar í Gúantanamo til að pynta fangana ásamt Britney Spears.

[Jens Guð, 23.4.2010 kl. 00:07]

  Hannes,  þú ert með VERULEGA óvenjulegan músíksmekk.  Ég, músíkdellukall kominn hátt á sextugs aldur,  hef yfirleitt náð að átta mig á músíksmekk fólks.  En þú er ráðgáta sem ég fatta ekki. 

  Músíksmekkur ræðst að verulegu leyti af líkamsstarfsemi.  Þess vegna breytist músíksmekkur með aldrinum.  Ég hef lesið mér mikið til um ýmsar rannsóknir á músíksmekk.  Þar munar mestu um framleiðslu líkamans á testosteron,  östrogenum og þess háttar hormónum.  Einnig ýmsum boðefnum sem heilinn framkallar þar til samræmis.

  Ég næ ekki að staðsetja þig í músíksmekk.  Þar rekur allt á annars horn.  Karlremba sem hlustar á væmið popp kanadískrar kántrýstelpu.  Og það í bland við nútímalegt kínverkst öfga-þjóðernispopp.  Svo ekki sé minnst á karlakór Rauða hersins.  Og einnig Metallica og Rammstein.  Ef ég man rétt.  Ég er mát.  Eins og reyndar gagnvart ýmsu öðru hjá þér.  Þetta passar ekki við neina uppskrift.

[Hannes, 23.4.2010 kl. 16:34]

jens. Ætli ég sé ekki bara létt ruglaður öfgamaður í allar áttir sama hvar skoðað er. Það vantar milliveginn og hefur alltaf gert.

Ætli að músíksmekkurinn litist af óhollu líferni og því að ég hugsa ekkert um heilsuna.