Hafið augun hjá ykkur!

  Hvar sem þú um heiminn fer er samfélagsleg skylda að láta lögregluna vita ef einhver þessara skúrka ber fyrir augu.  Óvíst er að þeir haldi hópinn.  Það er alveg eins líklegt að þeir séu einir á ferð.  Ekki reyna borgaralega handtöku.  Hringdu þess í stað strax í neyðarlínuna og fylgdust með glæpamönnunum úr fjarlægð.  Gættu þess að þeir verði þín ekki varir.

  Þessi glæpamaður heitir Usama bin Laden.  Hann fæddist 1957 í Saudi-Arabíu.  Ekki er vitað til að hann sé með nein áberandi ör eða önnur kennimörk.  Hann er jafnan með sítt alskegg.  Hár hans og augu eru dökkbrún.  Hann hefur lýst á hendur sér hryðjuverkum í Tansaníu,  Nairobi,  Bandaríkjum Norður-Ameríku,  Kenýa og víðar.  Auk skemmda á dýrum mannvirkjum hefur fólk látist í sprengjutilræðum sem Usama er ábyrgur fyrir.

  Þessi glæpamaður heitir Seva Moguilevich.  Hann fæddist 1946 í Úkraínu.  Hann er sköllóttur með gráan kraga.  Hann er iðulega með eitthvað skegg.  Oftast yfirvararskegg.  Hann keðjureykir.  Augun eru græn.  Hann setti upp fjárfestingafyrirtæki í Bandaríkjunum með útibú í Kanada.  Hann lofaði fólki "save" ávöxtun.  Sparifé fólksins gufaði upp,  eða réttara sagt fór beint í vasa Seva.  Síðan gufaði hann upp.

  Þessi glæpamaður heitir Sigurður Einarsson.  Hann fæddist 1960 á Íslandi.  Hann er með hátt enni.  Svo hátt að það nær hringinn aftur fyrir ennistoppinn.  Hárið er grásprengt.  Augun eru næstum lokuð.  Það litla sem stundum sést glitta í augun bendir til þess að augasteinarnir séu eins og dollaramerki að lögun.  Sigurður er bankaræningi og hefur stundað margvíslegar bókhaldsbrellur,  sýndarviðskipti,  afléttingar ábyrgða,  markaðsmistnotkun,  skjalfafals og annað í þeim dúr sem átti stóran þátt í því að íslenska bankakerfið hrundi.

  Þessi glæpamaður heitir Victor Ortiz.  Hann fæddist 1958 í Bandaríkjum Norður-Ameríku.  Hárið er brúnt og augun græn.  Hann er með einnar tommu langt ör og fæðingarblett á hægra herðablaðinu.  Hann rændi næstum einum milljarði frá tryggingarfélagi. 

 .

Interpol lýsir eftir Sigurði

Athugasemdir

[Jón Ásgeir Jóhannesson (IP-tala skráð) 11.5.2010 kl. 22:38]

Ef þið sjáið feitan, ljótan og sköllótan mann.... BINGÓ! Það er maðurinn.

[Hannes, 11.5.2010 kl. 22:41]

Ekki skemmtilegur listi að vera á en þessir menn eiga allir heima á honum.

[Helga Kristjánsdóttir, 12.5.2010 kl. 01:07]

  Kanski eru þeir með tattó,þeir breyta því sem stendur uppúr.

[Jens Guð, 12.5.2010 kl. 10:14]

  Jón,  BINGÓ!

[Jens Guð, 12.5.2010 kl. 10:16]

  Hannes,  það kitlar dálítið þjóðarstoltið að sjá Íslending á lista með svona frægum bófum.  Þetta er eins og þegar maður sá fyrst nöfn íslenskra hljómsveita - á borð við Mezzoforte og Sykurmolana - á útlendum vinsældalistum innan um nöfn eins og U2 og Paul McCartney.

[Jens Guð, 12.5.2010 kl. 10:17]

  Helga,  það er möguleiki að þessir menn láti húðflúra eitthvað á sig til að villa um.  Kannski lætur Sigurður húðflúra tvö horn á ennið á sér?

[ThoR-E, 12.5.2010 kl. 15:41]

Þetta er ótrúlegt mál. Að Sigurður Einarsson vilji frekar verða eftirlýstur af Interpol en að mæta til Íslands til skýrslutöku og axla ábyrgð á gjörðum sínum. Og síðan ef hann er saklaus að þá verður hann sýknaður.

Stórmerkilegt að hann ákveði að fara þessa leið.

p.s

Voru þessi ofurlaun bankamannanna ekki rökstudd með því að þeir bæru svo mikla ábyrgð.

Er þá ekki rétt að þeir axli ábyrgð í stað þess að fela sig erlendis.

[Jens Guð, 12.5.2010 kl. 16:16]

  AceR,  hann lítur á sjálfan sig sem kóng.  Hinn ósnertanlega.  Af öllum bankaræningjunum og skúrkunum í kringum þá er Sigurður Einarsson sá hrokafyllsti.

[Siggi Lee Lewis, 13.5.2010 kl. 18:51]

Nafni Einarsson hefur sennilega verið með stóra krullu á enninu þegar hann var polli.

[Jens Guð, 13.5.2010 kl. 20:12]

  Hann var alltaf með tíkarspena á enninu.