Hjálpið! Nú verða allir að leggjast á eitt!

  Næstu daga mun öskuský þekja Bretland.  Það eru góðar fréttir fyrir Sigurð Einarsson flóttamann.  Það auðveldar honum að felast í öskugráu skýinu.  Hann getur sett á sig lambhúshettu og rykgrímu til að þekkjast ekki.  Í skýfallinu vekur það enga tortryggni.  Þegar öskustróknum frá Eyjafjallajökli slotar eftir nokkra daga þarf flóttamaðurinn að finna aðrar leiðir til að dulbúast.  Það er brýnt að maðurinn finnist hið fyrsta og verði látinn svara til saka og upplýsa undanbragðalaust um skjalafals,  markaðsmisnotkun,  sýndarviðskipti og annað slíkt.  Nú verða allir að hjálpast að og skima eftir durgnum;  velta við hverjum steini og gá undir hverja þúfu.

  Til að auðvelda leitina hef ég tekið saman helstu búninga sem kauði mun fela sig í.  Hans aðal sérkenni eru hálflokuð augun.  Því er sýnt að hann þarf að fela þau ásamt hársverðinum sem einkennist af dökkri eyju fyrir ofan ennið.  Svona gæti hann litið út kominn með ljósa hárkollu og búinn að setja upp sólgleraugu.  Látið vita ef þið rekist á mann í þessari múnderingu:

  Delinn er einnig líklegur til að fela hársvörðinn undir hatti og þekja andlitið með skósvertu.  Þá heldur fólk að þetta sé blökkumaður.  Trixið er að setja upp gleraugu og teikna á þau uppglennt augu.  Þá fattar enginn að þar fer eftirlýstur píreygður fölhvítur flóttamaður.

  Svo er það búrka.  Þá heldur fólk að hann sé kona.

  Það er hugsanlegt að flóttamaðurinn hylji sig ennþá betur - til að augun komi ekki upp um hann.

  Ef heitt er í veðri er svartur felubúningur óþægilegur.  Þá skiptir gaurinn yfir í hvítan búning og þykist vera draugur.

  Trúðabúningur virkar alltaf.  Og klæðir Sigurð einstaklega vel. 

  Það virkar sömuleiðis oft vel að þykjast vera hermaður.  Þá er trixið að halda byssunni fyrir andlitinu til að flóttalegt augnráðið sjáist ekki.  Loka meira að segja öðru auga eða báðum og láta sem verið sé að miða á hryðjuverkamann.  Það felast engin dulin skilaboð í því að maðurinn er á asna. 

  Svei mér þá,  er þetta ekki Sigurður Einarsson sjálfur í uppáhalds Batman búningnum sínum?

  Annars er ekki víst að alveg sé að marka þetta.  Maðurinn er sagður geta brugðið sér í allra kvikinda líki.  Þess vegna gæti hann litið svona út.  Það er líklegt. 

Heathrow og Gatwick lokað

Athugasemdir

[eyjaskeggi (IP-tala skráð) 17.5.2010 kl. 05:43]

 Kanski verður hann bara með KB bófagrímuna, manstu ekki þegar Spaugstofan breytti KB merkinu í bófa andlitsgrímu ? Oft ratast spaugssömum rétt orð á munn, en mig minnir reyndar að KB banki hafi sponsað spaugstofuna þá. Auk þess stálu þeir KB lógóinu frá Kaupfélagi Borgfirðinga þessir snillar og skömmuðust sín ekkert fyrir það.  En einhver viðmælandi DV sagði að Sigurður Einarsson væri kjarkaður, já efalalaust kjarkaður meðan að allt lék í lyndi og allflestir beygðu sig í duftið fyrir honum, en hvað svo ? Kannski eiga fleiri lönd en Ísland eftir að leggja fram kröfur, eins gott að hafa kjarkinn í lagi þá og stórt seðlaveski fyrir stjörnulögfræðinga. En ekki er útséð með hvort hægt sé að framselja Sigurð hingað til Íslands, þannig að sjáum til hvernig kappinn ber sig ef hann yrði sendur á Litla Hraun eins og hinir Bjornebanditternen.  En eins og einhver sagði um Sigurð Einarsson: Lítið leggst kappanum til.  Eiríkur Stefánsson talaði um glæpamenn í sparifötum ( teinóttum segi ég ) En vonandi verða þeir félagar hans settir á hold  á hrauninu þar til siggi kemur heim í hand og fótjárnum.

[eyjaskeggi (IP-tala skráð) 17.5.2010 kl. 05:56]

  Já og btw gaman væri nú að sjá heilsíðuauglýsingarnar með td Kára Steingrímssyni í skotapilsi, þar sem útlistuð voru hans helstu áhugamál. Fleiri KB  toppar fengu líka svona útlistanir á heilsíðum dagblaðanna á þessu tímabili í kringum 2006,  svona til að selja "verðbréf "

[Grefillinn Sjálfur - Koma svo! (IP-tala skráð) 17.5.2010 kl. 06:46]

Sigurður er nú ekki svo grænn að hann fari að nota þessa þekktu og augljósu dulbúninga sem hér er stungið upp á. Hann velur eitthvað sem engum hefur dottið í hug áður. Einn sagði mér að hann hefði fyrirhugað að fá sér "quick and easy instant tan" og dulbúa sig sem kanel á meðan annar heldur að hann leynist einhvers staðar sem indversk grænmetispanna. Eitt er víst: Sigurður er óútreiknanlegur.

[Jens Guð, 17.5.2010 kl. 10:46]

  Eyjaskeggi,  æskufélagi minn,  Kristján Snorrason (hljómborðsleikari Upplyftingar) var bankastjóri Búnaðarbanka Borgfirðinga.  Stærsti viðskiptavinurinn var KB (Kaupfélag Borgfirðinga).  Þegar nafni Búnaðarbankans var breytt í KB gerði Kristján athugasemd við það.  Benti á að KB væri vörumerki Kaupfélags Borgfirðinga.  Kristján var rekinn á staðnum.  Hann er núna farsæll bankastjóri í Skagafirði.

[Jens Guð, 17.5.2010 kl. 10:49]

  Grefill,  takk fyrir tillögurnar.  Við verðum öll að hjálpast að og reyna að sjá flóttamanninn ósnertanlega fyrir.  Hvað ætli honum þyki gott að borða?  Ef Sigurjón Þ. Árnason ætti í hlut væri auðvelt að veiða hann með snúð þöktum súkkulaðiglassúr og gullörðum.

[Röggi (IP-tala skráð) 17.5.2010 kl. 13:38]

Þessi með bleikusólgleraugun er pottþétt hann !!!! Þrútinn af græðgi og lítur út og hagar sér eins og svín.

[Sigurbjörg Sigurðardóttir, 17.5.2010 kl. 16:06]

Þú og þið eruð frábærir,lifi humorinn.Best líst mér á Batmann búningin fyrir hann,kanski burkan líka ,vel falin.

[Sigurbjörg Sigurðardóttir, 17.5.2010 kl. 17:10]

Er með beiðni inni á gestabókinni hjá þer,sé að þú ert latur að kíkja þar inn.

[Ásdís Sigurðardóttir, 17.5.2010 kl. 20:43]

Æ, það er oft svo gaman af þér.

[Jens Guð, 17.5.2010 kl. 23:04]

  Raggi,  svipurinn leynir sér ekki.  Það er eitthvað kunnuglegt við hann.

[Jens Guð, 17.5.2010 kl. 23:06]

  Sigurbjörg,  ég er svo sjaldan við tölvu.  Kíki aðeins snöggt á hana einu sinni eða tvisvar á dag.  Og er þá jafnan á þeim hlaupum að ég hef ekki tíma til að svara fyrirspurnum.  En ég er búinn að svara þér í gestabókinni núna.

[Jens Guð, 17.5.2010 kl. 23:06]

  Ásdís,  takk sömuleiðis.

[Þráinn Jökull Elísson, 19.5.2010 kl. 18:21]

Alveg magnað. Reyndar er það myndin af hryðjuverkamanninum á asnanum sem ég átta mig ekki alveg á... Ég meina Siggi kallinn er í hlutverki asnans, sem fer honum svo ljómandi vel en hver er í hlutverki hryðjuverkamannsins???