Rokkhátíð á Sauðárkróki

 

  Helgina 13. - 14.  ágúst verður tónlistarhátíðin GÆRAN 2010 haldin á Sauðárkróki.  Nánari staðsetning er húsnæði Loðskinns,  Borgarmýri 5.  Miðaverð er aumar 4000 krónur fyrir stútfulla tónlistardagskrá báða dagana,  frítt í sund,  frítt í kvikmyndahús,  frítt fólk...

  Hálfur þriðji tugur hljómsveita mun halda uppi geðveiku fjöri.  Þar á meðal verða skagfirskir stuðboltar á borð við Bróðir Svartúlfs,  Gillon,  Fúsaleg Helgi,  Binna P,  Herramenn og Davíð Jóns.  Kynnar verða taktkjaftarnir Siggi Bahama og Beatur.

  Af fleiri skemmtikröftum má nefna hljómsveitina Múgsefjun,  Bigga Mix,  Hoffman,  Metallica... Eða,  ja sko,  nei sko,  eða sko það er ekki búið að tilkynna öll böndin og ég fór lítillega fram úr mér.  Óvart.  Málið er að fylgjast með og skrá sig á síðuna http://www.facebook.com/#!/pages/Saudarkrokur-Iceland/TONLISTARHATIDIN-GAERAN-2010/109182002449012?v=wall&ajaxpipe=1&__a=49

Athugasemdir

[Grefillinn Sjálfur - Koma svo! (IP-tala skráð) 18.6.2010 kl. 22:56]

Leiðilegt að Lummurnar skuli vera hættar. Þær hefðu verið flottar þarna.

[Röggi (IP-tala skráð) 18.6.2010 kl. 23:12]

Eða Grýlurnar , hétu þær ekki Gærurnar í myndinni "Með allt á hreinu" og svo býr Inga Rún gítarleikari einmitt á Króknum.

[Jens Guð, 19.6.2010 kl. 00:11]

  Grefill,  blessunarlega eru Lummurnar hættar.  Fyrir löngu.  Blessunarlega.

[Jens Guð, 19.6.2010 kl. 00:13]

  Röggi,  kannski endurreisir Inga Rún Gærurnar / Grýlurnar þarna?  Eru þær ekki flestar fyrir norðan?  Linda trommari býr á Húsavík.  Held ég.  Gott ef Bára Gríms býr ekki á Siglufirði...

[Ómar Ingi, 19.6.2010 kl. 00:17]

[Jens Guð, 19.6.2010 kl. 00:49]

  Ómar Ingi,  takk fyrir innlitið.

[Helga Kristjánsdóttir, 19.6.2010 kl. 04:40]

 ÆI, komdu mér í gott skap! Ein Lumman er bloggvinur minn, tekur fallegar myndir úr nágrenni Hveragerðis. Linda Gísla.

[Helga Kristjánsdóttir, 19.6.2010 kl. 04:42]

Átti líklega að segja önnur Lumman

[Grefillinn Sjálfur - Koma svo! (IP-tala skráð) 19.6.2010 kl. 05:35]

Nei, ein Lumman. Þær voru fjórar. Bið að heilsa Lindu. Ég og Smári bróðir hennar skemmtum okkur mikið saman á árum áður.

[Tobbi (IP-tala skráð) 19.6.2010 kl. 15:10]

Hvar er Hljómsveit Geirmundar?

[Jens Guð, 19.6.2010 kl. 21:39]

  Helga,  ég hef ekkert neikvætt um persónurnar að segja sem skipuðu Lummurnar.  Áreiðanlega allt hið fínasta fólk.  Aftur á móti hef ég óþol gagnvart plötum Lummanna.  Ekki mín bjórdós. 

[Jens Guð, 19.6.2010 kl. 21:40]

  Grefill,  langt síðan ég hef frétt af Smára.  Er hann ekki ennþá í auglýsingabransanum?

[Jens Guð, 19.6.2010 kl. 21:42]

  Tobbi,  hún er á Sauðárkróki.  Það er spurning hvar (eða hvort) hún verður staðsett á Gærunni.