Ný og spennandi plata frá Hebba

  Herbert Guðmundsson er í hljóðveri þessa dagana að taka upp nýja plötu.  Plötuna vinnur hann með Svani syni sínum.  Sá var nýverið kosinn besti söngvarinn í Músíktilraunum.  Þeir feðgar semja lögin þannig að Svanur leggur til hljómagang,  kaflaskipti og þess háttar og Hebbi bregður laglínum ofan á.  Í bland semur Hebbi einnig upp á gamla mátann á kassagítarinn sinn.

  Þegar hafa 5 af 10 lögum plötunnar verið hljóðrituð.  Gulli Briem sér um trommuleikinn;  Tryggvi Hübbner og Stefán Magnússon (Eiríkssonar) spila á gítara;  Haraldur Þorsteinsson plokkar bassann;  Og Magnús og Jóhann syngja bakraddir. 

  Dr.  Gunni heyrði upptökurnar á dögunum og skrifar á bloggsíðu sína:  "Ég heyrði ekki betur en þetta væru allt meira og minna súperhittarar."

  Doktorinn hefur gott nef fyrir "hitturum".  Ég held ég fari rétt með að hann eigi vinsælasta lagið á rás 2 um þessar mundir,   Vinsæll  með Hvanndalsbræðrum.

  Hebbi hefur sent frá ótal öfluga smelli í áranna rás.  Sumir eru orðnir sívinsælir,  svo sem  Can´t Walk Away,  Hollywood  og  Svaraðu kallinu.  Síðasta plata hans,  Spegill sálarinnar,  kom út 2008 og var hans besta.  Um hana má lesa hér:  http://jensgud.blog.is/blog/jensgud/entry/737633/

  Fyrir helgi var viðtal við Hebba á visir.is.  Þar getur að heyra upphaf lagsins  Time.  Sjá:  http://www.visir.is/atti-erfitt-med-ad-vidurkenna-fraegdina---myndband/article/201045375416

  Time  verður fyrsta lagið af plötunni sem fer í útvarpsspilun.  Ég ætla að hlusta á það í vikunni og læt ykkur vita hvernig það hljómar.  Þangað til er gaman að rifja upp: 

Athugasemdir

[Ómar Ingi, 22.6.2010 kl. 21:27]

Spenanndi

[Jens Guð, 22.6.2010 kl. 22:37]

  Ómar Ingi,  nýtt efni frá Hebba er alltaf spennandi.  Enda er hann duglegur að toppa sig.

[Göltur Smári (IP-tala skráð) 23.6.2010 kl. 00:31]

Hebbi er einn sá besti. Það eru samt allt of fáir búnir að fatta það.

[Jens Guð, 23.6.2010 kl. 01:13]

  Göltur Smári,  20 - 30 ára fólk er - kannski eðlilega - ekki með rétta mynd af tónlistarmanninum Hebba.  Það þekkir hann fyrst og fremst af lögum á borð við  Can´t Walk Away,  Hollywood  og  Svaraðu kallinu.  Þetta unga fólk veit ekki að Hebbi var á sínum tíma á kafi í þungarokki og progi.  Hann hefur löngum verið talinn besti íslenski túlkandi Led Zeppelin laga. 

  Hebbi hefur stundum farið í góðan rokkgír á sólóplötum sínum.  Á fyrstu sólóplötunni rokkuðu Utangarðsmenn í nokkrum lögum,  svo dæmi sé tekið.  Þau lög eru hinsvegar aldrei spiluð í útvarpi því þar eru menn að spila þessi lög sem ég taldi upp hér að ofan.

[Ásdís Sigurðardóttir, 23.6.2010 kl. 11:46]

Það verður gaman að heyra útkomuna.

[Jens Guð, 23.6.2010 kl. 22:15]

  Ásdís,  það er pottþétt.