Bestu plötur síðasta aldarfjórðungs

  Poppblaðið Spin hóf göngu sína fyrir aldarfjórðungi.  Það hefur náð þeirri stöðu að vera næst söluhæsta bandaríska poppblaðið á eftir Rolling Stone.  Rolling Stone er söluhæsta poppblað heims.  Í tilefni af tímamótunum tók ritstjórn Spin sig til og setti saman lista yfir bestu plötur síðasta aldarfjórðungs. 

  Þessar plötur skoruðu hæst (innan sviga er útgáfuár plötunnar):

1   U2:  Achtung Baby  (1991)

2   Prince:  Sign O´the Times  (1987)

3   The Smiths:  The Queen is Dead  (1986)

4   Nirvana:  Nevermind   (1991)

5   Radiohead:  OK Computer   (1997)

6   Public Enemy:  It Takes a Nation of Millions to Hold Us Back  (1988)

7   Guns N´ Roses:  Appetite for Destruction  (1987)

8   PJ Harvey:  Rid of Me  (1993)

9   Pavement:  Slanted and Enchanted   (1992)

10  Nine Inch Nails:  The Downward Spiral  (1994)

11  The Replacements:  Tim  (1985)

12  OutKast:  Stankonia   (2000)

13  Sonic Youth:  Daydream Nation   (1988)

14  Beastie Boys:  Paul´s Boutique   (1989)

15  Hüsker Dü:  New Day Rising   (1985)

33  Björk:  Debut  (1993)

75  Björk:  Post  (1995)

  Það er áhugavert að bera saman við þennan lista annan þar sem lesendur NME kusu bestu plötur níunda áratugarins.  Sjá:  http://www.jensgud.blog.is/blog/jensgud/entry/1068992/

  Til að auðvelda samanburðinn lita ég plöturnar sem komu út á níunda áratugnum og hef fjólubláar þær sem voru einnig á lista NME.

  Ritstjórn Spin hefur greinilega breiðari músíksmekk en lesendur NME.  Og eðlilega er hlutfall bandarískra platna hærra hjá Spin þó Írarnir í U2 séu í toppsætinu og The Smiths í því 3ja. 

  Gaman væri að heyra viðhorf ykkar til þessa lista yfir bestu plötur síðasta aldarfjórðungs. 

Athugasemdir

[Gestur Baldursson (IP-tala skráð) 22.6.2010 kl. 10:04]

Þetta er áhugaverður listi, sem og listi NME.  Þetta kemur allt inná gamla góða smekksatriðið, en persónulega er ég nokkuð sammála flestum titlunum á þessum listum.  Gríðar metnaðarfull verk þarna inná milli.   Alltaf gaman að sjá Björk skora hátt, en Public Enemy kom mér þægilega á óvart þarna í 6. sæti.  Gott stykki þar á ferð :o)

[Jens Guð, 22.6.2010 kl. 12:05]

  Gestur,  ég tek undir orð þín.  Ekki síst með að Public Enemy sé þetta hátt á listanum.  Þessi plata hafði mikil áhrif á sínum tíma.  Var m.a. í miklu uppáhaldi hjá Björk.

[Gunnar Örn Stefánsson (IP-tala skráð) 22.6.2010 kl. 13:14]

Eins og venjulega með mainstream Bandarísk tónlistartímarit, bestu rokk og hip-hop plötur síðasta aldarfjórðungs.

[Jens Guð, 22.6.2010 kl. 19:30]

  Gunnar Örn,  það er nokkuð þokkaleg breidd í þessu hjá þeim engu að síður.