Mannakjötsát fyrir misskilning

  Í bílalúgu við hliðina á Skeljungi í Ártúnsbrekkunni kaupa menn "Akureyring" til að snæða.  Þar er um að ræða hamborgara matreiddan að hætti Akureyringa.  Hann er þannig að frönskum kartöflum er raðað beint ofan á kjötið.  Við það sjúga þær í sig safa og krydd úr kjötinu.  Þetta þykir Akureyringum vera eina rétta matreiðslan á hamborgara.  Hinsvegar eru íbúar Akureyrar mis ánægðir með að utan Akureyrar sé svona hamborgari kallaður "Akureyringur".  Þeim þykir það bera keim af mannáti.  Á móti vegur gleði yfir því að þegar ferðast er til Reykjavíkur sé hægt að fá rétt matreiddan hamborgara.

  Ekki veit ég hvar veitingahúsið á myndinni er staðsett.  Af merkingu þess má ráða að þar sé boðið upp á djúpsteikta Skota.  Reyndar má einnig (með einbeittum vilja) lesa út úr nafninu að þarna standi Skoti við djúpsteikingargræjurnar og afgreiði fisk og franskar.

  Kínverjinn Soon Fatt hefur sett upp lítinn skyndibitastað þar sem viðskiptavinurinn tekur matinn með sér.  Nafnið á Soon Fatt er kannski ekki það heppilegasta fyrir veitingastað.  Nafnið hljómar eins og yfirlýsing um að viðskiptavinurinn hlaupi í spik innan tíðar.  

Athugasemdir

[Gjagg (IP-tala skráð) 28.6.2010 kl. 16:30]

AHHAHAHAHAHHA HAHAHHAHAHAHHAHAH !!! Gódir brandarar!!

Já Akureyringar eru dálítid sér á parti.  Their borda pylsur med raudkáli.  SOON FAT..ahhahahahah.  

[Vilhjálmur Eyþórsson, 28.6.2010 kl. 18:38]

Ég er alls ekki viss um að það flokkist sem mannát að éta Akureyring.

[Gjagg (IP-tala skráð) 28.6.2010 kl. 19:24]

Í sambandi vid brandara...Jón Gnarr er í heimsfréttunum:  Yahoo.com er med mynd af honum á besta! stad á forsídu (adal fréttin) og svo thetta: http://news.yahoo.com/s/ynews/ynews_pl2881

[Jens Guð, 28.6.2010 kl. 20:43]

  Gjagg,  akureyrsku pylsurnar með rauðkáli og kokteilsósu eru ágætar.  Ég á eftir að smakka "Akureyring".  Þó ég sé lítið fyrir hamborgara þá er þetta eitt af því sem maður verður að smakka áður en maður drepst.

  Takk fyrir hlekkinn.

[Jens Guð, 28.6.2010 kl. 20:46]

  Vilhjálmur,  ekki "Akureyring" eins og seldur er þarna í Ártúnsbrekkunni.  Ég hef grun um að það geti verið erfiðara að vísa frá máli ef maður verður kærður fyrir að snæða innfæddan Akureyring.  Ef ég þekki Akureyringa rétt myndu þeir ekki sætta sig við það háttalag af hálfu utanbæjarmanna.

[Röggi (IP-tala skráð) 28.6.2010 kl. 22:10]

Er þessi rauðkáls þjóðsaga virkilega enn í gangi ;)

[Jens Guð, 28.6.2010 kl. 22:45]

  Röggi,  þetta er ekki þjóðsaga án innistæðu.  Ég hef keypt mér svona pylsu í sjoppu fyrir neðan Bautann og einnig í göngugötunni.  Í vagni þar úti á götu.

[Auðjón (IP-tala skráð) 29.6.2010 kl. 11:16]

Röggi, ég hvet þig til að smakka 'Eyfirðing' (pylsu með rauðkáli) í pylsuvögnunum á Akureyri, rauðkálið setur punktinn yfir i-ið.

[Röggi (IP-tala skráð) 29.6.2010 kl. 18:04]

Já !!! Sjoppan fyrir neðan Bautann hætti fyrir svona ca 20 árum og það var byrjað að selja pylsur með rauðkáli í pylsuvagninum í fyrra en í millitíðinni hefur þetta ekki fengist en alltaf talað um að Akureyringar borði pylsur með rauðkáli :) Eins og að segja að Reykvíkingar borði pylsur með kartöflusalati af því að það er hægt að fá svoleiðis í 1 sjoppu uppá höfða :) Ég hef búið á Akureyri nánast allt mitt líf en hef ekki borðað og þekki engan  sem borðar pylsu með rauðkáli :)

[Jens Guð, 30.6.2010 kl. 01:57]

  Auðjón,  gott var að fá nafnið á "Eyfirðingi".  Það auðveldar manni að kaupa pylsu með rauðkáli á Akureyri.

[Jens Guð, 30.6.2010 kl. 02:03]

  Röggi,  þeir örfáu Akureyringar sem ég þekki geta ekki snætt pylsu án rauðkáls.  Það sama má segja um Reykvíkinga og kartöflusalat.  Þess vegna er kartöflusalat á boðstólum í öllum helstu pylsusölustöðum á höfuðborgarsvæðinu.  Þar á meðal í ÖLLUM bensínsjoppum.

[Röggi (IP-tala skráð) 30.6.2010 kl. 16:44]

Já Eyfirðingurinn var einmitt settur á matseðil pylsuvagnsins vegna gríðarlegrar eftirspurnar Reykvíkinga sem vildu smakka þennan "Þjóðarrétt" Akureyringa sem nánast enginn Akureyringur hefur smakkað :)

[Jens Guð, 30.6.2010 kl. 18:57]

  Röggi,  takk fyrir þessar upplýsingar.  Ég verð fróðari með hverjum degi sem líður.