Gríðarlega sniðugt hagræðisráð - sparar tíma og allskonar

  Eins og allir vita er bráðnauðsynlegt að hafa smávegis af hráum fínt söxuðum lauki með þegar túnfiskssalat er lagað.  Annað þarf ekki.  Nema,  jú,  túnfisk,  egg og majónes.  Til spari má bæta við örlitlu karrý.  Svo litlu að enginn taki eftir því.

  Þessa uppskrift má með útsjónarsemi einfalda svo um munar.  Það er gert þannig að hænunum er ekki gefið neitt að éta nema lauk í nokkra daga.  Þá kemur milt og gott laukbragð af eggjunum.  Þar með losnar fólk gjörsamlega við alla fyrirhöfn af að saxa niður lauk í túnfiskssalatið.  Tímann sem sparast má nota til að þurrka af húsgögnum og vökva blóm með lituðu sykurvatni.

.

    . 

Athugasemdir

[Jens Guð, 30.6.2010 kl. 18:53]

  Ef vel er að gáð má sjá í efra myndbandinu hvar hestur sparkar hænu upp á þak.

  Í neðra myndbandinu flytur bandaríska hljómsveitin MDC ljúfan kántrý-slagara um hænur.

[Brjánn Guðjónsson, 30.6.2010 kl. 19:52]

hef aldrey prófað karrýið í túnfisksalat. aðeins túnfisk, egg, majónes og lauk. til er einnig annað afbrigði þar sem lauknum er skipt út fyrir tómatsósu. fannst það betra í æsku, en kýs heldur laukútgáfuna í dag.

hins vegar nota ég karrý í rækjusalat og eins og þú segir, svo lítið að enginn taki eftir. gefur samt eitthvað „toutch.“ svo fer eftir skapi í það og það skiptið hvort ég bæti ennig við örlitlu sinnepi og/eða sítrónusafa og/eða sítrónupipar. í það minnsta er rækjusalatið mitt vinsælt innan fjölskyldunnar. krítíski þátturinn er karrýið. má ekki vera of mikið og ekki of lítið.

[Klukk, 30.6.2010 kl. 20:59]

Hvernig stendur á því að þegar hænur deyja, brenna t.d. inni eða kafna, eða festast, sökkva og drukkna í mykju, eins og oft hefur gerst, þá er alltaf talað um "tjón"? Mér finnst það vanvirðing við hænur og hænustofninn í heild sinni að líf þeirra sé ekki metið meira en sem nemur því að vera "tjón". Aldrei hef ég heldur heyrt af hænu sem fékk áfallahjálp. Þessi sem hesturinn sparkar uppá þak, hún þyrfti t.d. að fá áfallahjálp, en ... neibb, fær ekki einu sinni athygli.

[Jens Guð, 30.6.2010 kl. 21:29]

  Brjánn,  ég hef aldrei heyrt þetta með tómatsósu í túnfiskssalati.  En gæti trúað að krökkum þyki það gott.  Krakkar eru mikið fyrir tómatsósu.  Þegar ég var krakki gat ég ekki borðað soðin né steiktan fisk án þess að hafa tómatsósu út á.  Í dag get ég ekki haft tómatsósu með neinum mat nema ef ég er svo óheppinn að ekkert standi til boða nema franskar kartöflur.

  Það er góður siður að setja sítrónusafa yfir rækjur áður en þeim er hrært í salat.  Safinn gefur rækjunum ferskt bragð.  En það sem er mikilvægara er að sýran í honum hindrar að fólk fái matareitrun.  

[Jens Guð, 30.6.2010 kl. 21:31]

  Klukk,  ég held að hænunni sem var sparkað upp á þak þyki það hið mesta sport.  Hænur eru lélegar til flugs og drífa yfirleitt ekki upp á þak. 

[Klukk, 1.7.2010 kl. 01:28]

Ég myndi a.m.k. velja aðra aðferð við að komast upp á þak. En ég er auðvitað ekki hæna.

[Sigurbjörg Sigurðardóttir, 1.7.2010 kl. 15:39]

  frábær ertu