Bókarumsögn

Titill:  Bráðar eru blóðnætur

Höfundur:  Þórarinn Gunnarsson

Flokkur:  Sakamál,  spenna

Útgefandi:  Tölvuland ehf.

  Bráðar eru blóðnætur  er þriðja skáldsaga Þórarins Gunnarssonar.  Þær fyrri eru  Ógn  (2007) og  Svartar sálir  (2008).  Ég hef ekki lesið eldri bækurnar.  Eftir að hafa lesið  Bráðar eru blóðnætur  er freistandi að komast í eldri bækurnar.

  Megin sögusvið  Bráðar eru blóðnætur  er höfuðborgarsvæðið.  Sagan byrjar bratt.  Það er strax allt að gerast.  Raðmorðingi slátrar horuðum fyrirsætum út og suður.  Tvær dömur láta sitt ekki eftir liggja.  Þær slátra öldruðum barnaníðingum hverjum á fætur öðrum.

  Við fylgjumst með lögreglunni átta sig hægt og bítandi á hvað er í gangi.  Sagan er sögð frá mörgum sjónarhornum til skiptis.  Það er klippt snöggt á milli þessara sjónarhorna.  

  Til að byrja með eru þessar hröðu skiptingar örlítið ruglingslegar.  Fljótlega venjast þær vel og verða ómissandi hluti af andrúmslofti hraðans og spennunnar.

  Yfirleitt les ég bækur í áföngum.  Það gekk ekki með  Bráðar eru blóðnætur.  Ég byrjaði í þrígang á henni.  Þegar ég ætlaði nokkrum dögum síðar að taka upp þráðinn gekk það ekki upp.  Stemmningin er þannig að það verður að lesa bókina á einni striklotu.  Bæði til að halda þræðinum og muna það sem gengið hefur á í fyrri hluta sögunnar en einnig til að fylgja dampi framvindunnar.

  Bókin er hörkuspennandi.  Þrátt fyrir að mikið gangi á er sagan nokkuð trúverðug.  Hún hefði ekki verið það á síðustu öld.  En í alþjóðumhverfi á Íslands í dag,  mansals,  barnaníðs og allskonar annars ofbeldis er þetta trúverðugt - þó ýkt sé. 

  Þórarinn Gunnarsson er pennafær.  Samtöl eru eðlileg og margir endar flækjunnar haganlega saman hnýttir.  Það er hvergi dauðan punkt að finna  Fyrst og síðast er bókin spennandi og skemmtileg þrátt fyrir að vera óhugnanleg á köflum.  Hún vekur jafnframt lesandann til umhugsunar um óhugnað barnaníðs.  Bókarkápa Kristjönu Albertsdóttur er við hæfi.

.

www.thorarinng.com

www.stigamot.is

www.aflidak.is

      .

 

Athugasemdir

[Hannes, 11.7.2010 kl. 23:51]

ZZZZZZZZZZZZZzzzzzzzzzzzzzzzzzZZZZZZZZZZZZZZZZZZZzzzzzzzzzzzzzzzzzzzzzZZZZZZZZZZZZZZZZZZzzzzzzzzzzzzzzzzzZZZZZZZZZZZZZZzzzzzzzzzzzzzzzzzzzz

[Ómar Ingi, 11.7.2010 kl. 23:57]

 Gotta Love Hannes

Áfram Spánn.

[Grefill (IP-tala skráð) 12.7.2010 kl. 08:27]

Af hverju er myndin af bókinni ekki í fókus? Finnst það lágmark að myndir sem fylgja ritdómum séu í fókus.

[Jens Guð, 12.7.2010 kl. 10:19]

  Hannes,  þú ert á kafi í bókabransanum.  En greinilega ekki að dreifa þessari bók.

[Jens Guð, 12.7.2010 kl. 10:20]

  Ómar Ingi,  Spánn?  Hvað eru þeir að afreka,  Spánverjarnir?

[Jens Guð, 12.7.2010 kl. 10:21]

  Grefill,  ég hafði um tvennt að velja:  Enga mynd af bókinni eða mynd úr fókus.  Báðir kostir vondir en annar skárri.