Vandræði vegna veðurofsa á G!Festivali

  Hundruð Íslendinga hafa sótt G!Festival í Götu síðustu ár.  Þetta er stærsta árlega tónlistarhátíðin í Færeyjum.  Fram til þessa hefur veðrið alla jafna leikið við flest alla 5000 - 6000 gesti hátíðarinnar.  Myndin í "hausi" þessa bloggs er frá G!Festivali. 

  G!Festivalið í ár hófst í dag (15. júlí) í ágætu veðri.  Er líða fór á kvöld opnuðust flóðgáttir himins.  Regnið gusaðist yfir gesti.  Kári fór að blása og náði 20 metrum á sek.  Tjöld sliguðust undan rigningunni og / eða fuku á haf út. 

  Uppistaðan af dagskránni á G!Festivali fer fram á útisviðum.  Um kvöldmatarleyti var dagskrá kvöldsins aflýst.  Meðal hljómsveita sem áttu að spila í kvöld var íslenska teknósveitin FM Belfast. 

  Ef veður leyfir verður haldið áfram með dagskrána á morgun þar sem frá var horfið.  Gestir - sem hafa aldrei kynnst öðru eins - eru ekki eins ósáttir og halda mætti.  Þeim þykir þetta hið mesta og óvæntasta ævintýri.  Þeir sem enn hafa uppistandandi tjöld hafa opnað þau fyrir þeim sem eru orðnir tjaldlausir.  Færeyingar eru svo jákvæðir og glaðværir að fátt kemur þeim úr jafnvægi.  Þeir gera ekki veður út af þessu.

Svona leit tjaldstæðið út síðdegis.  Fyrir neðan eru myndir af tjaldstæðinu er líða tók að kveldi.

 

Athugasemdir

[Jens Guð, 16.7.2010 kl. 22:40]

   Því er við að bæta að G!Festival er í góðum gír í Götu í dag.  FM Belfast hefur fengið góð ummæli í færeyskum fjölmiðlum fyrir sína frammistöðu.

[Hannes, 16.7.2010 kl. 23:16]

Gaman að sjá hversu gott veður er alltaf í Færeyjum nú til dags eða þannig.

[Hannes, 17.7.2010 kl. 22:02]

Jens kærði fíflið þig og hvað varð úr henni ef svo var?

[Jens Guð, 18.7.2010 kl. 01:00]

  Ég veit ekki til að hann hafi kært mig.  Ég held að hann sé ekki í aðstöðu til að kæra eitt né neitt.  Samt geymdi ég skilaboðin frá honum í nokkrar vikur - til öryggis.  Nennti svo ekki að eiga þau lengur þegar ekkert framhald varð á atburðarrásinni.

[gucci handbags (IP-tala skráð) 22.7.2010 kl. 02:35]

I want to have a time of challenge,but I  don't have.

[ugg boots (IP-tala skráð) 22.7.2010 kl. 02:36]

maybe I was fool.

[adidas shoes (IP-tala skráð) 22.7.2010 kl. 02:38]

why it is dry in fuzhou?  

[links of london (IP-tala skráð) 22.7.2010 kl. 02:40]

have a good mood.

[Þorsteinn Kolbeinsson (IP-tala skráð) 23.7.2010 kl. 00:29]

Jens, varst þú í Færeyjum sjálfur? Ef svo er, þá fórstu alveg framhjá mér, því ég skellti mér í fyrsta sinn á G.

[Jens Guð, 23.7.2010 kl. 00:46]

  Þorsteinn,  nei,  ég fór ekki á G!Festival í ár.  Var reyndar með það á áætlun en á síðustu stundu hætti ég við.  Meðal annars vegna þess hvernig útlit var með veður.  En fleira spilaði inn í sem of langt mál er að telja upp.  Læt þó getið að um verslunarmannahelgina verða færeyskir dagar á Stokkseyri.