Sólböð gegn sykursýki, krabbameini, þunglyndi, beinþynningu...

  Sífellt hlaðast upp sannanir fyrir því að sólböð eru holl og góð í flesta staði.  Hreint og klárt lífsnauðsynleg góðri heilsu.  Engu að síður stóðst Álfheiður Ingadóttir ekki mátið á dögunum og festi í lög að Íslendingum undir 19 ára aldri sé stranglega bannað að fara í sólbað að viðlögðum háum fjársektum,  fangelsun og eignarupptöku á sólkremum sem notuð eru við lögbrotið.

  Nú var sænsk rannsókn að staðfesta það sem margar eldri kannanir hafa bent til:  Að sólböð eru mikil og góð vörn gegn sykursýki.  Þau draga úr líkum á sykursýki um 30%.  

Sjá:  http://www.pressan.is/Frettir/LesaFrett/solbod-heilsusamleg-samkvaemt-nyrri-saenskri-rannsokn---dregur-ur-likum-a-sykursyki

http://naturalnews.tv/v.asp?v=234

http://www.jensgud.blog.is/blog/jensgud/entry/1067220/

  

Útlit fyrir gott helgarveður

Athugasemdir

[Inga Sæland Ástvaldsdóttir, 16.7.2010 kl. 11:36]

Já það er rétt að sólin léttir flesta lund, t.d er það, þar sem sólin skín hvað sjaldnast hér á jörð, meira um andlega depurð almennt  Hófleg sólnotkun fyllir kroppinn af orku, en ég tel þó að lögin hafi verið sett sem forvörn gegn húðrabba.

[doctore (IP-tala skráð) 16.7.2010 kl. 11:40]

Það er allt gott í hófi.....

[Ásdís Sigurðardóttir, 16.7.2010 kl. 11:43]

Ég er óvenju brún þessa dagana, þökk sé blíðunni og verð að segja að ég er betri í gigtinni og öðrum meinum samhliða þessum nýja lit, allt er best í hófi eins og doctorinn segir.

[Jens Guð, 16.7.2010 kl. 11:43]

  Inga Sæland,  sólböð eru öflug forvörn gegn krabbameini.  Sólböð í óhófi geta valdið skaða.  Til að mynda sortuæxli.  Flest annað sem er heilsusamlegt veldur skaða í óhófi.  Það á við um lýsi,  vatnsdrykkju og hvað sem er.

[Jens Guð, 16.7.2010 kl. 11:44]

  DoctorE,  flest er gott í hófi.  Sólböð eru bæði góð og holl í hófi. 

[Jens Guð, 16.7.2010 kl. 11:46]

  Ásdís,  gott að þú nefnir þetta með gigtina.  Sólböð hafa góð og mildandi áhrif á gigt,  bakverki og allskonar.

[Helgi Armannsson (IP-tala skráð) 16.7.2010 kl. 12:01]

http://naturalnews.tv/v.asp?v=234 svo er solin lika god gegn tunglindi og tad ma lengi telja

[Jens Guð, 16.7.2010 kl. 17:11]

  Helgi,  bestu þakkir fyrir hlekkinn.  Ég skelli honum í hvelli í færsluna.

[Gjagg (IP-tala skráð) 16.7.2010 kl. 20:19]

Slagordid hlýtur ad vera: Beint flug frá Reykjavíkurflugvelli til Sólarinnar fyrir badgesti!

[Jens Guð, 16.7.2010 kl. 20:52]

  Gjagg,  þetta er eðal slagorð.

[Sveinn (IP-tala skráð) 18.7.2010 kl. 09:49]

Ég á það til að vera mjög sérvitur og gott dæmi um það er þegar ég fæ mér banana. Í stað þess að afhýða á hefðbundinn máta þá sker ég tvo samsíða skurði eftir endilöngum banananum. Þó mætast skurðirnir við endana og eftir að hafa fjarlægt hýðið á milli þeirra er auðvelt að þrýsta banananum úr hýðinu. Reyndar minnir hýðið þá óneitanlega á bát. Einum enskumælandi vini mínum varð þá á orði: "Ahhh, now I finally know what people mean when talking about BANANA BOAT"!!!

[Jens Guð, 18.7.2010 kl. 13:10]

   Sveinn,  takk fyrir þessa skemmtilegu sögu.  Ég ætla að reyna að venja mig á þessa aðferð.  Hún hljómar vel.