Hnefaleikakeppni aldarinnar

 

   Það stendur mikið til.  Jói sleggja hefur skorað á sjálfan sig í boxeinvígi aldarinnar.  Það hefur aldrei áður ríkt jafn mikill spenningur fyrir hnefaleikakeppni.  Hnefaleikahöllin er þéttsetin.  Það er fyrir löngu síðan uppselt á bardagann.  

  Fyrsta lota byrjar frekar rólega.  Jói sleggja þreifar fyrir sér.  Hann er að kynnast sér.  Vega og meta veikleika sína og styrkleika.  Rétt áður en bjallan glymur nær Jói sleggja að koma upphöggi á sjálfan sig.  En nær að verjast með því að sveigja andlitið aftur á bak á síðustu stundu.  En hrekst um leið út í horn.

  Næsta lota hefst á harðri sókn.  Jói sleggja á í vök aö verjast.  Áhorfendur standa með honum.  Það gefur honum aukið sjálfstraust.  Hann verst eins og óður maður um leið og hann reynir að finna veika bletti á sjálfum sér.  Ótal vindhögg setja strik í reikninginn.  Jói sleggja finnur fyrir þreytu.  En hann lætur ekki deigan síga.  Það er að duga eða drepast. Hann lætur höggin dynja á sér.  En verst samt hetjulega.  Hugsunin snýst um að verja höfuðið fyrir óvæntum stungum.

  Bjallan hringir.  Það er jafntefli enn sem komið er.  Jói sleggja ákveður í samráði við þjálfara sinn að beita óþokkabrögðum í 3ju lotu.  Um leið og hún hefst kýlir Jói sleggja viljandi undir beltistað.  Dómarinn dregur upp gula spjaldið.  Jói hrifsar gula spjaldið af dómaranum og étur það.  Það snöggfýkur í dómarann.  Hann dregur upp rauða spjaldið.  Jói sleggja hrifsar það einnig af honum og étur það.  Dómarinn gefur merki um hlé á bardaganum.  Síðan kallar hann reiðilega og skipandi til þjálfarans hans Jóa sleggju:  "Komdu með vatn handa kallinum.  Það er ekki hægt að láta hann éta tvö skraufþurr spjöld í röð án þess að drekka vatn með."

  Þjálfarinn hlýðir.  Jói sleggja þambar tvo lítra af vatni og biður um meira.  Hann er í stuði.  Hann kemur auga á skúringafötuna fulla af óhreinu sápuvatni og þambar allt úr henni líka.  Jói sleggja er hörkutól og engin pempía.  Hann rífur moppuna af skúringastönginni og sporðrennir henni (ekki skúringastönginni.  Bara moppunni).  Enda orðinn svangur eftir allan hamaganginn.  

  Það gutlar í Jóa sleggju þegar dómarinn hleypir bardaganum í gang aftur.  Jói sleggja tekur á öllu sínu.  Undir lok 3ju lotu nær hann upphandarhöggi og vankast.  Hann fylgir því eftir með rothöggi beint í andlitið.  Dómarinn gefur merki um að bardaganum sé lokið.

  Áhorfendur tryllast.  Allir standa með Jóa sleggju.    

  Jói sleggja rankar við sér.  Dómarinn krýnir hann sigurbelti undir drynjandi lófaklappi áhorfenda.  Þegar Jói sleggja yfirgefur hringinn flykkjast fréttamenn að honum.  Spurningarnar dynja á Jóa.  Aðallega sú hvers vegna hann berjist bara við sjálfan sig.  Jói sleggja svarar hreinskilnislega.  Hann hefur engu að leyna:  "Ég hef einfaldan smekk. Ég berst aðeins við þann besta."

----------------------------

Fleiri smásögur og leikrit:

 - Peysuklúbburinn

http://www.jensgud.blog.is/blog/jensgud/entry/1059543/

.

 - Vinalegur náungi:

http://jensgud.blog.is/blog/jensgud/entry/1041105

.

 - Gamall einbúi

 http://jensgud.blog.is/blog/jensgud/entry/1036775

.

- Saga af systrum

http://www.jensgud.blog.is/blog/jensgud/entry/1017021/

.

 - Jólasaga

http://www.jensgud.blog.is/blog/jensgud/entry/1008279/

.

- Á rjúpnaveiðum:

http://www.jensgud.blog.is/blog/jensgud/entry/988782/

.

- Ólétta nunnan:

http://www.jensgud.blog.is/blog/jensgud/entry/978349/

.

- Gullfiskur:

http://jensgud.blog.is/blog/jensgud/entry/965433

.

- Flugvélamódel:

http://jensgud.blog.is/blog/jensgud/entry/955702

.

- Miðaldra maður:

http://jensgud.blog.is/blog/jensgud/entry/944608

.

- Leyndarmál stráks:

http://jensgud.blog.is/blog/jensgud/entry/928198

.

- Ættleiðing:

http://jensgud.blog.is/blog/jensgud/entry/916687/

.

- Strákur með sög:

http://jensgud.blog.is/blog/jensgud/entry/903540

.

- Hundur:

http://jensgud.blog.is/blog/jensgud/entry/863130

.

- Boltabulla:

http://jensgud.blog.is/blog/jensgud/entry/718347

.

- Skokkari:

http://jensgud.blog.is/blog/jensgud/entry/606929

.

- Strákur skiptir um gír:

http://jensgud.blog.is/blog/jensgud/entry/538649

.

- Morðsaga:

http://jensgud.blog.is/blog/jensgud/entry/320299

.

- 27 ára:

http://jensgud.blog.is/blog/jensgud/entry/299380

.

- Um borð:

 http://jensgud.blog.is/blog/jensgud/entry/278812

.

- Matarboð í sveitinni:

http://jensgud.blog.is/blog/jensgud/entry/266411

.

- Í plötubúð:

http://jensgud.blog.is/blog/jensgud/entry/260037

Athugasemdir

[Helga Kristjánsdóttir, 16.7.2010 kl. 23:58]

 Rétt eins og Jói,berst ég við mig,munurinn er bara ég er sú slakasta. Kvenna box er til,auðvitað veistu það. Dóttir Muhameðs Ali,eða Casiusar Clay,var slyngur boxari.

[Jens Guð, 17.7.2010 kl. 00:11]

  Helga,  það er betra að berjast við sjálfan sig en vindmillur.  Sigurlíkurnar eru meiri.

[Aðalsteinn Agnarsson, 17.7.2010 kl. 00:16]

Jens,  á ekki að tala við útgefanda ?

[Jens Guð, 17.7.2010 kl. 00:23]

  Aðalsteinn,  ég er með útgáfusamning.  Og reyndar tilboð frá þremur útgefendum.  Í október er væntanleg bók sem ég skrifa um færeysku söngkonuna Eivöru.  Aðrar bækur fylgja eftir á næstu árum.

  Þar fyrir utan var kafli eftir mig í bókinni "Íslenskar gamansögur" sem kom út í fyrra.  Þar var safn,  einskonar "best of",  úr bloggfærslum mínum.

  Einnig í bók sem kom út fyrir tveimur árum um Önnu frænku mína frá Hesteyri.  Sú bók inniheldur ótal sögur af bloggi mínu um Önnu.

[Hannes, 17.7.2010 kl. 00:24]

Skemmtileg saga af manni sem á að vera ruglaður skrifuð af snargeðveikum bloggara sem þarf að leggjast inn á sogn hið snarasta.

[Helga Kristjánsdóttir, 17.7.2010 kl. 00:37]

 Jens,legg til að þú hafir skemmtileg ummæli eins og Hannesar á saurblaðinu,þið getið drepið mig  (oft,, hef 9 líf) af hlátri.

[Hannes, 17.7.2010 kl. 00:43]

Helga ég mæli með að umæli númer 6 sex við þessa færslu verði líka sett á saurblaðið og það fremst.

[Jens Guð, 17.7.2010 kl. 00:52]

  Hannes (#5),  ég fatta ekki hvar Sogn kemur inn í dæmið.  Ég veit ekki einu sinni hvar Sogn er.

[Jens Guð, 17.7.2010 kl. 00:54]

  Helga,  kannski er ástæða til að setja í inngang bókar þakkir til Hannesar fyrir "innspírasjón"?

[Jens Guð, 17.7.2010 kl. 00:54]

  Hannes (#7),  ég sendi ekki frá mér bók með saurblaði.

[Jens Guð, 17.7.2010 kl. 00:56]

  Hvað segið þið annars um söguna?  Er hún of "sýrð"?

[Jens Guð, 17.7.2010 kl. 00:58]

  Niðurlagið er tilvísun í þekkta auglýsingu frá útvarpsstjóra RÚV:  "Ég hef einfaldan smekk.  Ég geng í fötum frá Karli..."

[Grefill (IP-tala skráð) 17.7.2010 kl. 01:07]

Nei, nei, hún er að vísu sýrð, en góð. Mátulega stutt/löng líka. Tekur óvenjulegan vinstri sveig strax í byrjun ... og síðan nokkra hægri króka ... en gengur samt upp að lokum. Bindur alla lausa enda í eina heildarmynd. Vel leikin líka.

[Grefill (IP-tala skráð) 17.7.2010 kl. 01:09]

ps. Það er örugglega hægt að sjá nokkrar hliðar á þessari sögu.

[Jens Guð, 17.7.2010 kl. 01:23]

  Grefill,  bestu þakkir fyrir þessa umsögn.

[Jens Guð, 17.7.2010 kl. 01:27]

  Þetta á að vera margslungin saga sem hægt er að meta út frá mörgum sjónarhornum. 

[Jens Guð, 17.7.2010 kl. 01:30]

  Ef vel er að gáð jafnvel með tilvísun í útrásarvillingana.

[Grefill (IP-tala skráð) 17.7.2010 kl. 01:48]

 Jens, þú segir:  "Þetta á að vera margslungin saga sem hægt er að meta út frá mörgum sjónarhornum."

Það er ekki orðrétt en samt nákvæmlega það sem ég sagði í minni ítarlegu umsögn.

Þannig að: Mission Complete!

[Hannes, 17.7.2010 kl. 01:50]

Jens 8. Ég var að tala um réttargeðdeildina á sogni. 10 Það væri frábært ef þú prentaðir hana á pappír svipaðan klósettpappír svo að maður gæti notað hana til að skeina sig þegar maður er búinn að lesa saursíðurnar.

Líst vel á að fá þakkir inn í bókarkápu.

[Grefill (IP-tala skráð) 17.7.2010 kl. 01:51]

"Ef vel er að gáð jafnvel með tilvísun í útrásarvillingana."

Já, ásamt hárfínnri ádeilu á dómstólana.

[Hannes, 17.7.2010 kl. 03:08]

Jens hér kemur smá sýra handa þér gamli. Skemmtu þér vel.

[Jón bóndi (IP-tala skráð) 17.7.2010 kl. 10:48]

Voðalega vitlausir,
vinirnir tveir eru.
Samt ekki eru litlausir,
litlu greyin þveru.

[Gsss (IP-tala skráð) 17.7.2010 kl. 14:56]

Akebono flottur á því

[Jens Guð, 18.7.2010 kl. 02:14]

  Grefill (#18),  ég hafði grun um það.

[Jens Guð, 18.7.2010 kl. 02:17]

  Hannes (#19),  nú átta ég mig á hvað Sogn er.  Mér fannst Sogn vera einhverskonar afvötnunarhæli eða vistheimili fyrir vandræðaunglinga.  Réttargeðdeild hljómar miklu betur.  Ég verð að láta bókaforlagið um í hvaða formi útgáfan verður.

[Jens Guð, 18.7.2010 kl. 11:21]

  Grefill (#20),  einmitt.

[Jens Guð, 18.7.2010 kl. 11:22]

  Hannes (#21),  ég varð ringlaður.  Þetta er svo sýrð steypa.

[Jens Guð, 18.7.2010 kl. 11:23]

  Jón bóndi,  takk fyrir vísuna.

[Jens Guð, 18.7.2010 kl. 11:23]

  Gsss,  hver er Akebono?

[Hannes, 18.7.2010 kl. 14:51]

Jens þetta er skemmtileg sýra fyrir ruglaðan mann sem semur rugl eins og þessi saga sem þú skrifaðir er.

[Jens Guð, 18.7.2010 kl. 19:18]

  Hannes,  þetta er ekki sýra.  Þetta er raunsæ dæmigerð kalþósk saga.

[Hannes, 18.7.2010 kl. 21:27]

Því miður þá er þetta að ske í mörgum kirkjum í dag og hefur gerst öldum saman. Spurning hvort þú gerist ekki kaþólskur prestur Jens?

[Jens Guð, 18.7.2010 kl. 21:49]

  Hannes,  ég hef viðbjóð á barnaníði.  Og kaþólsku kirkjunni.  Og páfanum.  Og Vatikaninu.

[Hannes, 20.7.2010 kl. 00:21]

Jens ertu bara ekki öfundsjúkur yfir því að vera ekki Kaþólskur prestur?