Íslenskt lag á færeyskri plötu

 

  Fyrir nokkrum dögum kom út platan  Syng ein góðan  með færeyska stuðboltanum Jens Lisberg.  Þar flytur hann lagið  Litli tónlistarmaðurinn  eftir Freymóð Jóhannesson.  Það er þekktast í flutningi Bjarkar Guðmundsdóttur á plötunni  Gling gló.  Í flutningi Jens Lisbergs heitir lagið  Mamma.   Jens Lisberg er í hópi vinsælustu tónlistarmanna Færeyja.  Hann hefur sent frá sér á annan tug platna.  Fjöldi laga hans hafa skorað hátt á færeyskum vinsældalistum.

  Sex manna hljómsveit Jens Lisbergs leikur fyrir dansi á Færeyskum fjölskyldudögum á Stokkseyri núna um verslunarmannahelgina.  Það verður mikið hopp og hí.  Fjörlegir dansleikir eru sérsvið Jens Lisbergs og félaga.  Í bland við frumsamin lög og önnur vinsæl færeysk lög flytur Jens Lisberg þekkt bandarísk kántrý-stuðlög á borð við  Hello Mary Lou  og  Diggi,  Liggy,  Lo.   Þau syngur Jens við færeyska texta eftir Karl Eli.  Það verður heldur betur líf og fjör á dansgólfinu á Stokkseyri um helgina.

  Hér má heyra sýnishorn af lögunum á plötunni  Syng ein góðan.  Lagið  Mamma  er nr. 10: 

 http://www.tonlist.is/Music/Album/536897/jens_lisberg/syng_ein_godan/

  Hér má lesa meira um plötuna:

http://www.tutl.com/webshop/index.php?productID=477&PHPSESSID=2472besnacl4d2kc81g2n0itv3

  Hér er hægt að heyra fjögur lög sem Jens Lisberg syngur á ensku fyrir alþjóðamarkað:

http://www.myspace.com/jenslisberg

  Meira um Færeyska fjölskyldudaga á Stokkseyri:

http://www.facebook.com/event.php?eid=140751525953424&ref=search#!/pages/Faereyskir-fjolskyldudagar/140770739276188?ref=ts

http://www.stokkseyri.is/web/news.php?nid=4934&view=one

Athugasemdir

[sn (IP-tala skráð) 27.7.2010 kl. 11:34]

Litli tónlistarmaðurinn er örugglega mun þekktara í flutningi Erlu Þorsteinsdóttur en Bjarkar, með fullri virðingu fyrir Björk.

[Jens Guð, 27.7.2010 kl. 12:01]

  SN,  þetta er eflaust rétt hjá þér hvað varðar eldri Íslendinga.  Í flutningi Bjarkar hefur lagið hinsvegar verið spilað í útvarpsstöðvum víða um heim og selst í mörg tugþúsundum eintaka.  Hann er til sölu á helstu plötuverslunum á netinu:

http://www.amazon.com/s/ref=nb_sb_ss_i_0_11?url=search-alias%3Dpopular&field-keywords=bjork+gling+glo&sprefix=Bjork+gling&ih=8_1_1_0_0_1_0_0_0_1.113_306&fsc=7

http://www.allmusic.com/cg/amg.dll?p=amg&sql=10:dbfoxqrjld0e

http://www.play.com/Music/CD/6-/Search.html?searchstring=Gling+gl%C3%B3&searchtype=musicall&searchsource=0

[Gjagg (IP-tala skráð) 27.7.2010 kl. 22:22]

Gud...komst thú nálaegt hönnun á umslaginu?

[Jens Guð, 27.7.2010 kl. 23:08]

  Gjagg,  nei,  ég kom ekki nálægt umslaginu.  Eina aðkoma mín var að redda nafna mínum leyfi fyrir flutningnum á  Litla tónlistarmanninum.