Æðislega flottur útvarpsþáttur

  Gunni "Byrds" fór á kostum í útvarpsþættinum  Fram og til baka og allt í kring  á Nálinni fm 101,5 á milli klukkan 11.00 til 13.00 í dag (sjá: http://www.jensgud.blog.is/blog/jensgud/entry/1082979/) .  Lagavalið var fjölbreytt og spennandi.  Í bland voru lög sem hafa sjaldan eða aldrei heyrst í útvarpi og önnur sem langt er síðan ómuðu í útvarpinu.  Þátturinn verður endurspilaður, ja,  vonandi sem oftast.  Ég er ekki klár á hvenær.  Sennilega í kvölddagskrá næstu daga.

  Gunni byrjaði bratt á hörðum blúslögum með Eric Clapton og John Mayall.  Síðan tóku við kántrý-skotin lög með Gram Parsons og fleirum.  Blondie og Jethro Tull fylgdu í kjölfarið;  Tom Petty,  Bob Dylan,  Gene Clarke,  Elvis Costello og Manfred Mann.  Áhugaverður samanburður var gerður á flutningi The Byrds og senegalska tónlistarmanninum Yousso N´Dour á lagi Bobs Dylans  Chimes of Freedom.  Gullmolinn var fyrsta The Clash lagið,  Rock and Roll Time  af meistaraverkinu  Cardiff Rose  með Roger McGuinn.   Þetta magnaða rokklag sömdu þeir Roger og Kris Kristofferson saman.  Því miður er lagið ekki að finna á þútúpunni. 

  Í kynningum á milli laga fylgdu ýmsir fróðleiksmolar.  Það verður spennandi að fylgjast með næstu þáttum Gunna "Byrds" á milli klukkan 11.00 og 13.00 á laugardögum á Nálinni fm 101,5.  Eftir þáttinn brugðum við Gunni okkur á Bar 46 á Hverfisgötu.  Þá brá svo við að ýmsir gestir staðarins höfðu hlustað á þáttinn.  Nálin virðist því vera strax með ágæta hlustun.

  Einn gestur,  Ólafur Haukur (ekki Símonarson en Dylan-fan og skólagenginn í Varmahlíð í Skagafirði),  sagðist hafa náð Nálinni illa á útvarpstæki sitt.  Hann skellti sér þá á netið,  http://media.vortex.is/nalinfm,  og hlustaði á hreina og tæra útsendingu þar. 

 

Athugasemdir

[Hannes, 7.8.2010 kl. 16:31]

Áhugavert.

[Jens Guð, 7.8.2010 kl. 16:36]

  Hannes,  þarna var ekkert grískt væl með Demis Roussos eða kanadískt píkukántrý með Shania Twain.

[Hannes, 7.8.2010 kl. 16:42]

þetta er ekki væl gamli.

[Markús frá Djúpalæk, 7.8.2010 kl. 16:49]

Gunni er einfaldlega snillingur!

[Jens Guð, 7.8.2010 kl. 16:57]

  Hannes,  hvað er það þá?  Grískur grátsöngur og kanadísk ofurvæmni?

[Jens Guð, 7.8.2010 kl. 16:58]

  Markús,  Gunni sannaði það að hann er einn flottasti útvarpsmaður landsins. 

[Hannes, 7.8.2010 kl. 16:59]

Ýttu á feitletruðu orðin sjónlaus.

[Jens Guð, 7.8.2010 kl. 17:12]

  Hannes,  takk fyrir ábendinguna.  Ég var ekki búinn að fatta þetta með kínverska herinn.  En mikið er þetta leiðinleg músík.  Sömu aðilar búnir að banna Björk í Kína.  Eins og Björk er flott.

[Jens Guð, 7.8.2010 kl. 17:14]

  Ég bæti hér við frábært lag með Björk;  baráttulag fyrir sjálfstæði Færeyja og Grænlendinga:   http://www.youtube.com/watch?v=igOWR_-BXJU

[Jens Guð, 7.8.2010 kl. 17:14]

...frábæru... ætti það að vera.

[Hannes, 7.8.2010 kl. 18:23]

Jens. Það ætti að gefa þeim verðlaun fyrir að banna Björk enda þarft verk sem mætti gera í fleiri löndum. Ef ESB myndi banna hana þá yrði ég mun ánægðari með þetta umsóknarferli hjá ríkisstjórninni. Hlutaðirðu ekki á hitt lagið gamli?

[Jens Guð, 7.8.2010 kl. 21:18]

  Ég var of fattlaus til að fatta að þarna væri einnig vísan í annað myndband.  Ég kann vel við Rammstein.  Á nokkrar plötur með þeim og fór á hljómleika með þeim í Laugardalshöllinni.

  Ég er andvígur inngöngu Íslands í ESB.  En er ekkert andvígur ESB sem slíku fyrir því.  Blessunarlega hefur ESB ekki haft uppi neina tilburði í þá átt að banna músík af neinu tagi.  Þvert á móti ætla ég að evrópskar þjóðir séu stoltar af að snillingurinn Björk sé frá Evrópu.  Björk er í hópi stórkostlegustu tónlistarmanna rokksögunnar.

[Gunnar (IP-tala skráð) 7.8.2010 kl. 23:22]

Jens. Hvað er að þessum Hannesi?? þvílík fordóma og þekkingarlausa ruslatunna er þetta?? Er hannað grínast??

[Hannes, 7.8.2010 kl. 23:41]

Jens. Ég er líka andvígur inngöngu í ESB. Rammstein er snilldar hljómsveit.

Gunnar. Ég er alltaf að grínast að einhverju leiti en til að skilja skrifin mín þá þarftu að vera búinn að lesa þau í smá tíma.

[Jens Guð, 8.8.2010 kl. 00:30]

  Gunnar,  hann Hannes er með sérkennilegan húmor.  Og ennþá sérkennilegri músíksmekk.  Maðurinn hlustar jöfnum höndum á kanadískt píkukántrý (Shania Twain) og gríska grátsöngva (Demis Rousso).  Ég verð yfirleitt ringlaður og illa vankaður þegar ég hlusta á myndbönd sem hann vísar á.   

[Jens Guð, 8.8.2010 kl. 00:31]

  Hannes,  aldrei fór það svo að við næðum ekki saman í Rammstein.  Znilldar flott hljómsveit.