Sunnudagshugvekjan

 

  Nýja útvarpsstöðin,  Nálin fm 101,5,  hefur slegið rækilega í gegn.  Þó er stöðin ekki vikugömul.  Þar er spilað klassískt rokk (classic rock) eins og enginn sé morgundagurinn.  Eða þannig.  Jú...eða...sko...annað kvöld er Sunnudagshugvekja.  Nánar tiltekið á milli klukkan 19.00 og 21.00.  Það er tvískiptur þáttur.  Fyrri klukkutímann spila ég valin rómantísk og væmin vel þekkt klassísk rokklög.  Það kemur ekki til greina að lögin verði óvalin.  Ég á eftir að taka þau til.  Mér þykir líklegt að það verði eitthvað á línunni Led Zeppelin-Deep Purple-Black Sabbath.  Ekki endilega með þessum hljómsveitum.  En eitthvað í svipuðum stíl.  Ég reyni að spila lög sem ég hef ekki þegar heyrð spiluð á Nálinni.  Ég reyni. 

  Í seinni hluta þáttarins spila ég íslensk lög í bland við "heimspopp".  Ég hallast frekar að íslenskum lögum sungnum á íslensku.  Það er asnalegt að heyra Íslendinga syngja á útlensku fyrir Íslendinga.  Á þessu augnabliki veit ég ekki hvort lögin verða með Trúbroti,  Mánum,  Óðmönnum eða öðrum úr þeirri deild.

  "Heimspoppið" verður ekki bundið við það sem kallast "World Music".  Það verða öllu frekar lög með alþjóðlegu yfirbragði en sungin á móðurmáli flytjandans.  Þetta geta verið lög sungin á tyrknesku,  japönsku,  frönsku,  portúgölsku,  grænlensku,  pólsku eða hvaða tungumáli sem er.  Flott lög.  Það er málið á Nálinni fm 101,5.

  Kannski getur verið gaman að vera með fasta liði í hverjum þætti.  Til að mynda pönkklassík vikunnar,  reggílag þáttarins og skrítna lagið.  Pönkklassíkin er þá sótt í smiðju þekktustu laga pönkbyltingar áttunda áratugarins.  Reggílagið er þá ekta jamaískt (ekki Eric Clapton eða UB40 að spila Bob Marley né annað enskt reggí-popp).  Skrítna lagið getur verið eitthvað þar sem flytjandinn tekur músíkina öðrum tökum en venja er með hefðbundin popplög.  Það ræðst af viðbrögðum hlustenda hversu langlífir þessir föstu dagskrárliðir verða.  Þar fyrir utan verð ég ekki einn með þáttinn í framtíðinni.  Sigvaldi heitir maður sem deilir þættinum með mér eftir þennan fyrsta þátt.  Ég veit ekki hverjar hans pælingar eru með þáttinn.  

 

  Hægt er að hlusta á Nálina á netinu:  .http://media.vortex.is/nalinfm

.

       

Athugasemdir

[Guðmundur Júlíusson, 7.8.2010 kl. 23:18]

Skv lýsingu þinni virðist þetta vera minn tebolli!! en ég einfaldlega næ þessu ekki á mínu útvarpi!!!!

Why???

[Gjagg (IP-tala skráð) 7.8.2010 kl. 23:27]

Gaman gaman!  Thú verdur endilega ad spila lagid: "Thad er svo geggjad ad geta hneggjad"  Eitt skemmtilegasta lag sem ég hef hlustad á.  Svo vaeri ég til í ad heyra "Spurningar Ara" og af plötu Megasar Nú er ég klaeddur og kominn á ról Agg gagg gagg sagdi tófan á grjóti og fleiri lög af theirri ágaetu plötu.

Thetta verdur ansi ánaegjuleg stund med "í-eyru heyrnatól" liggjandi í thaegindum med snarl og drykk vid hönd.

[Jens Guð, 7.8.2010 kl. 23:56]

  Guðmundur,  ég hef heyrt frá fleirum sem eiga í erfiðleikum með að ná Nálinni á fm 101,5.  Ráðið er þá að fara á netið:  .http://media.vortex.is/nalinfm

[Sigurður I B Guðmundsson, 8.8.2010 kl. 00:03]

Frábær stöð Nálin. Loksins komin alvöru tónlistastöð en ekki bara Abba stöð eins og 909 er.

[Jens Guð, 8.8.2010 kl. 00:03]

  Gjagg,  ég skal svo sannarlega spila þessi lög.  Ég er ekki viss um að ég nái að finna þau fyrir þáttinn á morgun.  Vandamálið er að plötusafnið mitt er í kössum á lagerhúsnæði sem ég er með.  Allt óflokkað í tugum kassa.  Áður en þátturinn fer í loftið á morgun róta ég í efstu kössunum.  En ég á þessi lög og set stefnuna á þau.  Alveg klárt mál að ég á eftir að spila þau þó það verði ekki endilega í þættinum á morgun.

[Jens Guð, 8.8.2010 kl. 00:06]

  Sigurður,  ég veit ekki hvað 909 er.  Abba er viðbjóður djöfulsins og verður vonandi aldrei spiluð á Nálinni.  Pottþétt allavega ekki í mínum þætti. 

[Gjagg (IP-tala skráð) 8.8.2010 kl. 00:31]

Einnig gaetir thú einhverntíma haft sérstakan THE RESIDENTS kynningarthátt.

http://www.youtube.com/watch?v=i_tElQ_JPgc

[Jens Guð, 8.8.2010 kl. 00:54]

  Gjagg,  ég á áreiðanlega eftir að spila Residents.  Í fljótu bragði held ég þó að heill 2ja tíma þáttur um Residents myndi ekki gera sig.  Það er þreytandi fyrir hlustendur að sitja undir löngu prógrammi með lögum sem þeir hafa ekki heyrt áður.

  Ég man ekki hvort ég nefndi það við þig eða einhvern annan fyrir margt    löngu að tveir kunningjar mínir hafa spilað inn á plötur með Reisdents.  Annarsvegar breski gítarleikarinn Fred Frith.  Hinsvegar bandaríski trommarinn Chris Cutler. 

[Djöfullinn Sjálfur, Heitasta helvíti, íbúð 105, Sími 666 (IP-tala skráð) 8.8.2010 kl. 03:22]

Ég mótmæli harðlega að Abba sé viðbjóður djöfulsins.

Ég hef aldrei haft neitt saman að sælda við Abba-flokkinn
og frábið mér algjörlega svona tilhæfulausar persónuárásir.

Vinsamlega birtið til mín afsökunarbeiðni.

Að öðrum kosti gríp ég tl viðeigandi ráðstafana.

Virðingarfyllst,

[Sveinn Elías Hansson, 8.8.2010 kl. 07:41]

Má  ég bi'ðja um Age Aleksandersen og sambandið, ef þig vantar diska á ég 18 stykki með þessum frábæra Norska rokkara.

[Gjagg (IP-tala skráð) 8.8.2010 kl. 08:30]

Ég kynntist THE RESIDENTS einmitt í gegnum svona útvarpsthátt (erlendur tháttur)  Sá tháttur var örugglega í tvo tíma og einn af fleirum tháttum sem fjölludu einvördungu um THE RESIDENTS.  Thetta passar thér mjög vel thar sem thú hefur sögur ad segja um bandid.  Audvitad fellur thetta ekki ad smekk allra.   Kannski réttara ad gefa viku-vidvörun til theirra sem eru fyrir thad hefdbundna.  En svona tháttur yrdi mjög mikils metinn af theim sem saekjast eftir frumleika.  Ef thú skapadir thátt á thessum nótunum gaeti svo farid ad thinn tháttur yrdi smám saman eda jafnvel strax virtur "cult" tháttur svipadur og Áfangar voru í gamla daga.

Mér líst sérstaklega vel á thetta:

" "Heimspoppið" verður ekki bundið við það sem kallast "World Music".  Það verða öllu frekar lög með alþjóðlegu yfirbragði en sungin á móðurmáli flytjandans.  Þetta geta verið lög sungin á tyrknesku,  japönsku,  frönsku,  portúgölsku,  grænlensku,  pólsku eða hvaða tungumáli sem er.  Flott lög."

Besta tónlist sem ég hef heyrt er filippeysk thorpstónlist.  Thorpsbúar í pínulitlu thorpi á Filippseyjum spiludu á heimasmídud hljódfaeri.  (Sjónvarpstháttur)  Thad óvenjulega og óvaenta er oft mjög áhugavert.

Jú thú varst búinn ad nefna thetta vid mig í samb. vid kunningja thína og ad TR hafi spilad med grímur.  Kom mér skemmtilega á óvart.

[Gjagg (IP-tala skráð) 8.8.2010 kl. 09:29]

Adalatridid er ad thú hafir gaman af ad sjá um tháttinn og ad thú gerir thad á thinn hátt og spilir thá tónlist sem heillar thig mest thví thá eru gódar líkur á ad hlustendur ladist ad thaettinum.

[Ásdís Sigurðardóttir, 8.8.2010 kl. 14:02]

Æ Jens, þú ert svo mikið krútt

[Jens Guð, 8.8.2010 kl. 14:49]

  Djöfullinn sjálfur,  þú verður að grípa til viðeigandi ráðstafana.

[Jens Guð, 8.8.2010 kl. 14:51]

  Sveinn Elías,  ég skal spila Áka í þættinum eftir viku og oftar.  Ég á nokkrar plötur með honum.  Þar eru mörg áhugaverð lög.

[Jens Guð, 8.8.2010 kl. 15:29]

  Gjagg,  mér þykir ólíklegt að 2ja tíma þáttur verði lagður undir Residents.  Kemur þar margt til.  Í fyrsta lagi gerir Nálin út á klassískt rokk (classic rock).  Tónlist Residents fellur ekki undir það hugtak.  Samt er í fínu lagi að spila af og til einstök lög með Residents í bland við klassísk rokklög.

  Í öðru lagi er uppskriftin að þættinum mínum þannig að í fyrri hlutanum eru spiluð þekkt klassískt rokklög en í seinni hlutanum íslensk lög í bland við heimspopp.  Reisdents passa í hvorugan pakkann.  En samt um að gera að vera með undantekningar inn á milli.

  Í þriðja lagi er ég ekki einn með þáttinn.  Sigvaldi nokkur er meðstjórnandi.  Við eigum eftir að spjalla saman og finna út hvernig samstarfinu verður háttað.

  Engu að síður:  Ég á eftir að lauma lagi og lagi með Residents í pottinn.

[Jens Guð, 8.8.2010 kl. 15:29]

  Ásdís,  takk fyrir það. 

[Sigurður I B Guðmundsson, 8.8.2010 kl. 21:30]

Sæll Jens. Náði því miður ekki að hlusta á allan þáttinn þinn áðan en það sem ég heyrði fannst mér mjög gott. Þú spilaðir lag með Kim Larsen og talaðir um gott sálmalag. Eitt besta ef ekki besta sálmalag sem ég hef heyrt er með CCR og heitir I wish. Tjakkaðu á því.

[Ómar Ingi, 8.8.2010 kl. 21:40]

Þarf að fara tékka á þessum ósköpum

[Markús frá Djúpalæk, 8.8.2010 kl. 23:05]

Gott það sem ég heyrði! Áfram Jens :)

[Brynjar Klemensson (IP-tala skráð) 8.8.2010 kl. 23:50]

Jens kominn i utvarp list vel á það.

[Jens Guð, 9.8.2010 kl. 01:39]

  Sigurður,  takk fyrir það.  Lagið sem þú vísar til með CCR er sennilega (Wish I Could) Hideaway.  Ég á það á plötunni  Pendulum.  Snilldar sálmur sem John Fogherty syngur frábærlega flott.

[Jens Guð, 9.8.2010 kl. 01:40]

  Ómar Ingi,  endilega.

[Jens Guð, 9.8.2010 kl. 01:41]

  Markús,  takk fyrir það.  Það sem ég hef heyrt af morgunútvarpinu þínu er líka assgoti gott.

[Jens Guð, 9.8.2010 kl. 01:49]

  Billi,  mér lýst líka vel á það.  Mér varð einmitt hugsað til þín þegar ég var með í höndunum plötur Deep Purple,  Uriah Heep og Gildrunnar.  Þá flaug mér í hug:  "Þetta er bara eins og tekið úr plötuskápnum hans Billa Start."

  Í fljótfærni við að setja saman lagalistann rétt fyrir útsendingu ákvað ég á síðustu stundu að geyma Gildruna til næsta eða þarnæsta þáttar.  Mér fannst þau lög með Gildrunni sem ég hafði í huga ekki passa alveg við "flæðið" í prógramminu í gær.  Ég á eftir að spila mörg lög með Gildunni á næstu mánuðum.