Rómantíski hálftíminn

  Í kvöld,  nánar tiltekið klukkan 22.00,  fer í loftið þátturinn  Rómantíski hálftíminn.  Það er þáttur með búfræðingnum Jóhanni Kristjánssyni á Nálinni fm 101,5.  Þrátt fyrir nafnið á þættinum,  Rómantíski hálftíminn,  verður hann í loftinu til klukkan 1.00 eftir miðnætti.  Í það minnsta. 

  Mánaðarlega verður Jóhann með gest í þættinum,  fræga rokkstjörnu,  sem kemur með uppáhaldslögin sín undir hendinni og leyfir hlustendum Nálarinnar að heyra.  Að öðru leyti hef ég ekki hugmynd um hvað annað verður undir nálinni hjá Jóhanni. 

  Svo ég skjóti blint út í loftið þá giska ég á eitthvað ljúft með Iron Maiden,  Black Sabbath og / eða The Prodigy.  Hægt er að hlusta á þáttinn á netinu:   http://media.vortex.is/nalinfm 

Athugasemdir

[Ómar Ingi, 11.8.2010 kl. 20:46]

Sérlega rómantískur eða þannig

[Jens Guð, 11.8.2010 kl. 21:09]

  Ómar Ingi,  nú á eftir að reyna á það.  Fólk hefur mismunandi afstöðu til rómantíkur.  Það sem kallaðist ný-rómantík í bresku tölvupoppi níunda áratugarins var af mörgum kallað kuldarokk.  Þeim þótti það vélrænt og sálarlaust á meðan öðrum þótti það væmið.