Lagalistinn í kvöld

 

 Sunnudagshugvekjan  var á dagskrá Nálarinnar fm 101,5 á milli klukkan 19.00 og 21.00 í kvöld.  Það er eiginlega að komast hefð á að  Sunnudagshugvekjan  sé á dagskrá á sunnudögum á þessum tíma.  Svo er hún endurflutt á föstudagskvöldum á sama tíma;  á milli klukkan 19.00 og 21.00. 

  Sigvaldi Búi var tæknimaður og meðstjórnandi fyrstu vikurnar.  En það er eins og það hitti illa á fyrir hann að mæta á þessum tíma.  Að minnsta kosti spurðist ekkert til hans í kvöld.  Sem betur fer greip ég með mér á síðustu stundu nokkrar aukaplötur.  Til vara.  Það kom sér aldeilis vel.  Verra er að mig vantar meiri þjálfun á tækniborðið til að allt gangi eins og smurt fyrir sig.  Í kvöld varð mér einhvern veginn á að ýta á takka sem slökkti á músíkinni.  Það er gaman þegar svoleiðis gerist.  En ennþá meira gaman þegar mér tókst að finna út hvað olli vandræðunum.

  Þannig var lagalistinn í kvöld:

1    Kynningarlag þáttarins:  The Clash:  Time is Tight 

2    Eric Clapton:  It Hurts Me Too   

3    Miracle Legion:  Mr. Space Man (eftir The Byrds/Roger McGuinn)

4    Óskalag fyrir Guðmund Júlíusson:  Nazareth:  Broken Down Angel 

5    The Band:  Promised Land (eftir Chuck Berry)

6    Pönk-klassíkin:  Anti-Nowhere League:  Streets of London 

7    Reggí-perlan:  Derrick Morgan:  Some woman must Cry  (eftir Bob Marley)

8    M´as Blues Band frá Færeyjum:  Taxa Jón  

9    Fræbbblarnir:  Guðjón  (eftir Hörð Torfason)

10  Youssou N´Dour frá Senegal:  Bamako  

11  Steinn Kárason:  Of seint 

12  Thunderstone frá Finnlandi:  Diamond and Rust (eftir Joan Baez) 

13  Samsteypan:  Friður á jörð  (Give Peace a Chance)

14  Veckans Klubba frá Svíþjóð:  Vem Har snott mín sprit?

15  Megas:  Stína Ó Stína 

16  Norman Greenbaum:  Spirit in the sky 

17  Beck:  Leopard-Skin Pill-box Hat (eftir Bob Dylan)

18  Hawkwind:  Silver Machine 

19  The Byrds:  Tiffany Queen 

20  Public Image Limited:  Rise 

21  Afkynningarlag:  The Clash:  Time is Tight

.

Hér eru laglaistar eldri þáttanna:

http://www.jensgud.blog.is/blog/jensgud/entry/1083677/

http://www.jensgud.blog.is/blog/jensgud/entry/1085626/

http://www.jensgud.blog.is/blog/jensgud/entry/1087525/

http://www.jensgud.blog.is/blog/jensgud/entry/1089704

 http://www.jensgud.blog.is/blog/jensgud/entry/1091912/ 

.

  Á myndbandinu efst flytur Eric Clapton 70 ára gamlan blús eftir Leadbelly.  Það er athyglisvert að þarna spilar Klapparinn ekki á sólógítar.   Í  Sunnudagshugvekjunni  flutti Eiríkur gamlan blús eftir Elmore James.

  Hér fyrir neðan þvertekur Johnny (Rotten) Lydon fyrir að hann sé að syngja ástarsöng.  Lagið byrjar ekki spennandi en magnast verulega þegar á líður og hlustandinn fer að venjast stemmningu þess.  Í  Sunnudaghugvekjunni  voru Johnny og félagar í ennþá betri gír í laginu  Rise.  Þið heyrið það á Nálinni fm 101,5 á föstudaginn.  Eða með því að fara á netið og smella á http://media.vortex.is/nalinfm

  Til gamans má geta að Johnny Rotten efnaðist á tímabili með því að kaupa íbúðir í niðurnýslu í New York,  gera þær upp og selja með góðum hagnaði.  Svo hrundi húsnæðismarkaðurinn í Bandaríkjum Norður-Ameríku.  Þá dustaði Johnny rykið af Sex Pistols.  Núna hefur hann sett á markað Sex Pistols ilmvatn.  Sem er nokkuð skondið því liðsmenn Sex Pistols voru þekktir fyrir að lykta illa vegna áhugaleysis á hreinlæti.  Síðar á árinu kemur á markað Sex Pistols sápa og því næst Sex Pistols sjampó.  Johnny Rotten og félagar eru húmoristar.   

.

Athugasemdir

[Röggi (IP-tala skráð) 12.9.2010 kl. 22:00]

Ég sá Anti nowhere league í Dublin 2005 og þeir voru frábærir enda tóku þeir alla gömlu slagarana af fyrstu plötunum og þú getur ekki ímyndað þér gæsahúðina sem spratt fram á gamla manninum við að endur nýja þessi gömlu kynni :)

[Jens Guð, 12.9.2010 kl. 22:07]

  Röggi,  nú öfunda ég þig.

[Steingrímur Helgason, 12.9.2010 kl. 22:10]

& fólk hluztar á þetta, ótilneytt ?

Fyrir mér flokkazt dona eyrnaníð undir zérlega aukarefzíngu & á bara að beita við alforhörðuztu glæpamenn !

[Jens Guð, 12.9.2010 kl. 22:18]

  Steingrímur,  fólk treðst og togast á um að fá að hlusta á þetta eðal popp.  En það er reyndar búið að banna í Ástralíu að svona músík sé spiluð í kirkjulegum athöfnum.  Sömuleiðis er verið að agnúast út í svona músík í Íran.

[Ómar Ingi, 12.9.2010 kl. 23:47]

[Örn Johnson ´67 (IP-tala skráð) 13.9.2010 kl. 18:11]

Er búinn að hlusta soldið á Nálina og verð bara að segja að þetta er stöð fyrir mig.

Soldið lítið plötusafn ennþá reyndar en ég treysti að það stækki hratt.

Og sleppa big band tónlistinni.

[Jens Guð, 13.9.2010 kl. 21:05]

  Ómar Ingi,  þessi lög voru flest sérvalin fyrir þig.

[Jens Guð, 13.9.2010 kl. 21:52]

  Örn,  það er gaman að heyra þetta.  Lagasafn Nálarinnar stækkar hratt og bítandi.  Ég reyni að spila lög sem eru ekki í lagasafninu.  Svo fara þau jafnóðum í lagasafnið.  Þar með bætast i safnið einnig lög víðar frá en engilsaxneska málsvæðinu.  

  Ég er afskaplega ánægður með hvað annað dagskrárgerðarfólk á Nálinni er duglegt við að spila "allskonar".  Það er spilaður djass,  gamall blús,  þungarokk,  þjóðlagamúsík og sitthvað töluvert langt út fyrir klassíska rokkið (classic rock).  Ég er hissa á því hvað unga fólkið á Nálinni er víðsýnt í músík og með góða þekkingu á gömlu stöffi.  

  Sjálfur reyni ég að hafa tiltekna fjölbreytni í  Sunnudagshugvekjunni.  Þátturinn í gær hófst á blús með Clapton,  síðan var það kántrý rokk (alt-kántrý) með Miracle Legion,  rokk og ról með The Band...  Heimspoppið kryddar.

  Föstu liðirnir þjóna þeim tilgangi að tryggja tiltekna fjölbreytni:  Pönk-klassíkin,  reggí-perlan og skrýtna lagið.  Ég er að velta fyrir mér að bæta í föstu liðina djass-lagi dagsins.

  Sigvaldi Búi verður ekki lengur með mér í  Sunnudagshugvekjunni.  Hann er með heldur mýkri eða poppaðri músíksmekk en ég sem sæki meira í harðara rokk.  Það var fínn ballans á því hjá okkur (sjá eldri lagalista).  Held ég.  Nú þarf ég að passa upp á að sá ballans tapist ekki.  Kannski með þjóðlagakenndu rokki (folk-rock).  Það er gaman að heyra skoðanir ykkar á þessu.