Öðruvísi flugfélag - með húmor

  Í Suður-Afríku er vinsælt flugfélag sem heitir Kululat.  Þar ráða grínarar ferð.  Þetta er flugfélag sem líkja má við "Besta flokkinn".  Merkingar á flugvélum Kululat ganga út á grínið.  Sami grallaragangur einkennir ávarp flugfreyja og flugþjóna.  Dæmi:  "Við lendingu eru farþegar beðnir um að taka með sér farangur en mega þó skilja eftir eitthvað sem flugáhöfn getur gert sér gott úr."

  Í hátalarakerfi flugvélarinnar hefur meðal annars verið tilkynnt:  "Það eru 50 leiðir til að yfirgefa kærustuna/kærastann.  En hér eru aðeins 4 útgöngudyr."

  Í ókyrrð í lofti komu þessi skilaboð:  "Setjið fyrst á ykkur súrefnisgrímur áður en þið bjargið börnum ykkar.  Ef ókyrrðin gengur ekki yfir þá vinsamlegast veljið uppáhalds barnið ykkar til að bjarga."

  Önnur tilkynning frá flugstjóra:  "Ef þið viljið reykja þá vinsamlegast gerið það úti á flugvængnum. - Ef ykkur tekst að kveikja í sígarettunni þar."

  Eftir ókyrrð í lofti sagði flugstjórinn:  "Þið ættuð að sjá hér.  Kaffið helltist yfir mig þegar flugvélin hrapaði í loftleysi.  Ég er löðrandi í kaffi að framan."

  Farþegi með húmor hrópaði á móti:  "Það er ekkert miðað við buxurnar mínar að aftanverðu!"  

Athugasemdir

[Helgi Armannsson (IP-tala skráð) 8.10.2010 kl. 01:21]

http://www.youtube.com/watch?v=2SBL6dgBBak

Cebu Pacific Airlines Dancing Flight attendants

[Þorvaldur Sigurðsson (IP-tala skráð) 8.10.2010 kl. 16:24]

„Kaffið helltist yfir mig þegar flugvélin hrapaði í loftleysi.“ Þessi kafteinn hefur aldrei heyrt spakmælið „natura vacuum abhorret“. Hinsvegar voru vísindamenn fyrir mörgþúsund árum búnir að uppgötva að í náttúrunni hér á jörð er ekkert loftleysi eður lofttóm til. Gildir svo enn í dag.

[Hannes, 8.10.2010 kl. 21:19]

Ég væri til í að ferðast með þessu flugfélagi og taka einhver sem er flughræddur með mér enda örrugglega ekki gott að vera flughræddur í vél sem þetta flugfélag rekur.

[Jens Guð, 8.10.2010 kl. 22:35]

  Helgi,  takk fyrir þetta skemmtilega myndband.

[Jens Guð, 8.10.2010 kl. 22:37]

  Þorvaldur,  þeir eru í gríngírnum þarna í S-Afríku.  Það á ekki að taka hátíðlegt.  Þetta er sprell. 

[Jens Guð, 8.10.2010 kl. 22:38]

  Hannes,  mér skilst að þetta flugfélag njóti mikilla vinsælda vegna grallaragangsins.

[Hannes, 9.10.2010 kl. 03:37]

After a less than perfect of a landing on a Kulula flight to Johannesburg, "Ladies and Gentlemen, please remain in your seats until Captain Crash and the Crew have brought the aircraft to a screeching halt against the gate. And, once the tire smoke has cleared and the warning bells are silenced, we will open the door and you can pick your way through the wreckage to the terminal."

Ég mun ferðast með þessu ef það kemur til Íslands eða ef ég fer til Afríku.

[Jens Guð, 11.10.2010 kl. 01:39]

  Hannes,  þetta flugfélag kemur ekki til Íslands.  En það er um að gera að notfæra sér það á ferðalagi innan S-Afríku.