Bráðskemmtilegar ljósmyndir af geitum

12.10.2010 | 03:26

Bráðskemmtilegar ljósmyndir af geitum

Geitur eru góðar skepnur. Geitamjólk er hollari en kúamjólk. Reyndar er kúamjólk óholl. Óþol gagnvart geitamjólk er næstum óþekkt. Enda étur geitin næstum allt: Hún sporðrennir girðingarstaurum, gaddavír og fátt þykir henni betra að jórtra á en niðursuðudósum. Það halda geitinni engin bönd. Hún étur þau.

Geitinni þykir gaman að klifra upp þverhnípta hamra og veggi. Geitur hafa keppnisskap eins og Guðjón Þórðarson, eða hvað hann heitir þessi fótboltaþjálfari sem er alltaf öskrandi á leikjum og bítur fólk í nefið utan vallar.

Geitin vill alltaf sýna sig fyrir öðrum geitum. Ef ein geit klífur hátt upp klettavegg reynir önnur geit að klifra ennþá hærra. Og þannig koll af kolli.

Hér eru skemmtilegar ljósmyndir af geitum í Wyoming í Bandaríkjum Norður-Ameríku. Þær keppast daglangt við að rölta um snarbrattan brúarvegg. Það er bannað að gera þeim hverft við. Annars er hætta á að þær rúlli niður vegginn. Það þykir þeim niðurlægjandi.

Varast ber að rugla saman fjallageitum (með litlu f) og Fjallageitum. Síðarnefnda fyrirbærið er gönguhópur fólks á höfuðborgarsvæðinu.

Meginflokkur: Spaugilegt | Aukaflokkar: Ferðalög, Lífstíll, Spil og leikir | Breytt s.d. kl. 03:43 | Facebook

Athugasemdir

Nei!! ...fari thad í geitóttan!

Gjagg (IP-tala skráð) 12.10.2010 kl. 04:34

Flottar, verra er með ungana þeirra... ;)

doctore (IP-tala skráð) 12.10.2010 kl. 11:07

Gjagg, nákvæmlega.

Jens Guð, 12.10.2010 kl. 23:37

DoctorE, ungarnir (kiðlingarnir) rúlla þarna niður og spretta síðan galvaskir upp vegginn. Láttu mig þekkja þá.

Jens Guð, 12.10.2010 kl. 23:37

skemmtilegt innlega og frábærar myndir. Smá leiðrétting þó í sambandi við Gaua Þórðar en hann beit víst í eyrað á þjálfaranum en ekki nefið.

Arnar (IP-tala skráð) 13.10.2010 kl. 11:54

Gaman að sjá hvað geiturnar eru fótvissar. Eru þær ekki góðar á matardiskum?

Hannes, 13.10.2010 kl. 22:39

Þetta eru ekki allt myndir af geitum. Þarna eru allnokkrar fjallageitur, en það er rangnefni. Fjallageitur eru víst alls ekki geitur, heldur ek. úrkynjuð antílóputegund. Enda held ég að þær séu hvergi kallaðar geitur nema hér á landi.

Ingvar Valgeirsson, 14.10.2010 kl. 10:10

Arnar, hann beit Einar Kárason rithöfund. Mig minnir að það hafi verið í nefið. Kannski var það þó í eyrað.

Jens Guð, 14.10.2010 kl. 13:40

Hannes, ég hef ekki smakkað geitakjöt. En geitaostur er góður.

Jens Guð, 14.10.2010 kl. 13:41

Ingvar, takk fyrir þennan fróðleiksmola.

Jens Guð, 14.10.2010 kl. 13:44