Borgarstjóri hrekkir næstum sjötugan mann

  Á síðasta kjörtímabili kom upp sérkennilegt mál í borgarstjórn.  Þannig er að Reykjavíkurborg leggur borgarstjórnarflokkunum til fjárstyrki.  Borgarstjórnarflokkur Frjálslynda flokksins,  F-listi,  klauf sig frá Frjálslynda flokknum í tvígang á kjörtímabilinu.  Einhversstaðar í því ferli kom upp ágreiningur um það hvort fjárstyrkur borgarinnar ætti að fylgja Frjálslynda flokknum eða borgarstjórnarflokki F-listans. 

  Löglærðir menn lögðust yfir málið.  Niðurstaðan var sú að Frjálslynda flokknum bæri fjárstyrkurinn.  Einhverra hluta vegna hefur styrkurinn ekki skilað sér til Frjálslynda flokksins.  Á dögunum boðaði borgarstjórinn Guðjón Arnar Kristjánsson, fyrrverandi formann Frjálslynda flokksins, á sinn fund til að ganga frá þessu máli.  Þegar Guðjón Arnar mætti á tilsettum tíma var borgarstjórinn fjarri góðu gamni.  Til hans spurðist ekki.  Ruku menn þá upp á milli handa og fóta.  Þeir leituðu af sér allan grun.  Meðal annars hvort verið gæti að um 1. apríl væri að ræða.  Svo reyndist ekki vera.  Þarna virðist sem annarskonar hrekkur hafi verið í gangi.  Hrekkur borgarstjóra við næstum sjötugan mann (66 ára).  Það er illa gert og ljótt.   

 

Athugasemdir

[Grefill, 6.11.2010 kl. 00:04]

Gerðist þetta ekki á hrekkjarvökunni um daginn þegar það var í lagi að hrekkja og hvekkja jafnt unga sem aldna?

[Sigrún Jóna (IP-tala skráð) 6.11.2010 kl. 00:47]

Hrekkjavakan er fyrir þá sem búa i bandaríkjunum. við eigum okkar eigin hrekkjadag, það er 1.apríl.

Svo má flengja á bolludagsmorgun og hengja öskupoka á öskudaginn

[Grefill, 6.11.2010 kl. 06:01]

Mér sýnast nú allir krakkar hér á landi vera farnir að taka hrekkjarvökuna alvarlega. Kannski Jón Gnarr líka.

[Óskar Þorkelsson, 6.11.2010 kl. 07:07]

FF ætti að láta þessa upphæða ganga í fjölskylduhjálpina því FF er steindauður

[Sigurjón Þórðarson, 6.11.2010 kl. 10:58]

Hvaða bull er þetta Óskar flokkurinn er að berjast og ekki veitir af gegn þessu ótrúlega samkrulli fjórflokksins og þröngra sérhagsmunaaðila.

[Ásthildur Cesil Þórðardóttir, 6.11.2010 kl. 11:10]

Sammála Sigurjóni, Frjálslyndi flokkurinn á fullt erindi inn í pólitíkina á ný.

[Jens Guð, 6.11.2010 kl. 14:05]

  Grefill,  ég veit ekki hvað hrekkjavaka er.

[Jens Guð, 6.11.2010 kl. 14:06]

  Sigrún,  eru krakkarnir ekki hættir að hengja öskupoka í fólk?

[Jens Guð, 6.11.2010 kl. 14:06]

  Grefill (#3),  ég þarf að tékka á þessari hrekkjavöku. 

[Jens Guð, 6.11.2010 kl. 14:07]

  Óskar,  FF hefur aldrei átt brýnna erindi en einmitt núna.

[Jens Guð, 6.11.2010 kl. 14:07]

  Sigurjón,  ég tek undir það.

[Jens Guð, 6.11.2010 kl. 14:08]

  Ásthildur Cesil,  ég er sammála ykkur með það.

[Óskar Þorkelsson, 6.11.2010 kl. 14:58]

Ég sagði ekki að boðskapur ykkar ætti ekki erindi.. málið er að þið eruð ekki að ná heyrn kjósenda.  eitthvað eruð þið að gera vitlaust í ykkar starfi því þið mælist vart í skoðanakönnunum.

Nabbbblaskoðun er nauðsynleg og svo öflugt starf við þa ðað koma boðskapnum á framfæri.. leggja áherslur á einföld atriði og ekki of mörg. 

td sjávarútveg. skóla, elli og orkumál.   

Flokkur þarf ekki að vera með skoðun á öllu...   Hamra á lykilatriðum.. keep it simple

[Árni Gunnarsson, 6.11.2010 kl. 17:01]

Þetta var dýrmætt innlegg frá honum Óskari. Hvernig væri að fá hann til að skipuleggja málefnavinnuna?

[Jens Guð, 6.11.2010 kl. 23:01]

  Óskar,  það var margt skrýtið við síðustu alþingiskosningar.  Borgarahreyfingin kom til sögunnar og náði inn 4 þingsætum.  Fylgi Sjálfstæðisflokksins hrapaði og hann tapaði leiðtogahlutverki sem stærsti flokkur landsins.  Er áhrifaminna en áður.  Er til að mynda áhrifalaus í 4 stærstu sveitarfélögum landsins.  Samfylkingin varð stærsti þingflokkur landsins.

  FF vantaði herslumun á að halda þingsætum.  Hinsvegar á FF fulltrúa í sveitastjórnum á Ísafirði og í Skagafirði.  Í Skagafirði er FF nú í fyrsta skipti með sveitastjórnarfulltrúa.  Formaðurinn,  Sigurjón Þórðarson,  náði þar glæsilegri kosningu.

  Skoðanakannanir hafa sýnt að helstu baráttumál FF njóta fylgis meirihluta landsmanna.  Það er næsta verkefni að vinna okkur úr þeim vandamálum sem voru innanflokksvandamál.  Það mun takast.   

[Jens Guð, 6.11.2010 kl. 23:01]

  Árni,  það veit á gott að fá Óskar til liðs við okkur.