Vekur upp spurningar...

  Læknir í þýska smábænum Paderborn var að hefja skurðaðgerð á 36 ára gömlum sjúklingi.  Þá rak læknirinn augun í húðflúr á handlegg sjúklingsins.  Húðflúrið var mynd af sitjandi erni og hakakrossi.  Vel þekktum táknum nasista.  Viðbrögð læknisins voru þau að tilkynna eiginkonu sjúklingsins að hann hefði ekki geð í sér né samvisku til að lappa upp á nasista.

  Það varð að kalla út annan skurðlækni til að framkvæma aðgerðina á nasistanum.  Læknirinn sem neitaði að afgreiða nasistann gæti verið í vondum málum.  Hann er - eins og aðrir læknar - bundinn af svokölluðum lækniseiði sem kenndur er við Hippokrates.   Þar segir eitthvað á þá leið að læknirinn leggi við drengskap sinn að beita allri sinni kunnáttu af fullri alúð og samviskusemi og láta sér ávallt annt um sjúklinga sína ÁN MANNGREINARÁLITS. 

  Það getur hinsvegar verið varasamt fyrir nasistann að draga lækninn fyrir dómstóla.  Samkvæmt þýskum lögum liggur 3ja ára fangelsi við því að bera nasistatákn á borð við örn og hakakross.     

Athugasemdir

[Grefill, 16.11.2010 kl. 13:10]

Fyrsta niðurstaða: Læknir á að halda eiðinn, no matter what!

Eftir umhugsun: Ef ekki er um að ræða bráðaaðgerð og um líf eða dauða að tefla þá ætti ekki að skylda lækninn til að gera aðgerðina. Nasisminn er það ljótur blettur á sögunni að birtingarmyndir hans nú á dögum valda mörgu fólki enn áfalli.

[Guttormur (IP-tala skráð) 16.11.2010 kl. 18:52]

Mister gervigrasalæknir

gervigrös? eru þau úr plasti?

Ég veit ekki ég er sjálfur með tatto vona að engin hafni því að hjálpa mér í neið??

Karl greiið gæti hafa verið tatooeraður steindauður eftir fyllerí??

kv

Guttormur

[Jens Guð, 16.11.2010 kl. 19:36]

  Grefill,  þessi Hippokrateseiður er til að koma í veg fyrir að svona staða komi upp.  Ég hélt því viljandi leyndu í færslunni að læknirinn er gyðingur og næsta víst að foreldrar hans hafi átt vond kynni af nasistum. 

[Jens Guð, 16.11.2010 kl. 19:38]

  Guttormur,  gervigras getur verið úr plasti,  pappír,  tré eða næstum hverju sem er.  Svo eru til alvöru grasalæknar og gervi.

[Hannes, 16.11.2010 kl. 22:37]

Áhugavert. Það er spurning hvort að sjúklingurinn hefði ekki skammast sín af að hafa verið skorinn upp af gyðingi ef hann er enn trúr málstað nasista.

[Jens Guð, 16.11.2010 kl. 23:18]

   Hannes,  þetta er góður punktur hjá þér.

[Hannes, 16.11.2010 kl. 23:29]

Jens ef þetta er eldri maður sem fékk sér þetta tattoo fyrir 65-70 árum þá er það mjög eðlilegt enda var það nauðsýnlegt að sýna flokknum hollustu.

[Jens Guð, 16.11.2010 kl. 23:40]

   Hannes,  nasistinn er fæddur 1974.  Hann er þess vegna nýnasisti,  eins og þeir kallast sem eru fæddir eftir lok seinni heimsstyrjaldar og aðhyllast nasisma. 

[Ómar Ingi, 17.11.2010 kl. 00:13]

http://ommi.blog.is/blog/ommi/entry/1117075/

Öllu skemmtilegra ......

[Jens Guð, 18.11.2010 kl. 00:06]

  Ómar Ingi,  takk fyrir ábendinguna.  Ég er einmitt á leið til Danmerkur í næsta mánuði.  Það er gott að æfa sig í dönskunni þangað til.

[Sigurbjörg Sigurðardóttir, 18.11.2010 kl. 16:13]

Ljótt að seigja en húðflúrið er flott sem húðflur,ekki sem pólítiskt tákn.