Bestu lög Bítlanna

  Í síðustu færslu birti ég lista yfir vinsælustu lög Bítlanna.  Sá listi sýndi þau lög Bítlanna sem flestir keyptu á iTunes í vikunni.  Nú er bandaríska poppblaðið Rolling Stone að senda frá sér sérblað yfir 100 bestu lög Bítlanna.  Ég veit ekki hvernig sá listi er unninn.  Hvort þar liggur að baki álit ritstjórnar Rolling Stone eða hvort sá listi er unninn í samvinnu við þekktustu lagahöfunda rokksins. 

  Rolling Stone er söluhæsta poppblað heims.  Selst í um 2 milljónum eintaka og er prentað á þýsku og frönsku og kannski fleiri tungumálum.  Þetta er virt tímarit,  vandað að virðingu sinni og alveg ástæða til að líta á það sem marktækt.  Til gamans má geta að blaðamenn Rolling Stone hafa á síðustu árum fylgst náið með íslenskri músík.  Þeir sækja Iceland Airwaves og fleiri íslenska músíkviðburði.

  Á netsíðu RS hefur verið gefinn upp listi yfir þau lög Bítlanna sem raðast í 10 efstu sæti yfir bestu lög Bítlanna.  Hann lítur þannig út:

 

1   A Day in the Life

2   I Want to Hold Your Hand

3   Strawberry Fields Forever

4   Yesterday

5   In My Life

6   Something

7   Hey Jude

8   Let It Be

9   Come Together

10  While My Guitar Gently Weeps

.

Athugasemdir

[Steingrímur Helgason, 19.11.2010 kl. 00:57]

Nokk nær mínu mati.

Verra er, að ef það væru einhver önnur tíu, væri það líklega jafn nálægt.

[Theódór Norðkvist, 19.11.2010 kl. 01:40]

Hef alltaf haldið svoítið upp á Paperback Writer, Day Tripper og I feel fine/She said so. Allt kröftugir rokkarar.

[Grefill, 19.11.2010 kl. 04:59]

Uss, það væri hægt að búa til marga lista sem væru allir góðir.

Hér er einn sem kom samstundis:

1. Here, There and Everywhere

2. Michelle

3. Elenor Rigby

4. Across the Universe,

5. Obladi Oblada

6. Because

7. And I Love Her

8. If I Fell

9. When I'm Sixty Four

10. You've Got To Hide Your Love Away

[Sigurður I B Guðmundsson, 19.11.2010 kl. 09:17]

Lennon lög í meirihluta, enginn tilviljun.

[Bárður Örn Bárðarson, 19.11.2010 kl. 13:33]

umhugsunarefni er með  iTunes hvor menn hlaði ekki niður lögum sem þeir eiga ekki en fá þarna tækifæri til að kaupa án þess að kosta til heilli plötu. Hled að flest laga bítlanna kæmu til greina án þess að menn settu neitt mikið út á það. Það var einvhertíman búin til platan No1 með þeim ætli sá lagalisti sé ekki líklegastur hvað vinsælustu lög þeirra varða.

[Jóhann (IP-tala skráð) 19.11.2010 kl. 18:57]

Hvar er "Norwegian Wood"?  :)

[Jens Guð, 20.11.2010 kl. 00:33]

  Steingrímur,  ég er líka sáttur.  Að mestu.

[Jens Guð, 20.11.2010 kl. 00:34]

  Theódór,  ég er líka meira fyrir rokklögin.  Ekki aðeins hjá Bítlunum.  Bara yfirleitt.

[Jens Guð, 20.11.2010 kl. 00:35]

  Grefill,  það er rétt:  Það er hægt að gera marga góða "Topp 10" lista með lögum Bítlanna.

[Jens Guð, 20.11.2010 kl. 00:51]

  Sigurður,  það fer eftir því hvernig þetta er reiknað.   A Day in the Life og  In My Life  eru iðulega skilgreind sem Lennon lög.  Samt lagði Paul í púkkið við gerð þessara laga.  Ef nákvæmasta útreikningi er beitt varðandi hlutdeild McCartneys í þessum lögum er útkoman þannig að McCartney á rösklega 4 lög á listanum og Lennon tæplega 4.  Harrison á 2 lög skuldlaust.  Það er góður árangur miðað við hvað hann átti fá lög í heildarpakka Bítlalaga.

A Day in the Life = Lennon 60%,  McCartney 40%

I Wan´t to Hold Your Hand = Lennon 50%,  McCartney 50%

Strawberry Fields Forever = Lennon

Yesterday = McCartney

In My Life = Lennon 65%,  McCartney 35%

Hey Jude = McCartney

Let It Be = McCartney

Come Together = Lennon

[Jens Guð, 20.11.2010 kl. 01:13]

  Bárður Örn,  þetta er góður punktur hjá þér með að fólk hafi sótt í lög sem það átti ekki fyrir. 

  Platan 1  innihélt öll lög með Bítlunum sem fóru í 1. sæti breska og bandaríska vinsældalistans.  Reyndar var töluvert deilt um þessa safnplötu þegar hún kom út.  Mörg af ástsælustu lögum Bítlanna komu aldrei út á A-hlið smáskífu og fóru því aldrei inn á vinsældalista.  Lagið  Yesterday  kom hvergi út á smáskífu nema í Bandaríkjunum.  Bretum og fleirum þótti lagið þess vegna vera boðflenna á safnplötunni.  Þeir hinir sömu voru líka gagnrýnir á að platan hefst á laginu sem Bítlarnir slógu fyrst í gegn með í Bandaríkjunum,  Love me Do.  Það náði þó hvorki 1. sæti í Bandaríkjunum né Bretlandi.  Það náði ekki einu sinni inn á "Topp 10" í þessum löndum.  

  Bretum og fleirum þótti að betur hefði farið á að hafa á safnplötunni fyrsta Bítlalagið sem sló í gegn í Bretlandi og Evrópu,  Please,  Please Me.  Það náði þó ekki heldur 1. sætinu í Bretlandi heldur 3ja sæti.

  Þannig mætti áfram telja.

[Jens Guð, 20.11.2010 kl. 01:14]

  Jóhann,  ég spyr líka.  Þetta er eitt af mínum uppáhalds Bítlalögum.

[Theódór Norðkvist, 20.11.2010 kl. 12:59]

Ekki það að rólegu bítlalögin eru mörg frábær, eins og Michelle, I'll follow the sun, Hey you've got to hide your love away, Something og mörg önnur.

Síðan má bæta við Happiness is a warm gun, stórkostlegt lag. Gítarspilið í upphafi er varla af þessum heimi. Komið hefur tilgáta um að titill lagsins sé spádómur Lennons um eigin dauðdaga, allavega ein af þessum skrýtnu tilviljunum í lífinu. Var annars ekki White Album valin besta plata rokksins einhvern tímann, eða söluhæst?

Þó Paul hafi í heildina verið betri lagahöfundur og afkastameiri, eru mörg lög sem Lennon á að mestu alveg mögnuð. Þau sem nefnd hafa verið hér, t.d. Happiness is a warm gun, Norwegian wood, auk Revolution 9.

[Jens Guð, 20.11.2010 kl. 14:48]

  Theódór,  Happiness is a Warm Gun  er fyrsta lagið sem framkallaði gæsahúð á mér.  Það var í kaflanum þar sem hljómsveitin syngur í flottri röddun viðlagið og Lennon hrópar erindið yfir.  

  Hvíta albúmið  er skráð söluhæsta plata Bítlanna í Bandaríkjunum.  Sú skráning er hinsvegar ekki rétt.  Vegna þess að albúmið telur tvær plötur er hvert selt eintak skráð x 2.    

  Ég held að  Abbey Road  sé í raun söluhæsta plata Bítlanna.

  Revolver  eða  Sgt Pepper´s...  toppa yfirleitt á listum yfir bestu plötur rokksögunnar.   Hvíta albúmið  er jafnan ofarlega á lista (oft inn á "Topp 10") líka.

  Það er rétt í aðra röndina að Paul hafi verið afkastameiri lagahöfundur en John.  Paul var og er sísemjandi lög.  Þau hafa hlaðist upp hja honum á lager í stórum stöflum.  John var meira í því að semja "tækifærislög".  Það er að segja setjast niður og semja nýtt lag þegar komið var að næstu smáskífu eða næstu plötu.

  Engu að síður liggja fleiri lög eftir John en Paul á plötum Bítlanna.  Ég man töluna ekki nákvæmlega.  Hún er einhversstaðar á því róli að á plötum Bítlanna séu 87 lög eftir John og 74 eftir.