Stílistar rokksins

  Skoska mánaðarritið Clash hefur á undanförnum árum haslað sér völl sem eitt af helstu rokkblöðum heims.  Þetta er vinsælt blað og vandað að virðingu sinni.  Í nýjasta hefti blaðisins er birtur listi yfir helstu stíllista rokksins hvað klæðaburð varðar.  Eflaust má deila um þennan lista.  Ég geri athugasemd við að skautað sé framhjá að Elvis Prestley innleiddi í rokkið leðurklæðnað mótorhjólatöffarans Marlons Brandons.  En þannig er listinn hjá Clash:

1   Keith Richards.  Þessi gítarleikari The Rolling Stones hefur aldrei sett nafn sitt við neina merkjavöru.  Samt sem áður hefur klæðaburður hans orðið fyrirmynd kvikmyndaleikara og rokkstjarna.  Hvað heitir aftur kvikmyndaserían um sjóræningja sem Johnny Depp er frægur fyrir?  Í upphafi ferils tileinkaði Patti Smith sér klæðaburð Keiths.

  Keith hefur aldrei verið fyrir hálsbindi.  Hinsvegar sækir hann í að hengja um hálsinn allskonar glingur.  Lengst af var það til að smygla dópi í glingrinu á milli landa.  Síðar varð þetta ávani.  Á gamals aldri er Keith farinn að hengja jólaskraut og fleira í hárið á sér.

2  Paul Simonon.  Bassaleikari bresku hljómsveitarinnar The Clash.  Hann var ekki valinn í hljómsveitina út af hæfileikum heldur vegna þess að hann var flottur.  Hann varð reyndar síðar mega flottur bassaleikari.  En hann var valinn í The Clash út af töffaralegu útliti.  Á meðan aðrir pönkarar söfnuðu hanakambi og eða lituðu hár sitt rautt og grænt klæddist Paul iðulega gamaldags jakkafötum og bar hatt.  Hljómsveitin Egó tók Paul til fyrirmyndar á sinni fyrstu plötu,  Breyttir tímar.

3.  Debbie Harry.  Söngkona Blondie. 

4  David Bowie

5  Madonna

Athugasemdir

[Ómar Ingi, 21.11.2010 kl. 14:52]

Athyglivert

[Jóhann (IP-tala skráð) 21.11.2010 kl. 21:35]

Mick Jones bassaleikari?

[Jens Guð, 22.11.2010 kl. 00:31]

   Ómar Ingi, takk fyrir innlitið.

[Jens Guð, 22.11.2010 kl. 00:31]

  Jóhann,  takk fyrir að leiðrétta mig.  Það átti að vera Paul Simonon.