Hvenær er að marka manninn?

 

  Mér var bent á bráðskemmtilega mótsögn í ummælum Hermanns Guðmundssonar,  forstjóra Neins,  í sitthvoru viðtalinu í Fréttablaðinu og Fréttatímanum í árslok.  Í þessum viðtölum er maðurinn algjörlega ósammála sjálfum sér.  Eða eins og Brúskur,  fyrrum forseti Bandaríkjanna,  orðaði það á sínum tíma:  "Ég hef ákveðnar skoðanir á mörgum málum en er ekki endilega sammála þeim öllum."   

  Í Fréttablaðinu er haft eftir Hermanni að "floppið" á sölunni á bókum þeirra Jónínu Benediktsdóttur og Björgvins G.  - miðað við áætlanir - skipti fyrirtækið engu máli.  Fyrirtækið situr uppi með 10.000 óseld eintök en fjárhagslegt tjón sé ekkert.  Bókaútgáfan sé svo smár hluti af veltu Neins að þetta sé ekkert vandamál.  "Þetta er álíka hlutfall og er stolið af bensíni hjá okkur á hverju ári,"  útskýrir Hermann orðrétt til að setja hlutina í samhengi svo allir geti séð að þetta er hvorki stórt né lítið vandamál.  Þetta sé einfaldlega ekki vandamál.

  Í Fréttatímanum ræðir Hermann um bensínþjófnað.  Það er þungt í honum hljóðið.  Tjón fyrirtækisins vegna bensínþjófnaðar sé fyrirtækinu þungur baggi.  Í fyrra hafi bensínþjófnaðurinn numið heilum 25 milljónum króna.  Það eru engir smáaurar.  "Þetta er STÓRT vandamál hjá okkur," fullyrðir Hermann alveg miður sín,  niðurbrotinn og hágrátandi yfir þessu risastóra tjóni.  Allur lager Neins af grátklútum nær ekki að þerra tárin og hugga hann. 

Athugasemdir

[Jóna Kolbrún Garðarsdóttir, 4.1.2011 kl. 00:26]

[Hörður Sigurðsson Diego, 4.1.2011 kl. 00:27]

Allir sem fylla fá bókina hennar Jónínu í kaupbæti - herferðin á kannski eftir að minnka tapið.

[Jens Guð, 4.1.2011 kl. 00:42]

  Jóna Kolbrún,  takk fyrir innlitið og gleðilegt ár!

[Jens Guð, 4.1.2011 kl. 00:46]

  Hörður,  bók Jónínu seldist vel þó Neinn hafi ofmetið illilega söluna.  Sú bók fór rosalega vel af stað í sölu en umræðan um kynferðislegt unglingsstúlkna áreiti Gunnars virðist hafa slátrað sölunni þegar á leið.  Eða kannski öllu heldur viðbrögð Gunnars og Jónínu við þeim ásökunum sem komu fram. 

[Hörður Sigurðsson Diego, 4.1.2011 kl. 00:59]

Nei, það sem slátraði sölunni var sú snilldarákvörðun og -yfirlýsing Neins að ekki væri hægt að skipta bókunum fyrir eitthvað annað eftir jól. Þar með stoppaði salan.

[Jens Guð, 4.1.2011 kl. 01:19]

  Hörður,  kannski er þetta rétt hjá þér.  Mig rámar þó í að einhver búð hafi auglýst að hægt væri að skipta bókunum þar.  Man það þó ekki alveg skýrt.

[Hörður Sigurðsson Diego, 4.1.2011 kl. 02:31]

Jú, það var í Office 1 og var um leið veikburða tilraun til að klóra í bakkann þegar ljóst var að þeir höfðu gert reginmistök. En skaðinn var skeður.

[Sigurður I B Guðmundsson, 4.1.2011 kl. 10:19]

Þegar hann hækkar bensínið.

[Jens Guð, 4.1.2011 kl. 12:17]

  Hörður (#7),  rétt hjá þér.

[Jens Guð, 4.1.2011 kl. 12:18]

  Sigurður I.B.,  svo sannarlega!  Góður punktur.

[Ásdís Sigurðardóttir, 4.1.2011 kl. 13:28]

Það er aldrei neitt að marka þessa kalla, þeir segja bara það sem hentar þeim í hvert sinn, svo mikið erum við nú örugglega búin að læra

[Jens Guð, 4.1.2011 kl. 20:12]

  Ásdís,  ég hef grun um að þú farir rétt með.  Svona menn tala tungum tveim eftir því hvað hentar hverju sinni.

[Þorstein (IP-tala skráð) 4.1.2011 kl. 22:42]

Starfsmenn Neins vita þá hvað þeir fá í jólagjöf á næstu jólum, enda fengu þeir bókina um Björgvin G. núna.

[Jens Guð, 4.1.2011 kl. 22:56]

  Þorsteinn,  það liggur í augum uppi.  Óseldu 10.000 eintökin verða til jólagjafa hjá Neinum næstu árin. 

[Óskar Arnórsson, 5.1.2011 kl. 02:05]

Er ekki maðurinn bara heimskur og getur ekkert gert að því? Kjósa hann á alþingi í hvelli svo hann geti verið innanum fólk sem talar eins og hann....

[Jens Guð, 5.1.2011 kl. 02:11]

  Óskar,  kannski er það rétt hjá þér að gáfur flækist ekki fyrir manninum.  Hann myndi sóma sér vel á Alþingi innan um dæmdan þjóf,  skattsvikara,  kúlulánadrottningu,  vafningskóng og allan þann pakka.   

[Óskar Arnórsson, 5.1.2011 kl. 02:23]

Kemst ég á Alþingi ef ég ræni einhvern? Mig vantar eitthvað þægilegt að gera...

[Jens Guð, 5.1.2011 kl. 22:38]

  Óskar,  ég veit ekki hvort það er "möst".  En það hjálpar,  samanber Árna Johnsen.