10 verstu kvikmyndir ársins 2010

  Fjölmiðlar láta sér ekki allir nægja að birta lista yfir besta hitt og þetta sem kom fram á árinu 2010.  Söluhæsta poppmúsíkblað heims,  hið bandaríska Rolling Stone,  birtir í janúar-heftinu lista yfir 10 verstu kvikmyndir ársins 2010.  Þar kennir margra grasa.  Þó ég sæki töluvert í kvikmyndahús er ég svo lánssamur að hafa ekki ratað inn á neina af þessum myndum.  Svona er listinn:

1   The Tourist

2   2. Burlesque

3   Eat Pray Love

4   Sex and the City 2

5   The Twilight Saga Eclipse

6   Jonah Hex

7   Knight and Day

8   The Last Airbender

9   Grown Ups

10  Clash of the Titans

Athugasemdir

[Daníel (IP-tala skráð) 16.1.2011 kl. 17:41]

Ertu viss um að röðin sé ekki öfug hjá þér. Ég veit allavega að Clash of the Titans og Grown Ups eru svo lélegar að það væri í raun sérstakt afrek að framleiða mikið verri myndir. Svo veit ég líka að þrátt fyrir að Tourist hafi verið vonbrigði var hún ekki alsæm.  Sami maður leikstýrði henni og leikstýrði Óskarsverðlaunamyndinni, Das Leben der Anderen sem segir nú ýmislegt.

[Ásthildur Cesil Þórðardóttir, 16.1.2011 kl. 18:32]

Fer sjaldan í kvikmyndahús nú orðið. En ég efast ekki um að þessar myndir eru arfalélegar.

[Jón Pétur Líndal, 16.1.2011 kl. 20:14]

The tourist er mjög skemmtileg mynd.

[Benedikt Sveinsson (IP-tala skráð) 16.1.2011 kl. 21:30]

Hvar er Skyline !!

[stebbi (IP-tala skráð) 16.1.2011 kl. 22:05]

skyline var hörmung. ég hef aldrei gengið út úr bíói en ég gat bara ekki setið lengur og horft á þetta rusl.

[Hjóla-Hrönn, 16.1.2011 kl. 22:16]

Ég hélt fyrst að þetta væri listi yfir bestu myndirnar og skildi ekkert í því að sex & the city hefði komist á lista.  Það er eina myndin af þessum sem ég hef séð.  Þessu var þröngvað inn í mín augu í flugi og þetta var svo pínlegt og leiðinlegt að mér hefði næstum verið sama ef vélin hefði hrapað...  Tók svefntöflu og náði að hækka skemmtanagildi ferðarinnar umtalsvert við það.  Svo ég veit ekki hvernig myndin endaði.

[Ómar Ingi, 17.1.2011 kl. 00:08]

Þetta er bara nokkuð réttur listi en auðvitað á viðbjóðurinn Skyline að vera þarna og Tourist er einhver mesti viðbjóður sem hefur farið í bíó einnig Spy Next Door með honum Latibær hristing sem ætti að banna.

[Hörður Sigurðsson Diego, 17.1.2011 kl. 01:16]

Það er fullt af liði inni á Imdb sem dásamar ofantaldar myndir og telur þær á meðal þeirra bestu á síðasta ári. Það eru t.d. margir sem segja The Tourist vera frábæra mynd og enn fleiri sem segja Skyline vera eina bestu vísindaskáldsögu seinni tíma. Sumir segja "miðað við aðstæður" því hún var víst gerð fyrir mjög lítinn pening.

Sjálfur hef ég enga þeirra séð.

[Teitur Haraldsson, 17.1.2011 kl. 09:08]

Fólk ætti að hugsa sjálfstætt og meta svona myndir sjálft, ekki láta eitthvað hip blað segja eitthvað sem er frekar vafasamt hvernig var metið.

[Benedikt Sveinsson (IP-tala skráð) 17.1.2011 kl. 20:27]

Hvar er Skyline !!

[Jens Guð, 17.1.2011 kl. 23:21]

  Daníel,  röðin er rétt hjá mér eins og hún er hjá Rolling Stone. 

[Jens Guð, 17.1.2011 kl. 23:23]

  Ásthildur Cesil,  ég hef ekki séð neina af þessu myndum en dreg ekki í efa að þær eigi heima á þessum lista.  Ég tek mark á Rolling Stone.  Þar á bæ fylgjast menn vel með íslenskri músík og hafa alltaf afgreitt það dæmi af sanngirni.

[Jens Guð, 17.1.2011 kl. 23:23]

  Jón Pétur,  lát meira heyra af þeirri mynd.

[Jens Guð, 17.1.2011 kl. 23:24]

  Benedikt,  ég spyr líka. 

[Jens Guð, 17.1.2011 kl. 23:24]

  Stebbi, takk fyrir þessar upplýsingar.

[Jens Guð, 17.1.2011 kl. 23:26]

  Hjóla-Hrönn,  ég hef heyrt fleiri lýsingar í þessum dúr af þessari mynd.

[Jens Guð, 17.1.2011 kl. 23:28]

  Ómar Ingi,  takk fyrir þessar upplýsingar.

[Jens Guð, 17.1.2011 kl. 23:28]

  Hörður,  ég hef heldur ekki séð þessar myndir.

[Jens Guð, 17.1.2011 kl. 23:32]

  Teitur,  Rolling Stone er þekkt og vel kynnt tímarit fyrir að vera vant að virðingu sinni.  Ég er að vísu ekki mikið vel heima í kvikmyndaheimi en RS hefur skorað ótal mörk í músíkbransanum.  Frægasta dæmið er þessi umsögn:  "Ég hef heyrt framtíð rokksins.  Hún heitir Bruce Springsteen."  Þessi orð voru skráð áður en Brúsi sló í geng.

[Jens Guð, 17.1.2011 kl. 23:33]

  Benedikt,  ég held áfram að spyrja með þér.