Hrun í miðasölu á hljómleika

  Fyrir bankahrun voru Íslendingar hljómleikaglaðasta þjóð heims miðað við höfðatölu.  Kókaínsniffandi bankaræningjar og aðrir orsakavaldar og sukkkóngar hrunsins máttu ekki eiga afmæli öðruvísi en "rigga" upp hljómleikum með Elton John,  50 Cent,  Ziggy Marley,  Tom Jones eða Bubba Morthens. 

  Almenningi bauðst líka að mæta vikulega í Nasa,  Laugardalshöll eða Egilshöll á hljómleika með stjörnum á borð við Bob Dylan,  Morrisey,  Lou Reed,  Patti Smith,  Roberti Plant,  Megadeath,  Harum Scarum og bara eiginlega öllum öðrum af þessum helstu.

  Frá haustmánuðum 2008 hefur lítið orðið vart við hljómleika útlendra stórstjarna hérlendis.  Nema Eivarar.  Hún er reyndar eiginlega fósturdóttir Íslands.  Og jafnan uppselt á hljómleika með henni.  Líka eftir bankahrun.  Íslenskir tónlistarmenn hafa sömuleiðis átt góðri aðsókn á hljómleika að fagna.  Nægir í því sambandi að benda á jólahljómleika Frostrósa og Björgvins Halldórssonar. 

  Þessu er ekki þannig farið í Bandaríkjum Norður-Ameríkubankahrun quilera var aflýst vegna dræmrar miðasölu (gott mál).  Hljómleikaferð írsku risanna í U2 var frestað til 2011.  Lilith Fair hélt sinni hljómleikaferð til streitu þrátt fyrir hálftóma hljómleikasali.  Miðaverð á hljómleika Rihönnu,  American Idol Live!,  Warped Tour og margra annarra var lækkað niður í 10 dollara (1200 kall) úr nokkur þúsund kalli. 

  Á móti vegur lítillega að söluaukning varð á miðum á helstu árlega rokkhátíð framsækins rokks í Bandaríkjunum,  Lollapalooza.  2009 voru 225 þúsund miðar seldir á Lollapalooza.  2010 seldust 238 þúsund miðar á Lollapalooza. 

  Svo virðist sem bandarískir hljómleikagestir séu orðnir vandlátari varðandi hljómleika.  Þeir vilja frekar borga hærri upphæð fyrir tónlistarhátíðir með 30 hljómsveitum en helmingi lægri upphæð fyrir hljómleika með 2 - 3 nöfnum.  Þetta má kannski líka merkja af aðsókn á áðurnefnda jólahljómleika hérlendis,  svo og Iceland Airwaves. 

  Perry Farell,  forsprakki Porno for Pyros,  er forsprakki Lollapalooza.  Aðalnúmer Lollapalooza 2010 var Soundgarden: 

Athugasemdir

[Guðmundur Júlíusson, 22.1.2011 kl. 23:40]

Sæll og blessaður, og  takk fyrir góða pistla um tónlist, en mig langar til að spyrja þig hvort þú hafir skoðað þessa síðu:

 http://www.jango.com

Hún er alveg stórkostleg, þú áttar þig strax á hvernig hún virkar.

en sennilega ertu þegar kunnugur þessari síðu

[Jens Guð, 23.1.2011 kl. 00:02]

  Guðmundur,  bestu þakkir fyrir ábendinguna.  Ég vissi ekki af þessari síðu.

[Óskar Þorkelsson, 23.1.2011 kl. 09:51]

áhugavert þetta með að fólk vilji heldur fara á tónleika með mörgum hljómsveitum en tónleika með bara einni.. held að niðurhalskynslóðin sé hér kominn á tónleikaaldur iog þeir nenna ekkert að fara að hlusta á eina hljómsveit í marga klukkutíma.. heldur vilja þau fá helling af tónlist frá mismunandi listamönnum..

Jango hef ég notað lengi, hægt er að stilla jango þannig að þú fáir þá tónlist sem þér líka allan daginn.. ég hef 4 prófila þarna inni.

Ég er reyndar farinn að færa mig yfir í spotify..

[Siggi Lee Lewis, 23.1.2011 kl. 18:07]

Það er nú ekki sanngjarnt að kalla þá sem mest töpuðu í hruninu "kókaínsniffandi bankaræningja og aðra orsakavalda". Ekki kallaðirðu þá kókainsniffandi bankaræningja hér í góðærinu

Eitt enn. Er ekki ofum aukið að setja Bubba Morthens á lista með  Bob Dylan og Tom Jones? hehehe

[Jens Guð, 24.1.2011 kl. 21:13]

   Óskar, það er alveg til í dæminu að breytta hegðun hljómleikagesta megi rekja til niðurhalskynslóðarinnar. 

[Jens Guð, 24.1.2011 kl. 21:22]

   Ziggy Lee, það er almenningur sem tapaði mest á bankaránunum.  Ekki ræningjarnir sem geyma nú ránsfenginn á Tortóla.  

  Kók-neysla bankaræningjanna á græðgisárunum - og enn - fór ekki framhjá neinum sem höfðu eyru og augu opin.  Hinsvegar var ekki hægt að kalla þá bankaræningja fyrr en eftir ránin.  Það segir sig sjálft.  Þannig ganga bankarán fyrir sig.  

  Bubbi Morthens spilaði í Samskipum með Elton John í afmæli Óla.